ਵੈੱਬ ਡੈਸਕ - ਗਰਮੀਆਂ ਦੇ ਮੌਸਮ 'ਚ ਤੇਜ਼ ਧੁੱਪ ਅਤੇ ਹੁੰਮਸ ਵਾਲੀ ਗਰਮੀ ਕਾਰਨ ਚਿਹਰੇ ਦੀ ਚਮੜੀ ਬੇਜਾਨ ਅਤੇ ਖੁਸ਼ਕ ਹੋਣੀ ਆਮ ਗੱਲ ਹੈ। ਇਸ ਮੌਸਮ 'ਚ ਸਲਾਦ ਵਜੋਂ ਖਾਧਾ ਜਾਣ ਵਾਲਾ ਖੀਰਾ ਨਾ ਸਿਰਫ਼ ਸਿਹਤ ਲਈ, ਸਗੋਂ ਸਾਡੀ ਸਕਿਨ ਲਈ ਵੀ ਬੇਹੱਦ ਫਾਇਦੇਮੰਦ ਹੁੰਦਾ ਹੈ। ਖੀਰੇ 'ਚ ਲਗਭਗ 95% ਪਾਣੀ ਹੁੰਦਾ ਹੈ, ਜੋ ਗਰਮੀ 'ਚ ਚਮੜੀ ਨੂੰ ਅੰਦਰੋਂ ਅਤੇ ਬਾਹਰੋਂ ਹਾਈਡ੍ਰੇਟ ਰੱਖਣ 'ਚ ਮਦਦ ਕਰਦਾ ਹੈ।

ਬਿਊਟੀ ਮਾਹਿਰਾਂ ਮੁਤਾਬਕ, ਜੇਕਰ ਤੁਸੀਂ ਮਹਿੰਗੇ ਪ੍ਰੋਡਕਟਸ ਦੀ ਬਜਾਏ ਰੋਜ਼ਾਨਾ ਚਿਹਰੇ 'ਤੇ ਖੀਰੇ ਦੇ ਰਸ ਦੀ ਵਰਤੋਂ ਕਰਦੇ ਹੋ, ਤਾਂ ਚਮੜੀ ਦੀਆਂ ਕਈ ਵੱਡੀਆਂ ਸਮੱਸਿਆਵਾਂ ਤੁਰੰਤ ਦੂਰ ਹੋ ਸਕਦੀਆਂ ਹਨ।

ਖੀਰੇ ਦੇ ਰਸ ਦੇ 5 ਬਿਹਤਰੀਨ ਫਾਇਦੇ :-

ਚਮੜੀ ਨੂੰ ਰੱਖੇ ਠੰਢਾ ਅਤੇ ਹਾਈਡ੍ਰੇਟ
- ਤੇਜ਼ ਧੁੱਪ ਕਾਰਨ ਝੁਲਸੀ ਚਮੜੀ 'ਤੇ ਜਦੋਂ ਖੀਰੇ ਦਾ ਰਸ ਲਗਾਇਆ ਜਾਂਦਾ ਹੈ, ਤਾਂ ਇਹ ਚਮੜੀ ਨੂੰ ਤੁਰੰਤ ਠੰਢਕ ਦਿੰਦਾ ਹੈ। ਇਹ ਸਕਿਨ ਦੀ ਖੁਸ਼ਕੀ ਨੂੰ ਖ਼ਤਮ ਕਰਕੇ ਉਸ ਨੂੰ ਨਰਮ ਬਣਾਉਂਦਾ ਹੈ।

ਅੱਖਾਂ ਦੇ ਕਾਲੇ ਘੇਰੇ ਕਰੇ ਦੂਰ
- ਅੱਖਾਂ ਦੇ ਹੇਠਾਂ ਪਏ ਕਾਲੇ ਘੇਰਿਆਂ ਅਤੇ ਸੋਜ ਨੂੰ ਹਟਾਉਣ ਲਈ ਖੀਰੇ ਦਾ ਰਸ ਸਭ ਤੋਂ ਰਾਮਬਾਣ ਇਲਾਜ ਹੈ। ਖੀਰੇ ਦੇ ਰਸ 'ਚ ਕਪਾਹ ਨੂੰ ਭਿਉਂ ਕੇ 10-15 ਮਿੰਟ ਅੱਖਾਂ 'ਤੇ ਰੱਖਣ ਨਾਲ ਬਹੁਤ ਆਰਾਮ ਮਿਲਦਾ ਹੈ।

ਕਿੱਲ-ਮੁਹਾਸਿਆਂ ਅਤੇ ਐਕਸਟਰਾ ਆਇਲ ਤੋਂ ਰਾਹਤ
- ਖੀਰੇ ਦਾ ਰਸ ਚਿਹਰੇ ਦੇ ਵਾਧੂ ਤੇਲ ਨੂੰ ਕੰਟਰੋਲ ਕਰਦਾ ਹੈ। ਇਸ 'ਚ ਮੌਜੂਦ ਐਂਟੀ-ਆਕਸੀਡੈਂਟ ਗੁਣ ਚਿਹਰੇ ਦੇ ਖੁੱਲ੍ਹੇ ਮਸਾਮਾਂ ਨੂੰ ਛੋਟਾ ਕਰਦੇ ਹਨ, ਜਿਸ ਨਾਲ ਕਿੱਲ-ਮੁਹਾਸੇ ਨਿਕਲਣੇ ਬੰਦ ਹੋ ਜਾਂਦੇ ਹਨ।

ਵਧਦੀ ਉਮਰ ਦੇ ਲੱਛਣਾਂ ਨੂੰ ਰੋਕੇ
- ਖੀਰੇ 'ਚ ਵਿਟਾਮਿਨ-ਸੀ ਅਤੇ ਕੈਫੀਕ ਐਸਿਡ ਹੁੰਦਾ ਹੈ, ਜੋ ਚਿਹਰੇ ਦੀਆਂ ਬਾਰੀਕ ਰੇਖਾਵਾਂ ਅਤੇ ਝੁਰੜੀਆਂ ਨੂੰ ਘੱਟ ਕਰਨ 'ਚ ਮਦਦ ਕਰਦਾ ਹੈ। ਇਸ ਨਾਲ ਚਮੜੀ 'ਚ ਕਸਾਅ ਆਉਂਦਾ ਹੈ ਅਤੇ ਚਿਹਰਾ ਜਵਾਨ ਦਿਖਦਾ ਹੈ।

ਦਾਗ-ਧੱਬੇ ਸਾਫ਼ ਕਰੇ
- ਖੀਰੇ ਦੇ ਰਸ 'ਚ ਹਲਕਾ ਜਿਹਾ ਬਲੀਚਿੰਗ ਗੁਣ ਹੁੰਦਾ ਹੈ। ਰੋਜ਼ਾਨਾ ਇਸ ਨੂੰ ਚਿਹਰੇ 'ਤੇ ਲਗਾਉਣ ਨਾਲ ਧੁੱਪ ਕਾਰਨ ਹੋਈ ਟੈਨਿੰਗ ਅਤੇ ਚਿਹਰੇ ਦੇ ਕਾਲੇ ਦਾਗ-ਧੱਬੇ ਹੌਲੀ-ਹੌਲੀ ਸਾਫ਼ ਹੋ ਜਾਂਦੇ ਹਨ।

ਵਰਤੋਂ ਕਰਨ ਦਾ ਆਸਾਨ ਤਰੀਕਾ :-

- ਇਕ ਖੀਰੇ ਨੂੰ ਕੱਦੂਕਸ ਕਰਕੇ ਉਸ ਦਾ ਰਸ ਕੱਢ ਲਓ। ਇਸ ਰਸ ਨੂੰ ਕਪਾਹ ਦੀ ਮਦਦ ਨਾਲ ਸਿੱਧਾ ਆਪਣੇ ਚਿਹਰੇ ਅਤੇ ਗਰਦਨ 'ਤੇ ਲਗਾਓ। 20 ਮਿੰਟ ਸੁੱਕਣ ਤੋਂ ਬਾਅਦ ਚਿਹਰੇ ਨੂੰ ਸਾਦੇ ਪਾਣੀ ਨਾਲ ਧੋ ਲਓ। ਬਿਹਤਰ ਨਤੀਜਿਆਂ ਲਈ ਤੁਸੀਂ ਇਸ 'ਚ ਨਿੰਬੂ ਦੇ ਰਸ ਦੀਆਂ ਕੁਝ ਬੂੰਦਾਂ ਜਾਂ ਗੁਲਾਬ ਜਲ ਵੀ ਮਿਲਾ ਸਕਦੇ ਹੋ।