ਯੂਕ੍ਰੇਨ ''ਚ 19ਵੇਂ ਦਿਨ ਵੀ ਜੰਗ ਜਾਰੀ, ਨਵੀਂ ਸਹਾਇਤਾ ਯੋਜਨਾ ਦਾ ਐਲਾਨ

ਲਵੀਵ (ਭਾਸ਼ਾ)- ਯੂਕ੍ਰੇਨ ਦੇ ਰਾਸ਼ਟਰਪਤੀ ਦਫਤਰ ਨੇ ਸੋਮਵਾਰ ਨੂੰ ਕਿਹਾ ਕਿ ਕੀਵ ਦੇ ਬਾਹਰੀ ਇਲਾਕੇ, ਪੱਛਮ, ਉੱਤਰ-ਪੱਛਮ, ਪੂਰਬ ਅਤੇ ਉੱਤਰ-ਪੂਰਬ ਵਿੱਚ ਸੋਮਵਾਰ ਨੂੰ ਵੀ ਲੜਾਈ ਜਾਰੀ ਰਹੀ। ਖੇਤਰੀ ਅਧਿਕਾਰੀ ਨਿਸ਼ਾਨਾ ਬਣਾਏ ਗਏ ਖੇਤਰਾਂ ਤੋਂ ਹੋਰ ਨਿਕਾਸੀ ਦੀ ਤਿਆਰੀ ਕਰ ਰਹੇ ਹਨ। ਦੇਸ਼ ਭਰ ਦੇ ਸ਼ਹਿਰਾਂ ਅਤੇ ਕਸਬਿਆਂ ਵਿੱਚ ਪੂਰਬ ਵਿੱਚ ਰੂਸੀ ਸਰਹੱਦ ਨੇੜੇ ਤੋਂ ਲੈਕੇ ਪੱਛਮ ਵਿੱਚ ਕਾਰਪੈਥੀਅਨ ਪਹਾੜੀਆਂ ਤੱਕ ਹਵਾਈ ਹਮਲਿਆਂ ਤੋਂ ਸਾਵਧਾਨ ਕਰਨ ਵਾਲੇ ਸਾਇਰਨਾਂ ਦੀ ਆਵਾਜ਼ ਗੂੰਜਦੀ ਰਹੀ। ਰਾਸ਼ਟਰਪਤੀ ਦਫਤਰ ਨੇ ਕਿਹਾ ਕਿ ਹਵਾਈ ਹਮਲਿਆਂ ਨੇ ਮਹੱਤਵਪੂਰਨ ਦੱਖਣੀ ਸ਼ਹਿਰ ਮਾਈਕੋਲਾਈਵ ਦੇ ਨਾਲ-ਨਾਲ ਪੂਰਬੀ ਸ਼ਹਿਰ ਖਾਰਕੀਵ ਵਿੱਚ ਰਿਹਾਇਸ਼ੀ ਇਮਾਰਤਾਂ ਨੂੰ ਨਿਸ਼ਾਨਾ ਬਣਾਇਆ ਅਤੇ ਉੱਤਰ ਪੱਛਮ ਵੱਲ ਰਿਵਨੇ ਖੇਤਰ ਵਿੱਚ ਇੱਕ ਟੈਲੀਵਿਜ਼ਨ ਟਾਵਰ ਨੂੰ ਢਾਹ ਦਿੱਤਾ। 

ਪੜ੍ਹੋ ਇਹ ਅਹਿਮ ਖ਼ਬਰ- ਰੂਸ ਨੇ ਯੂਕ੍ਰੇਨ ਦੇ 3,920 ਫ਼ੌਜੀ ਟਿਕਾਣੇ ਕੀਤੇ ਤਬਾਹ

ਰੂਸ ਦੇ ਕਬਜ਼ੇ ਵਾਲੇ ਕਾਲੇ ਸਾਗਰ ਬੰਦਰਗਾਹ ਸ਼ਹਿਰ ਖੇਰਸਾਨ ਵਿੱਚ ਰਾਤ ਭਰ ਧਮਾਕਿਆਂ ਦੀ ਆਵਾਜ਼ ਗੂੰਜਦੀ ਰਹੀ। ਉੱਤਰੀ ਸ਼ਹਿਰ ਚੇਰਨੀਹੀਵ ਵਿੱਚ ਪੂਰੀ ਰਾਤ ਤਿੰਨ ਹਵਾਈ ਹਮਲੇ ਕੀਤੇ ਗਏ ਅਤੇ ਜ਼ਿਆਦਾਤਰ ਸ਼ਹਿਰਾਂ ਵਿੱਚ ਬਿਜਲੀ ਨਾ ਹੋਣ ਕਾਰਨ ਘਰਾਂ ਅਤੇ ਇਮਾਰਤਾਂ ਦਾ ਹੀਟਿੰਗ ਸਿਸਟਮ ਕੰਮ ਨਹੀਂ ਕਰ ਰਿਹਾ। ਵਰਕਰ ਬਿਜਲੀ ਬਹਾਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਅਕਸਰ ਗੋਲੀਬਾਰੀ ਦਾ ਸ਼ਿਕਾਰ ਹੁੰਦੇ ਹਨ। ਸਰਕਾਰ ਨੇ ਨਵੀਂ ਮਾਨਵਤਾਵਾਦੀ ਸਹਾਇਤਾ ਅਤੇ ਨਿਕਾਸੀ ਗਲਿਆਰਿਆਂ ਲਈ ਯੋਜਨਾਵਾਂ ਦਾ ਐਲਾਨ ਕੀਤਾ, ਹਾਲਾਂਕਿ ਪਿਛਲੇ ਹਫ਼ਤੇ ਤੋਂ ਚੱਲ ਰਹੀ ਗੋਲਾਬਾਰੀ ਕਾਰਨ ਅਜਿਹੀਆਂ ਕੋਸ਼ਿਸ਼ਾਂ ਅਸਫਲ ਰਹੀਆਂ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ- ਇਸ ਮਹਿਲਾ ਪਾਇਲਟ ਦੀ ਬਹਾਦਰੀ ਨੂੰ ਸਲਾਮ, ਯੂਕ੍ਰੇਨ ਤੋਂ ਸੁਰੱਖਿਅਤ ਵਾਪਸ ਲਿਆਈ 800 ਤੋਂ ਵੱਧ ਭਾਰਤੀ ਵਿਦਿਆਰਥੀ