ਅਲਜ਼ਾਈਮਰ ਰੋਗ ਤੋਂ ਪੀੜਤ ਲੋਕਾਂ ਲਈ ਉਮੀਦ ਦੀ ਕਿਰਨ, ਪਹਿਲੇ ਬਲੱਡ ਟੈਸਟ ਨੂੰ ਮਿਲੀ ਮਨਜ਼ੂਰੀ

ਇੰਟਰਨੈਸ਼ਨਲ ਡੈਸਕ- ਅਲਜ਼ਾਈਮਰ ਰੋਗ ਤੋਂ ਪੀੜਤ ਲੋਕਾਂ ਲਈ ਉਮੀਦ ਦੀ ਕਿਰਨ ਦਿਖਾਈ ਦਿੱਤੀ ਹੈ। ਦਰਅਸਲ ਅਮਰੀਕਾ ਨੇ ਅਲਜ਼ਾਈਮਰ ਰੋਗ ਦਾ ਸ਼ੁਰੂਆਤੀ ਪੜਾਅ ਵਿੱਚ ਪਤਾ ਲਗਾਉਣ ਵਿੱਚ ਮਦਦ ਕਰਨ ਲਈ ਆਪਣੇ ਪਹਿਲੇ ਬਲੱਡ ਟੈਸਟ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਯੂ.ਐੱਸ. ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ (FDA) ਨੇ ਸ਼ੁੱਕਰਵਾਰ ਨੂੰ ਇਸ ਮਨਜ਼ੂਰੀ ਦਾ ਐਲਾਨ ਕੀਤਾ, ਜਿਸ ਬਾਰੇ ਮਾਹਰਾਂ ਦਾ ਮੰਨਣਾ ਹੈ ਕਿ ਇਹ ਬਿਮਾਰੀ ਦੇ ਇਲਾਜ ਅਤੇ ਪ੍ਰਬੰਧਨ ਦੇ ਤਰੀਕੇ ਵਿੱਚ ਇੱਕ ਮਹੱਤਵਪੂਰਨ ਮੋੜ ਹੋ ਸਕਦਾ ਹੈ।

ਇਹ ਵੀ ਪੜ੍ਹੋ: ਫਿਰ 'ਵਿਚੋਲਾ' ਬਣੇ ਡੋਨਾਲਡ ਟਰੰਪ, ਹੁਣ ਇਨ੍ਹਾਂ 2 ਦੇਸ਼ਾਂ ਵਿਚਾਲੇ ਕਰਵਾਉਣਗੇ 'ਜੰਗ-ਬੰਦੀ'

ਦੱਸ ਦੇਈਏ ਕਿ ਅਲਜ਼ਾਈਮਰ ਰੋਗ ਡਿਮੈਂਸ਼ੀਆ ਦੀ ਸਭ ਤੋਂ ਆਮ ਕਿਸਮ ਹੈ, ਜਿਸ ਵਿੱਚ ਇੱਕ ਵਿਅਕਤੀ ਦਾ ਦਿਮਾਗ ਉਮਰ ਦੇ ਨਾਲ ਸੁੰਗੜਨਾ ਸ਼ੁਰੂ ਹੋ ਜਾਂਦਾ ਹੈ। ਇਹ ਦਿਮਾਗੀ ਵਿਕਾਰ ਯਾਦਦਾਸ਼ਤ ਦੀ ਘਾਟ ਵੱਲ ਲੈ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਹ ਬਿਮਾਰੀ ਦਿਮਾਗ ਵਿੱਚ 2 ਕਿਸਮਾਂ ਦੇ ਪ੍ਰੋਟੀਨ- ਐਮੀਲੋਇਡ ਪਲੇਕਸ ਅਤੇ ਟਾਉ ਪਲੇਕਸ- ਦੀ ਮੌਜੂਦਗੀ ਕਾਰਨ ਹੁੰਦੀ ਹੈ। ਵਰਤਮਾਨ ਵਿੱਚ, ਅਲਜ਼ਾਈਮਰ ਦਾ ਕੋਈ ਇਲਾਜ ਨਹੀਂ ਹੈ, ਪਰ ਦਵਾਈਆਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ ਜੋ ਬਿਮਾਰੀ ਦੇ ਵਿਕਾਸ ਨੂੰ ਹੌਲੀ ਕਰਦੀਆਂ ਹਨ। ਫੁਜੀਰੇਬੀਓ ਡਾਇਗਨੌਸਟਿਕਸ ਦੁਆਰਾ ਵਿਕਸਤ ਕੀਤਾ ਗਿਆ ਨਵਾਂ ਬਲੱਡ ਟੈਸਟ, ਖੂਨ ਵਿੱਚ 2 ਖਾਸ ਪ੍ਰੋਟੀਨ (ਐਮੀਲੋਇਡ ਅਤੇ ਟਾਉ) ਦੇ ਅਨੁਪਾਤ ਨੂੰ ਮਾਪ ਕੇ ਕੰਮ ਕਰਦਾ ਹੈ। 

ਇਹ ਵੀ ਪੜ੍ਹੋ: ਲਾਲ ਬੱਤੀ ਜੰਪ ਕਰ ਆਈ ਕਾਰ ਨੇ ਢਾਹਿਆ ਕਹਿਰ ! 2 ਵਿਦਿਆਰਥਣਾਂ ਸਣੇ 3 ਦੀ ਲਈ ਜਾਨ, ਕਈ ਮੀਟਰ ਦੂਰ...

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8