ਅਮਰੀਕੀ ਰਾਸ਼ਟਰਪਤੀ ਚੋਣਾਂ : ਬਾਈਡੇਨ ਤੇ ਸਾਬਕਾ ਰਾਸ਼ਟਰਪਤੀ ਟਰੰਪ ਹੋਣਗੇ ਆਹਮੋ ਸਾਹਮਣੇ

ਵਾਸ਼ਿੰਗਟਨ (ਰਾਜ ਗੋਗਨਾ)- ਅਮਰੀਕੀ ਰਾਸ਼ਟਰਪਤੀ ਚੋਣਾਂ 'ਚ ਅਹਿਮ 'ਸੁਪਰ ਮੰਗਲਵਾਰ' ਪ੍ਰਾਇਮਰੀ ਬੈਲਟ ਦੀ ਲੜਾਈ 'ਚ ਐਗਜ਼ਿਟ ਪੋਲ ਦੀਆਂ ਭਵਿੱਖਬਾਣੀਆਂ ਦੇ ਨਾਲ-ਨਾਲ ਸਾਰਿਆਂ ਦੀਆਂ ਭਵਿੱਖਬਾਣੀਆਂ ਵੀ ਸੱਚ ਹੋ ਗਈਆਂ ਹਨ। ਇਹ ਤੈਅ ਹੈ ਕਿ ਰਾਸ਼ਟਰਪਤੀ ਜੋਅ ਬਾਈਡੇਨ ਅਤੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਇਸ ਸਾਲ ਨਵੰਬਰ 'ਚ ਹੋਣ ਵਾਲੀਆਂ ਰਾਸ਼ਟਰਪਤੀ ਚੋਣਾਂ 'ਚ ਇਕ ਵਾਰ ਫਿਰ ਤੋਂ ਆਹਮੋ-ਸਾਹਮਣੇ ਹੋਣਗੇ। ਸੁਪਰ ਮੰਗਲਵਾਰ (6 ਮਾਰਚ) ਨੂੰ ਹੋਈਆਂ 16 ਸਟੇਟ ਪ੍ਰਾਇਮਰੀਜ਼ ਵਿੱਚ ਹੁਣ ਤੱਕ ਸਾਹਮਣੇ ਆਏ ਰਿਪਬਲਿਕਨ ਪ੍ਰਾਈਮਰੀਜ਼ ਦੇ ਨਤੀਜਿਆਂ ਵਿੱਚ ਟਰੰਪ ਨੇ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ।  

ਜਦੋਂ ਕਿ ਡੈਮੋਕਰੇਟਸ ਦੇ ਸਬੰਧ ਵਿੱਚ ਬਾਈਡੇਨ ਅੱਗੇ ਹਨ। ਵਰਜੀਨੀਆ, ਵਰਮੌਂਟ, ਉੱਤਰੀ ਕੈਰੋਲੀਨਾ, ਆਇਓਵਾ, ਟੈਨੇਸੀ, ਅਰਕਨਸਾਸ, ਟੈਕਸਾਸ, ਓਕਲਾਹੋਮਾ, ਅਲਾਬਾਮਾ, ਕੋਲੋਰਾਡੋ, ਮੈਸੇਚਿਉਸੇਟਸ ਅਤੇ ਮਿਨੇਸੋਟਾ ਵਿੱਚ ਬਾਈਡੇਨ ਨੇ ਜਿੱਤ ਦੀ ਘੰਟੀ ਵਜਾਈ। ਬਾਈਡੇਨ ਨੂੰ ਅਮਰੀਕੀ ਸਮੋਆ ਵਿੱਚ ਹਾਰ ਮਿਲੀ ਸੀ। ਟਰੰਪ ਨੇ ਵਰਜੀਨੀਆ, ਉੱਤਰੀ ਕੈਰੋਲੀਨਾ, ਟੈਨੇਸੀ, ਅਰਕਾਨਸਾਸ, ਟੈਕਸਾਸ, ਅਲਾਬਾਮਾ, ਮਿਨੇਸੋਟਾ, ਕੋਲੋਰਾਡੋ, ਮੈਸਾਚੁਸੇਟਸ ਅਤੇ ਓਕਲਾਹੋਮਾ ਵਿੱਚ ਰਿਪਬਲਿਕਨ ਪ੍ਰਾਇਮਰੀ ਬੈਲਟ ਜਿੱਤੇ ਹਨ। ਉੱਤਰੀ ਕੈਰੋਲੀਨਾ ਵਿੱਚ ਹਾਲਾਂਕਿ ਟਰੰਪ 9 ਪ੍ਰਤੀਸ਼ਤ ਦੀ ਸਭ ਤੋਂ ਛੋਟੀ ਬੜ੍ਹਤ ਨਾਲ ਬਾਹਰ ਆਏ। ਸਾਰੇ 16 ਰਾਜਾਂ ਵਿੱਚ ਬੀਤੇ ਦਿਨ ਮੰਗਲਵਾਰ ਨੂੰ ਪ੍ਰਾਇਮਰੀ ਬੈਲਟ ਦੀ ਲੜਾਈ ਹੋਈ। 

ਪੜ੍ਹੋ ਇਹ ਅਹਿਮ ਖ਼ਬਰ-ਟਰੰਪ ਲਈ ਚੁਣੌਤੀ, ਨਿੱਕੀ ਹੇਲੀ ਨੇ ਵਰਮੌਂਟ 'ਚ ਰਿਪਬਲਿਕਨ ਰਾਸ਼ਟਰਪਤੀ ਦੀ ਪ੍ਰਾਇਮਰੀ ਚੋਣ ਜਿੱਤੀ

ਪ੍ਰਾਇਮਰੀ ਬੈਲਟ ਤੋਂ ਇਲਾਵਾ ਟੈਕਸਾਸ, ਕੈਲੀਫੋਰਨੀਆ ਅਤੇ ਅਲਾਬਾਮਾ ਵਰਗੇ ਰਾਜਾਂ ਵਿੱਚ ਸੈਨੇਟ, ਹਾਊਸ ਅਤੇ ਗਵਰਨਰ ਲਈ ਰਿਪਬਲਿਕਨ ਉਮੀਦਵਾਰ ਵੀ ਡਾਊਨ ਬੈਲਟ ਰਾਹੀਂ ਚੁਣੇ ਜਾਂਦੇ ਹਨ। ਓਲਡ ਪਾਰਟੀ (ਜੀਓਪੀ) ਦੇ ਉਮੀਦਵਾਰ 16 ਰਾਜਾਂ ਵਿੱਚ ਕੁੱਲ 854 ਰਿਪਬਲਿਕਨ ਡੈਲੀਗੇਟਾਂ ਦੇ ਸਮਰਥਨ ਲਈ ਮੁਕਾਬਲਾ ਕਰਨਗੇ। ਇਸ ਲਈ ਇਸ ਨੂੰ ਸੁਪਰ ਮੰਗਲਵਾਰ ਕਿਹਾ ਜਾਂਦਾ ਹੈ। ਸੁਪਰ ਮੰਗਲਵਾਰ ਵਿੱਚ ਕਾਮਯਾਬ ਹੋਣ ਵਾਲੀਆਂ ਪਾਰਟੀਆਂ ਦੇ ਉਮੀਦਵਾਰਾਂ ਨੂੰ ਸਬੰਧਤ ਪਾਰਟੀਆਂ ਦੀ ਤਰਫ਼ੋਂ ਪ੍ਰਧਾਨਗੀ ਦੇ ਉਮੀਦਵਾਰ ਵਜੋਂ ਅੰਤਿਮ ਲੜਾਈ ਲਈ ਨਾਮਜ਼ਦ ਕੀਤੇ ਜਾਣ ਦੀ ਸੰਭਾਵਨਾ ਵੱਧ ਹੈ। ਦੋਵਾਂ ਪਾਰਟੀਆਂ ਦੀ ਤਰਫੋਂ ਪ੍ਰਧਾਨਗੀ ਦੀ ਉਮੀਦਵਾਰੀ ਦੀ ਉਮੀਦ ਰੱਖਣ ਵਾਲੇ ਬਾਕੀ ਉਮੀਦਵਾਰ ਮੁਕਾਬਲੇ ਤੋਂ ਹਟ ਜਾਣਗੇ। 

ਇਸ ਦੌਰਾਨ ਨਾ ਸਿਰਫ ਸੁਪਰ ਮੰਗਲਵਾਰ ਪ੍ਰਾਇਮਰੀ, ਬਲਕਿ ਹਾਲ ਹੀ ਵਿੱਚ ਹੋਈਆਂ ਹੋਰ ਪ੍ਰਾਇਮਰੀ ਬੈਲਟ ਵਿੱਚ ਵੀ ਬਾਈਡੇਨ ਨੇ ਡੈਮੋਕਰੇਟਸ ਵਿੱਚ ਸਭ ਤੋਂ ਵੱਧ ਜਿੱਤ ਪ੍ਰਾਪਤ ਕੀਤੀ ਹੈ। ਅਤੇ ਟਰੰਪ ਰਿਪਬਲਿਕਨਾਂ ਵਿੱਚੋਂ ਅੱਗੇ ਨਿਕਲ ਗਏ। ਹਾਲਾਂਕਿ ਭਾਰਤੀ ਮੂਲ ਦੀ ਨਿੱਕੀ ਹੇਲੀ, ਜਿਸ ਨੇ ਰਿਪਬਲਿਕਨ ਪਾਰਟੀ ਦੀ ਰਾਸ਼ਟਰਪਤੀ ਅਹੁਦੇ ਦੀ ਨਾਮਜ਼ਦਗੀ ਜਿੱਤੀ ਹੈ, ਨੇ ਪ੍ਰਾਇਮਰੀ ਦੇ ਇਤਿਹਾਸ ਵਿੱਚ ਨਵਾਂ ਰਿਕਾਰਡ ਬਣਾਇਆ ਹੈ। ਗੌਰਤਲਬ ਹੈ ਕਿ ਵਾਸ਼ਿੰਗਟਨ ਡੀ.ਸੀ ਪ੍ਰਾਇਮਰੀ ਹੀ ਉਹੀ ਸੀ ਜੋ ਪ੍ਰਾਇਮਰੀ ਸ਼ੁਰੂ ਹੋਣ ਤੋਂ ਬਾਅਦ ਟਰੰਪ ਹਾਰ ਗਏ ਸਨ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।