ਭੂਮੱਧ ਸਾਗਰ ''ਚ ਕਿਸ਼ਤੀ ਡੁੱਬਣ ਕਾਰਨ 100 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋਣ ਦੀ ਸੰਭਾਵਨਾ, 5 ਲਾਸ਼ਾਂ ਬਰਾਮਦ
03/24/2017 5:40:19 AM
ਰੋਮ— ਲੀਬੀਆ ਨੇੜੇ ਭੂਮੱਧ ਸਾਗਰ ''ਚ ਇਕ ਬਚਾਅ ਕਿਸ਼ਤੀ ਨੂੰ ਰਬਰ ਦੀ ਦੋ ਡੁੱਬੀ ਹੋਈ ਕਿਸ਼ਤੀ ਮਿਲੀ ਜਿਸ ਤੋਂ ਬਾਅਦ ਕਰੀਬ 100 ਤੋਂ ਜ਼ਿਆਦਾ ਲੋਕਾਂ ਦੇ ਡੁੱਬਣ ਦੀ ਸੰਭਾਵਨਾ ਦੱਸੀ ਜਾ ਰਹੀ ਹੈ। ਸਪੇਨਿਸ਼ ਚੈਰਿਟੀ ਸੰਸਥਾ ਕਿਰਿਆਸ਼ੀਲ ਓਪਨ ਆਰਮਜ਼ ਦੇ ਬੁਲਾਰੇ ਲਾਰਾ ਲਾਨੁਜਾ ਨੇ ਕਿਹਾ ਕਿ ਉਸ ਦੀ ਕਿਸ਼ਤੀ ਗੋਲਫੋ ਅਜਬਰੋ ਨੂੰ ਲੀਬੀਆਈ ਤੱਟ ਤੋਂ ਕਰੀਬ 15 ਕਿਲੋਮੀਟਰ ਦੂਰ ਰਬਰ ਦੀਆਂ ਕਿਸ਼ਤੀਆਂ ਨੇੜੇ 5 ਲਾਸ਼ਾਂ ਤੈਰਦੀਆਂ ਹੋਈਆਂ ਨਜ਼ਰ ਆਈਆਂ। ਉਨ੍ਹਾਂ ਦੱਸਿਆ, ''''ਸਾਨੂੰ ਨਹੀਂ ਲੱਗਦਾ ਕਿ ਇਸ ਤੋਂ ਇਲਾਵਾ ਕੋਈ ਦੂਜਾ ਸਪਸ਼ਟੀਕਰਨ ਹੋ ਸਕਦਾ ਹੈ ਕਿ ਇਹ ਕਿਸ਼ਤੀਆਂ ਲੋਕਾਂ ਨਾਲ ਭਰੀਆਂ ਹੋਣਗੀਆਂ।'''' ਉਨ੍ਹਾਂ ਕਿਹਾ ਕਿ ਅਜਿਹੀ ਕਿਸ਼ਤੀ ''ਚ ਕਰੀਬ 120-140 ਲੋਕ ਸ਼ਫਰ ਕਰ ਰਹੇ ਹੁੰਦੇ ਹਨ। ਲਾਨੁਜਾ ਨੇ ਕਿਹਾ ਕਿ ਜਿਹੜੀਆਂ ਲਾਸ਼ਾਂ ਮਿਲਿਆਂ ਹਨ ਉਹ ਅਫਰੀਕੀ ਲੋਕਾਂ ਦੀਆਂ ਹਨ ਜਿਨ੍ਹਾਂ ਦੀ ਉਮਰ 16 ਤੋਂ 20 ਸਾਲ ਵਿਚਾਲੇ ਹੈ।
ਜ਼ਿਕਰਯੋਗ ਹੈ ਕਿ ਯੂਰੋਪੀ ਸੰਘ ਅਤੇ ਤੁਰਕੀ ''ਚ ਸਮੱਝੌਤੇ ਤੋਂ ਬਾਅਦ ਗ੍ਰੀਸ ਦੇ ਰਸਤੇ ਪ੍ਰਵਾਸੀਆਂ ਦੇ ਆਉਣ ''ਤੇ ਰੋਕ ਲਗਾ ਦਿੱਤੀ ਗਈ ਸੀ, ਜਿਸ ਦੇ ਬਾਅਦ ਵੱਡੀ ਗਿਣਤੀ ''ਚ ਪ੍ਰਵਾਸੀਆਂ ਨੇ ਵਿਚਕਾਰ ਭੂਮੱਧ ਸਾਗਰ ਖੇਤਰ ਨੂੰ ਪਾਰ ਕਰਨ ਦੀ ਕੋਸ਼ਿਸ਼ ਕੀਤੀ। ਪ੍ਰਵਾਸੀ ਮਾਮਲੀਆਂ ਦੇ ਅੰਤਰਰਾਸ਼ਟਰੀ ਸੰਗਠਨ ਮੁਤਾਬਕ ਇਸ ਸਾਲ ਭੂਮੱਧ ਸਾਗਰ ਪਾਰ ਕਰਣ ਦੀ ਕੋਸ਼ਿਸ਼ ''ਚ ਹੁਣ ਤੱਕ 559 ਲੋਕਾਂ ਦੀ ਮੌਤ ਹੋ ਗਈ ਹੈ ਉਥੇ ਹੀ ਸਾਲ 2016 ''ਚ ਭੂਮੱਧ ਸਾਗਰ ਪਾਰ ਕਰਨ ਦੀ ਕੋਸ਼ਿਸ਼ ਕਰਨ ''ਚ ਲੱਗਭੱਗ 5000 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ।
