ਡਾਕਟਰਾਂ ਨੇ ਕਿਹਾ ਕਿ ਮੈਂ ਜ਼ਿਆਦਾ ਦੇਰ ਨ੍ਹੀਂ ਜਿਆਂਗੀ, ਪਰ ਫੇਰ ਮੈਂ ਯੋਗ ਸ਼ੁਰੂ ਕੀਤਾ....

ਰਿਆਦ : ਸਾਊਦੀ ਅਰਬ ਦੇ ਲੋਕਾਂ ਨੇ 7 ਸਾਲ ਪਹਿਲਾਂ ਬਿਨਾਂ ਕਿਸੇ ਝਿਜਕ ਦੇ ਯੋਗ ਨੂੰ ਅਪਣਾਇਆ ਸੀ ਅਤੇ ਹੁਣ ਇਸ ਦੇਸ਼ ਵਿਚ ਇਹ ਪ੍ਰਾਚੀਨ ਭਾਰਤੀ ਰੂਪ ਬਹੁਤ ਮਸ਼ਹੂਰ ਹੈ ਅਤੇ ਇਸ ਵਿਚ ਔਰਤਾਂ ਦਾ ਦਬਦਬਾ ਹੈ। ਦੇਸ਼ ਦੇ ਪਹਿਲੇ ਪ੍ਰਮਾਣਿਤ ਯੋਗਾ ਇੰਸਟ੍ਰਕਟਰ ਅਤੇ ਪਦਮ ਸ਼੍ਰੀ ਨਾਲ ਸਨਮਾਨਿਤ ਹੋਣ ਵਾਲੇ ਪਹਿਲੇ ਅਰਬ ਨਾਗਰਿਕ ਨੂ ਮਾਰਵਾਈ ਨੇ ਇਹ ਗੱਲ ਕਹੀ।

ਮਾਰਵਈ ਨੇ ਕਿਹਾ ਕਿ ਸਾਊਦੀ ਅਰਬ ਦੇ ਲੋਕ ਹਰ ਉਹ ਚੀਜ਼ ਪਸੰਦ ਕਰਦੇ ਹਨ ਜੋ ਸਿਹਤ ਲਈ ਚੰਗੀ ਹੋਵੇ। ਉਸਨੇ 2017 'ਚ ਸਾਊਦੀ ਅਰਬ 'ਚ ਯੋਗਾ ਨੂੰ ਪੇਸ਼ ਕਰਨ 'ਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ ਤੇ 2018 'ਚ ਭਾਰਤ ਸਰਕਾਰ ਦੁਆਰਾ ਉਸਨੂੰ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਉਹ ਹੁਣ 2021 'ਚ ਸਥਾਪਿਤ ਸਾਊਦੀ ਯੋਗਾ ਕਮੇਟੀ ਦੀ ਮੁਖੀ ਹੈ ਤੇ ਅਰਬ ਯੋਗਾ ਫਾਊਂਡੇਸ਼ਨ ਦੀ ਸੰਸਥਾਪਕ ਤੇ ਚੇਅਰਪਰਸਨ ਹੈ। ਮਾਰਵਾਈ ਦਾ ਕਹਿਣਾ ਹੈ ਕਿ ਅੱਜ ਸਾਊਦੀ ਅਰਬ 'ਚ ਯੋਗਾ 'ਚ ਔਰਤਾਂ ਦਾ ਦਬਦਬਾ ਹੈ। ਉਨ੍ਹਾਂ ਦੱਸਿਆ ਕਿ ਮੱਕਾ 'ਚ ਅਲ ਵਾਹਲਾ ਕਲੱਬ ਤੇ ਸਾਊਦੀ ਯੋਗਾ ਕਮੇਟੀ ਵੱਲੋਂ ਕਰਵਾਈ ਗਈ ਦੂਜੀ ਸਾਊਦੀ ਓਪਨ ਯੋਗ ਆਸਣ ਚੈਂਪੀਅਨਸ਼ਿਪ 'ਚ 56 ਲੜਕੀਆਂ ਤੇ 10 ਲੜਕਿਆਂ ਨੇ ਹਿੱਸਾ ਲਿਆ। ਜਦੋਂ ਮਾਰਵਾਈ 17 ਸਾਲ ਦੀ ਸੀ, ਤਾਂ ਉਸ ਨੂੰ ਆਟੋਇਮਿਊਨ ਬਿਮਾਰੀ 'ਲੂਪਸ ਏਰੀਥੀਮੇਟੋਸਸ' ਦਾ ਪਤਾ ਲੱਗਾ।

ਯੋਗਾ ਵੱਲ ਆਪਣੇ ਝੁਕਾਅ ਨੂੰ ਯਾਦ ਕਰਦੇ ਹੋਏ, ਉਸਨੇ ਕਿਹਾ ਕਿ ਡਾਕਟਰਾਂ ਨੇ ਮੇਰੇ ਮਾਤਾ-ਪਿਤਾ ਨੂੰ ਕਿਹਾ ਕਿ ਮੈਂ ਜ਼ਿਆਦਾ ਦੇਰ ਨਹੀਂ ਜੀਵਾਂਗੀ। ਮੈਨੂੰ ਸਕੂਲ ਨਾ ਜਾਣ ਲਈ ਕਿਹਾ ਗਿਆ ਸੀ ਅਤੇ ਉਦੋਂ ਹੀ ਮੈਂ ਰਿਆਦ 'ਚ ਘਰ 'ਚ ਯੋਗਾ ਸਿੱਖਿਆ ਸੀ। ਮੇਰੀ ਸਿਹਤ ਵਿਚ ਹੈਰਾਨੀਜਨਕ ਸੁਧਾਰ ਹੋਣ ਲੱਗਾ। ਅੰਤ 'ਚ, ਮੈਂ ਯੋਗਾ ਬਾਰੇ ਹੋਰ ਜਾਣਨ ਲਈ ਭਾਰਤ ਜਾਣ ਦਾ ਫੈਸਲਾ ਕੀਤਾ।

ਮਾਰਵਈ ਨੇ ਕਿਹਾ ਕਿ ਮੈਂ 2008 'ਚ ਯੋਗਾ ਅਤੇ ਆਯੁਰਵੇਦ ਦਾ ਅਧਿਐਨ ਕਰਨ ਲਈ ਭਾਰਤ ਗਿਆ ਸੀ ਅਤੇ ਇਹ ਮੇਰੀ ਜ਼ਿੰਦਗੀ 'ਚ ਇੱਕ ਵੱਡਾ ਬਦਲਾਅ ਸੀ। ਸਾਊਦੀ ਅਰਬ ਵਿਚ ਯੋਗ ਦੀ ਸ਼ੁਰੂਆਤ ਵਿਚ ਆਉਣ ਵਾਲੀਆਂ ਮੁਸ਼ਕਲਾਂ 'ਤੇ ਮਰਵਾਈ ਨੇ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਸਾਊਦੀ ਲੋਕਾਂ ਨੂੰ ਇਹ ਜਾਨਣ ਦੀ ਲੋੜ ਹੈ ਕਿ ਉਹ ਯੋਗ ਕਰਦੇ ਹੋਏ ਅਜਿਹਾ ਕੁਝ ਨਹੀਂ ਕਰ ਰਹੇ ਹਨ ਜੋ ਉਨ੍ਹਾਂ ਦੇ ਧਰਮ ਦੇ ਖਿਲਾਫ ਹੈ। ਸਾਊਦੀ ਅਰਬ ਵਿਚ ਹੀ ਇਸਲਾਮ ਦੀ ਸ਼ੁਰੂਆਤ ਹੋਈ ਹੈ।

ਮਾਰਵਈ ਨੇ ਕਿਹਾ ਕਿ ਮੇਰਾ ਮੰਨਣਾ ਹੈ ਕਿ ਤੁਹਾਡੇ ਜੀਵਨ ਨੂੰ ਵਧਾਉਣ ਲਈ ਕਿਸੇ ਵੀ ਫਲਸਫੇ ਦਾ ਅਧਿਐਨ ਕਰਨ ਅਤੇ ਸਿੱਖਣ 'ਚ ਕੋਈ ਨੁਕਸਾਨ ਨਹੀਂ ਹੈ। ਬੇਸ਼ੱਕ, ਵੈਦਿਕ ਦਰਸ਼ਨ ਅਤੇ ਯੋਗਾ ਵੇਦਾਂ ਵਾਂਗ ਹੀ ਪਿਛੋਕੜ ਤੋਂ ਆਉਂਦੇ ਹਨ। ਵੇਦ ਅਸਲ 'ਚ ਬਹੁਤ ਪ੍ਰਾਚੀਨ ਹਨ ਤੇ ਹਜ਼ਾਰਾਂ ਸਾਲਾਂ ਤੋਂ ਮਨੁੱਖਤਾ ਲਈ ਮੌਜੂਦ ਹਨ। ਉਨ੍ਹਾਂ ਕਿਹਾ ਕਿ ਸਾਊਦੀ ਅਰਬ 'ਚ ਲੋਕ ਯੋਗ ਦਾ ਵਿਰੋਧ ਨਹੀਂ ਕਰਦੇ ਸਨ, ਪਰ ਬਾਹਰ ਦੇ ਲੋਕਾਂ ਨੇ ਕੀਤਾ ਸੀ।