ਯੂਨੀਵਰਸਿਟੀ ਨੇ ਗਲਤੀ ਨਾਲ 5500 ਵਿਦਿਆਰਥੀਆਂ ਨੂੰ ਭੇਜਿਆ ਲੱਖਾਂ ਦੀ 'ਸਕਾਲਰਸ਼ਿਪ' ਦਾ ਮੈਸੇਜ, ਪਿਆ ਬਖੇੜਾ

ਨਿਊਯਾਰਕ (ਬਿਊਰੋ): ਅਮਰੀਕਾ ਦੀ ਆਕਲੈਂਡ ਯੂਨਿਵਰਸਿਟੀ ਦੇ 5500 ਵਿਦਿਆਰਥੀਆਂ ਲਈ ਉਸ ਸਮੇਂ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ, ਜਦੋਂ ਉਨ੍ਹਾਂ ਨੂੰ ਯੂਨੀਵਰਸਿਟੀ ਪ੍ਰਸ਼ਾਸਨ ਵੱਲੋਂ ਹਰੇਕ ਵਿਦਿਆਰਥੀ ਨੂੰ 36 ਲੱਖ ਰੁਪਏ ਸਕਾਲਰਸ਼ਿਪ ਦੇਣ ਦਾ ਸੰਦੇਸ਼ ਮਿਲਿਆ। ਹਾਲਾਂਕਿ ਹਜ਼ਾਰਾਂ ਵਿਦਿਆਰਥੀਆਂ ਦੀ ਖੁਸ਼ੀ ਜ਼ਿਆਦਾ ਦੇਰ ਤੱਕ ਨਹੀਂ ਚੱਲ ਸਕੀ ਅਤੇ ਜਲਦੀ ਹੀ ਯੂਨੀਵਰਸਿਟੀ ਨੂੰ ਆਪਣੀ ਗਲਤੀ ਦਾ ਅਹਿਸਾਸ ਹੋ ਗਿਆ। ਬਾਅਦ ਵਿੱਚ ਯੂਨਿਵਰਸਿਟੀ ਪ੍ਰਸ਼ਾਸਨ ਨੇ ਇੱਕ ਈਮੇਲ ਰਾਹੀਂ ਜਾਰੀ ਦੱਸਿਆ ਕਿ ਉਸਨੇ ਗਲਤੀ ਤੋਂ ਸ‍ਕਾਲਰਸ਼ਿਪ ਦਾ ਸੁਨੇਹਾ ਭੇਜ ਦਿੱਤਾ ਸੀ।

ਯੂਨੀਵਰਸਿਟੀ ਵਿੱਚ ਪੜ੍ਹਨ ਵਾਲੇ 18 ਸਾਲਾ ਵਿਦਿਆਰਥੀ ਕਾਰਨੇਲ ਨੇ ਦੱਸਿਆ ਕਿ ਸ‍ਕਾਲਰਸ਼ਿਪ ਦੀ ਈਮੇਲ ਵਿੱਚ 'ਵਧਾਈ' ਸ਼ਬਦ ਲਿਖਿਆ ਸੀ। ਈਮੇਲ ਵਿਚ ਅੱਗੇ ਲਿਖਿਆ ਸੀ ਕਿ ਤੁਸੀਂ ਸਖ਼ਤ ਮਿਹਨਤ ਕੀਤੀ ਹੈ ਅਤੇ ਤੁਹਾਨੂੰ ਇਸ ਦਾ ਇਨਾਮ ਦਿੱਤਾ ਜਾ ਰਿਹਾ ਹੈ। ਇਹ ਈਮੇਲ 4 ਜਨਵਰੀ ਨੂੰ ਭੇਜੀ ਗਈ ਸੀ। ਉਨ੍ਹਾਂ ਨੇ ਦੱਸਿਆ ਗਿਆ ਕਿ ਸਕਾਲਰਸ਼ਿਪ ਦੇ ਰੂਪ ਵਿੱਚ ਉਨ੍ਹਾਂ ਨੂੰ ਅਗਲੇ 4 ਸਾਲ ਤੱਕ ਪੜ੍ਹਾਈ ਦੌਰਾਨ ਕੁੱਲ 36 ਲੱਖ ਰੁਪਏ ਮਿਲਣਗੇ। ਇਸ ਈਮੇਲ ਨੂੰ ਪੜ੍ਹ ਕੇ ਕਾਰਨੇਲ ਅਤੇ ਉਨ੍ਹਾਂ ਦੇ ਪਰਿਵਾਰ ਵਾਲੇ ਖੁਸ਼ ਹੋਏ। ਕਾਰਨੇਲ ਵੱਡਾ ਹੋਕੇ ਇੱਕ ਵਕੀਲ ਬਣਨਾ ਚਾਹੁੰਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-PM ਟਰੂਡੋ ਦੇ 'ਇਸਲਾਮੋਫੋਬੀਆ' ਸਬੰਧੀ ਬਿਆਨ ਦਾ ਇਮਰਾਨ ਖ਼ਾਨ ਵੱਲੋਂ ਸਵਾਗਤ, ਕਹੀ ਵੱਡੀ ਗੱਲ

ਪਰਿਵਾਰ ਨੇ ਕਹੀ ਇਹ ਗੱਲ
ਹਾਲਾਂਕਿ ਕਾਰਨੇਲ ਅਤੇ ਉਹਨਾਂ ਦੇ ਪਰਿਵਾਰ ਦੀ ਇਹ ਖੁਸ਼ੀ ਸਿਰਫ ਦੋ ਘੰਟੇ ਹੀ ਰਹੀ। ਯੂਨੀਵਰਸਿਟੀ ਦੇ ਪ੍ਰਬੰਧਕਾਂ ਵੱਲੋਂ ਇੱਕ ਅਤੇ ਈਮੇਲ ਭੇਜੀ ਗਈ ਅਤੇ ਕਿਹਾ ਗਿਆ ਕਿ ਗਲਤੀ ਤੋਂ ਉਸ ਨੇ ਇਹ ਸੰਦਸ਼ੇ ਭੇਜ ਦਿੱਤਾ ਸੀ। ਆਕਲੈਂਡ ਯੂਨਿਵਰਸਿਟੀ ਨੇ ਕਿਹਾ ਕਿ ਗਲਤੀ ਤੋਂ ਉਸ ਨੇ 5500 ਵਿਦਿਆਰਥੀਆਂ ਨੂੰ ਇਹ ਸ‍ਕਾਲਰਸ਼ਿਪ ਪ੍ਰਾਪਤ ਕਰਨ ਦਾ ਸੰਦੇਸ਼ ਭੇਜ ਦਿੱਤਾ ਸੀ। ਆਪਣੀ ਦੂਜੀ ਈਮੇਲ ਵਿੱਚ ਯੂਨਿਵਰਸਿਟੀ ਨੇ ਕਿਹਾ ਕਿ ਤੁਸੀਂ ਪ‍ਲੇਟਿਨਮ ਪ੍ਰੈਸਿਡੈਂਸੀਅਲ ਸ‍ਕਾਲਰ ਅਵਾਰਡ ਪ੍ਰਾਪਤ ਕਰਨ ਵਾਲੇ ਨਹੀਂ ਹੋ। ਤੁਹਾਨੂੰ ਗਲਤੀ ਨਾਲ ਸੰਦੇਸ਼ ਭੇਜ ਦਿੱਤਾ ਗਿਆ ਸੀ।

ਯੂਨੀਵਰਸਿਟੀ ਦੇ ਇਸ ਸੰਦੇਸ਼ ਤੋਂ ਹਜ਼ਾਰਾਂ ਵਿਦਿਆਰਥੀਆਂ ਦਾ ਦਿਲ ਟੁੱਟ ਗਿਆ, ਜੋ ਲੱਖਾਂ ਰੁਪਏ ਦੀ ਸ‍ਕਾਲਰਸ਼ਿਪ ਮਿਲਣ ਦੀ ਉਮੀਦ ਜੋੜ ਬੈਠੇ ਸਨ। ਕਾਰਨੇਲ ਦੀ ਮਾਂ ਗ‍ਵੇਨ ਨੇ ਕਿਹਾ ਕਿ ਮੇਰਾ ਬੇਟਾ ਬਹੁਤ ਦੁਖੀ ਅਤੇ ਨਿਰਾਸ਼ ਸੀ ਕਿ ਉਸਨੇ ਇਸ ਸਕਾਲਰਸ਼ਿਪ ਲਈ ਸਖ਼ਤ ਮਿਹਨਤ ਕੀਤੀ ਸੀ। ਉਧਰ, ਯੂਨੀਵਰਸਿਟੀ ਦੇ ਬੁਲਾਰੇ ਬ੍ਰਾਇਨ ਬੀਅਰਲੇ ਨੇ ਕਿਹਾ ਕਿ ਇਹ ਗਲਤੀ ਮਨੁੱਖੀ ਗੜਬੜੀ ਕਾਰਨ ਹੋਈ ਸੀ। ਉਹਨਾਂ ਨੇ ਕਿਹਾ ਕਿ ਜਿਹੜੇ ਵਿਦਿਆਥੀਆਂ ਨੂੰ ਸੰਦੇਸ਼ ਮਿਲਿਆ ਹੈ ਉਹ ਇਸ ਐਵਾਰਡ ਦੇ ਹੱਕਦਾਰ ਨਹੀਂ ਹਨ।