ਆਸਟ੍ਰੇਲੀਆਈ ਰਾਜ ਨੇ ਕੋਵਿਡ ਵੈਕਸੀਨ ਲਈ ਸ਼ੁਰੂ ਕੀਤੀ 'ਆਨਲਾਈਨ ਬੁਕਿੰਗ'

ਪਰਥ (ਭਾਸ਼ਾ): ਪੱਛਮੀ ਆਸਟ੍ਰੇਲੀਆਈ ਰਾਜ (WA) ਮੰਗਲਵਾਰ ਨੂੰ ਟੀਕਾਕਰਣ ਵਿਚ ਤੇਜ਼ੀ ਲਿਆਉਣ ਦੀਆਂ ਸਰਕਾਰ ਦੀਆਂ ਕੋਸ਼ਿਸ਼ਾਂ ਦੇ ਹਿੱਸੇ ਵਜੋਂ ਕੋਵਿਡ-19 ਟੀਕਾਕਰਣ ਲਈ ਇੱਕ ਨਵੀਂ ਆਨਲਾਈਨ ਬੁਕਿੰਗ ਪ੍ਰਣਾਲੀ ਦੀ ਸ਼ੁਰੂਆਤ ਕਰੇਗਾ। ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਅਨੁਸਾਰ ਇਹ ਸਿਸਟਮ ਰਾਜ ਭਰ ਦੇ ਕਮਿਊਨਿਟੀ ਅਤੇ ਹਸਪਤਾਲ ਅਧਾਰਿਤ ਟੀਕਾਕਰਨ ਕਲੀਨਿਕਾਂ ਵਿਖੇ ਟੀਕਾਕਰਣ ਨਿਯੁਕਤੀਆਂ ਦੀ ਬੁਕਿੰਗ ਅਤੇ ਪੁਸ਼ਟੀ ਕਰਨ ਲਈ ਆਨਲਾਈਨ ਪ੍ਰਕ੍ਰਿਆ ਪ੍ਰਦਾਨ ਕਰੇਗਾ।
 
ਆਨਲਾਈਨ ਬੁਕਿੰਗ ਕਰਨ ਵੇਲੇ, ਖੋਜ ਨਤੀਜੇ ਉਪਭੋਗਤਾ ਦੁਆਰਾ ਦਾਖਲ ਕੀਤੀ ਗਈ ਜਾਣਕਾਰੀ ਦੇ ਅਧਾਰ 'ਤੇ ਸੰਬੰਧਿਤ ਕਲੀਨਿਕਾਂ ਅਤੇ ਤਾਰੀਖ਼ਾਂ, ਸਿਫਾਰਸ਼ ਕੀਤੇ ਟੀਕਿਆਂ ਅਤੇ ਖੁਰਾਕਾਂ ਦੇ ਵਿਚਕਾਰ ਸਮਾਂ ਪ੍ਰਦਰਸ਼ਿਤ ਕਰਨਗੇ। ਆਨਲਾਈਨ ਬੁਕਿੰਗ ਦੀ ਸ਼ੁਰੂਆਤ ਯੋਗ ਵਿਅਕਤੀਆਂ ਦੇ ਇੱਕ ਨਵੇਂ ਸਮੂਹ ਦੇ ਨਾਲ ਮੇਲ ਖਾਂਦੀ ਹੈ, ਜਿਸ ਵਿਚ ਖਾਸ ਤੌਰ 'ਤੇ ਨਿਰਧਾਰਤ ਅੰਡਰਲਾਈਂਗ ਮੈਡੀਕਲ ਸਥਿਤੀਆਂ ਵਾਲੇ ਨੌਜਵਾਨ ਬਾਲਗ ਅਤੇ ਅਪਾਹਜਤਾ ਵਾਲੇ ਲੋਕ ਵੀ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਹੁਣ ਪੱਛਮੀ ਆਸਟ੍ਰੇਲੀਆ ਦੇ ਰਾਜ ਦੁਆਰਾ ਟੀਕਾ ਲਗਵਾਉਣ ਦੇ ਵਧੇਰੇ ਮੌਕੇ ਹੋਣਗੇ। ਪਹਿਲਾਂ ਇਸ ਸ਼੍ਰੇਣੀ ਦੇ ਲੋਕ ਰਾਸ਼ਟਰਮੰਡਲ ਦੇ ਪ੍ਰਬੰਧਾਂ ਦੁਆਰਾ ਟੀਕਾ ਲਗਵਾਉਣ ਦੇ ਯੋਗ ਸਨ।ਹਾਲਾਂਕਿ, ਫਾਈਜ਼ਰ ਟੀਕੇ ਦੀ ਸੀਮਤ ਸਪਲਾਈ ਦੇ ਕਾਰਨ ਉਨ੍ਹਾਂ ਨੂੰ ਟੀਕਾ ਲਗਵਾਉਣ ਦੇ ਬਹੁਤ ਘੱਟ ਮੌਕੇ ਸਨ।

ਪੜ੍ਹੋ ਇਹ ਅਹਿਮ ਖਬਰ- ਆਸਟ੍ਰੇਲੀਆ ਦੇ ਇਸ ਰਾਜ 'ਚ ਮਾਸਕ ਪਾਉਣੇ ਕੀਤੇ ਗਏ ਲਾਜ਼ਮੀ

ਡਬਲਯੂ.ਏ. ਦੇ ਪ੍ਰੀਮੀਅਰ ਮਾਰਕ ਮੈਕਗੋਵਾਨ ਨੇ ਕਿਹਾ,“ਰਾਜ ਦੁਆਰਾ ਚਲਾਏ ਜਾ ਰਹੇ ਕਲੀਨਿਕਾਂ ਰਾਹੀਂ ਫੇਜ਼ 1 ਬੀ ਦੇ ਵਧੇਰੇ ਸਮੂਹਾਂ ਲਈ ਟੀਕਾ ਉਪਲਬਧ ਕਰਵਾਉਣਾ ਟੀਕਾਕਰਨ ਦੀ ਦਰ ਨੂੰ ਵਧਾਉਣ ਵਿਚ ਸਹਾਇਤਾ ਕਰੇਗਾ।'' ਡਬਲਯੂ.ਏ. ਦੇ ਸਿਹਤ ਮੰਤਰੀ ਰੋਜਰ ਕੁੱਕ ਨੂੰ ਆਸ ਹੈ ਕਿ ਇਸ ਹਫਤੇ ਤੋਂ 300,000 ਤੋਂ ਜ਼ਿਆਦਾ ਪੱਛਮੀ ਆਸਟ੍ਰੇਲੀਆ ਦੇ ਗੰਭੀਰ ਹਾਲਤਾਂ ਜਾਂ ਅਪਾਹਜ਼ ਲੋਕਾਂ ਨੂੰ ਟੀਕੇ ਲਗਾਏ ਜਾਣਗੇ। ਇਸ ਤੋਂ ਇਲਾਵਾ, ਕਮਿਊਨਿਟੀ ਕਲੀਨਿਕ ਜਲਦੀ ਹੀ ਫਾਈਜ਼ਰ ਟੀਕੇ ਲਗਾਉਣਗੇ। ਜੂਨ ਦੇ ਅਰੰਭ ਵਿਚ ਕਲੇਰਮਾਂਟ ਸ਼ੋਅਗ੍ਰਾਉਂਡਜ਼ ਕਲੀਨਿਕ ਸਭ ਤੋਂ ਪਹਿਲਾਂ 50 ਤੋਂ ਘੱਟ ਉਮਰ ਦੇ ਯੋਗ ਲੋਕਾਂ ਨੂੰ ਫੋਨ ਜਾਂ ਆਨਲਾਈਨ ਬੁਕਿੰਗ ਰਾਹੀਂ ਫਾਈਜ਼ਰ ਟੀਕੇ ਦੀ ਪੇਸ਼ਕਸ਼ ਕਰੇਗਾ। ਐਸਟਰਾਜ਼ੈਨੇਕਾ ਵੈਕਸੀਨ 31 ਮਈ ਤੋਂ ਪ੍ਰੀ-ਬੁੱਕਡ ਮੁਲਾਕਾਤ ਰਾਹੀਂ ਕਲੀਨਿਕ ਵਿਚ ਵੀ ਉਪਲਬਧ ਹੋਵੇਗਾ। ਐਤਵਾਰ ਤੱਕ, ਡਬਲਯੂ.ਏ. ਵਿਚ 361,000 ਤੋਂ ਵੱਧ ਟੀਕੇ ਲਗਾਏ ਗਏ ਸਨ, ਜੋ ਰਾਸ਼ਟਰੀ ਔਸਤ ਤੋਂ ਉੱਪਰ ਸਨ।ਮੈਕਗੋਵਾਨ ਨੇ ਕਿਹਾ,“ਮੇਰੀ ਤਰਜੀਹ ਇਹ ਨਿਸ਼ਚਿਤ ਕਰਨਾ ਹੈ ਕਿ ਵੱਧ ਤੋਂ ਵੱਧ ਲੋਕਾਂ ਨੂੰ ਟੀਕਾ ਲਗਾਇਆ ਜਾਵੇ।"

ਪੜ੍ਹੋ ਇਹ ਅਹਿਮ ਖਬਰ - ਸੁੰਘ ਕੇ ਕੋਵਿਡ-19 ਦੇ ਇਨਫੈਕਸ਼ਨ ਦਾ ਪਤਾ ਲਗਾ ਸਕਦੇ ਹਨ ਸਿਖਿਅਤ 'ਕੁੱਤੇ'