ਹਵਾਈ ਦੇ ਕਿਲਾਉਆ ਜਵਾਲਾਮੁਖੀ 'ਚ ਫਿਰ ਭਿਆਨਕ ਧਮਾਕਾ! 100 ਫੁੱਟ ਤੱਕ ਉਛਲਿਆ ਲਾਵਾ (ਵੀਡੀਓ)

ਵੈੱਬ ਡੈਸਕ : ਹਵਾਈ (Hawaii) ਦੇ ਕਿਲਾਉਆ (Kilauea) ਜਵਾਲਾਮੁਖੀ ਵਿੱਚ ਸ਼ਨੀਵਾਰ ਨੂੰ ਇੱਕ ਵਾਰ ਫਿਰ ਜ਼ੋਰਦਾਰ ਵਿਸਫੋਟ ਹੋਇਆ, ਜਿਸ ਦੌਰਾਨ ਲਾਵਾ ਅਤੇ ਰਾਖ ਬਾਹਰ ਨਿਕਲੀ। ਅਮਰੀਕੀ ਭੂ-ਵਿਗਿਆਨਕ ਸਰਵੇਖਣ (USGS) ਵੱਲੋਂ ਜਾਰੀ ਵੀਡੀਓ ਫੁਟੇਜ ਵਿੱਚ ਦੇਖਿਆ ਗਿਆ ਕਿ ਲਾਵੇ ਦੇ ਫੁਹਾਰੇ (Lava Fountains) ਲਗਭਗ 100 ਫੁੱਟ (300 ਮੀਟਰ) ਦੀ ਉਚਾਈ ਤੱਕ ਉੱਠੇ।

today at 9am in hawaii kilauea volcano sent lava more than 1000 feet in the air @ ~20 seconds into the video pic.twitter.com/N9zGGQRrp8

— Mr. (@TheWifePleaser) December 7, 2025

USGS ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਵਿਸਫੋਟ ਫਿਲਹਾਲ ਸਿਰਫ ਹਵਾਈ ਵੌਲਕੇਨੋਜ਼ ਨੈਸ਼ਨਲ ਪਾਰਕ ਦੇ ਅੰਦਰ ਸਥਿਤ ਹਲੇਮਾਉਮਾਉ (Halemaʻumaʻu) ਕ੍ਰੇਟਰ ਤੱਕ ਹੀ ਸੀਮਤ ਹੈ ਅਤੇ ਇਸ ਸਮੇਂ ਆਸਪਾਸ ਦੀ ਆਬਾਦੀ ਲਈ ਕੋਈ ਸਿੱਧਾ ਖ਼ਤਰਾ ਨਹੀਂ ਹੈ। ਕਿਲਾਉਆ ਦੁਨੀਆ ਦੇ ਸਭ ਤੋਂ ਵੱਧ ਸਰਗਰਮ ਜਵਾਲਾਮੁਖੀਆਂ ਵਿੱਚੋਂ ਇੱਕ ਹੈ ਅਤੇ ਇਹ ਦਸੰਬਰ 2024 ਤੋਂ ਲਗਾਤਾਰ ਸਰਗਰਮ ਰਿਹਾ ਹੈ।

Kilauea erupts in Hawaii with a TRIPLE lava fountain, shooting lava up to 300 meters pic.twitter.com/9JzAOc2nN4

— ℂ𝕙𝕖 𝔾𝕦𝕖𝕧𝕒𝕣𝕒 ★ (@cheguwera) December 7, 2025

ਮਾਹਿਰਾਂ ਅਨੁਸਾਰ, ਇਸ ਕਿਸਮ ਦੇ ਵਿਸਫੋਟਾਂ ਦਾ ਕਾਰਨ ਮੈਗਮਾ ਦੀ ਡੂੰਘਾਈ ਅਤੇ ਦਬਾਅ ਵਿੱਚ ਆਉਣ ਵਾਲੇ ਉਤਰਾਅ-ਚੜ੍ਹਾਅ ਹਨ। ਭਾਵੇਂ ਵਿਸਫੋਟ ਕ੍ਰੇਟਰ ਤੱਕ ਸੀਮਤ ਹੈ, ਪਰ ਜਵਾਲਾਮੁਖੀ ਤੋਂ ਨਿਕਲਣ ਵਾਲੀਆਂ ਸਲਫਰ ਡਾਈਆਕਸਾਈਡ ਗੈਸਾਂ ਸਥਾਨਕ ਹਵਾ ਦੀ ਗੁਣਵੱਤਾ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ। USGS ਦੇ ਵਿਗਿਆਨੀ ਲਗਾਤਾਰ ਵਿਸਫੋਟ ਦੀ ਤੀਬਰਤਾ, ਗੈਸ ਨਿਕਾਸੀ ਅਤੇ ਲਾਵਾ ਦੇ ਪ੍ਰਵਾਹ 'ਤੇ ਨਜ਼ਰ ਰੱਖ ਰਹੇ ਹਨ।