ਅਮਰੀਕਾ : ''ਵਰਲਡ ਗੋਲ਼ਡ ਮੈਡਲਿਸਟ'' ਸੁਧਾਕਰ ਜੈਅੰਤ ਦੀ ਸੜਕ ਹਾਦਸੇ ''ਚ ਮੌਤ

ਨਿਊਯਾਰਕ, (ਰਾਜ ਗੋਗਨਾ)— ਬੀਤੇ ਦਿਨ ਭਾਰਤੀ ਵੇਟਲਿਫਟਰ ਸੁਧਾਕਰ ਜੈਅੰਤ ਦੀ ਇਕ ਕਾਰ ਹਾਦਸੇ 'ਚ ਮੌਤ ਹੋ ਗਈ। ਉਨ੍ਹਾਂ ਨੇ ਕੁਝ ਦਿਨ ਪਹਿਲਾਂ ਸੈਨ ਡਿਏਗੋ (ਕੈਲੀਫੋਰਨੀਆ) ਵਿਖੇ ਵਰਲਡ ਮਾਸਟਰਜ਼ ਗੋਲਡ ਜਿੱਤਿਆ ਸੀ। ਜੈਯੰਤ, ਇੱਕ ਰਿਟਾਇਰਡ ਇੰਡੀਅਨ ਆਰਮੀ ਦੇ ਕਰਨਲ ਸਨ। ਉਹ ਅਮਰੀਕਾ ਦੇ ਸੂਬੇ ਲਾਸ ਵੇਗਾਸ ਨੇੜੇ ਇਕ ਮਸ਼ਹੂਰ ਸਾਈਟ ਗ੍ਰੈਂਡ ਕੈਨਿਯਨ ਤੋਂ ਤਿੰਨ ਹੋਰ ਵੇਟਲਿਫਟਰਾਂ ਨਾਲ ਯਾਤਰਾ ਕਰ ਰਹੇ ਸਨ, ਜਦੋਂ ਉਨ੍ਹਾਂ ਦੀ ਕਾਰ ਕਿਸੇ ਹੋਰ ਵਾਹਨ ਨਾਲ ਟਕਰਾ ਗਈ ।

ਜੈਯੰਤ ਨੂੰ ਬਹੁਤ ਗੰਭੀਰ ਸੱਟਾਂ ਲੱਗੀਆਂ ਅਤੇ ਉਸ ਨੂੰ ਹਸਪਤਾਲ ਲੈ ਜਾਇਆ ਗਿਆ, ਜਿੱਥੇ ਦੋ ਦਿਨਾਂ ਬਾਅਦ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਨਾਲ ਵੇਟਲਿਫਟਰ ਸੰਤੋਖ ਸਿੰਘ ਅਤੇ ਅਰਚਨਾ ਜੈਨ ਨੂੰ ਵੀ ਇਸ ਹਾਦਸੇ ਵਿੱਚ ਗੰਭੀਰ ਸੱਟਾਂ ਲੱਗੀਆਂ। ਸੈਨ ਡਿਏਗੋ ਵਿਚ ਸੋਨ ਤਗਮਾ ਜੇਤੂ ਰਾਜੀਵ ਸ਼ਰਮਾ ਕੋਈ ਸੱਟ ਨਹੀਂ ਲੱਗੀ। ਪੁਲਸ ਨੇ ਇਸ ਬਾਰੇ ਜਾਣਕਾਰੀ ਜਾਰੀ ਨਹੀਂ ਕੀਤੀ ਕਿ ਕਾਰ ਕੌਣ ਚਲਾ ਰਿਹਾ ਸੀ। ਇੰਡੀਅਨ ਮਾਸਟਰ ਵੇਟਲਿਫਟਰ ਸੰਗਠਨ ਨੇ ਇੰਸਟਾਗ੍ਰਾਮ 'ਤੇ ਇਕ ਪੋਸਟ ਰਾਹੀਂ ਭਾਰਤ ਦੇ ਰਾਸ਼ਟਰਪਤੀ ਨੇ ਵੀ ਇਸ ਮੌਤ 'ਤੇ ਸੋਗ ਕੀਤਾ ਹੈ।  

'ਇੰਡੀਅਨ ਮਾਸਟਰਜ਼ ਵੇਟਲਿਫਟਿੰਗ ਕਮਿਊਨਟੀ' ਲਈ ਇੱਕ ਦੁਖਦਾਈ ਦਿਨ ਸੀ ਜਦੋਂ ਉਨ੍ਹਾਂ ਦਾ ਇਕ ਖਿਡਾਰੀ ਮੰਦਭਾਗਾ ਦਿਨ ਕਾਰ ਹਾਦਸਾਗ੍ਰਸਤ ਸਦਾ ਲਈ ਦੁਨੀਆ ਤੋਂ ਚਲਾ ਗਿਆ। ਇੱਥੇ ਜ਼ਿਕਰਯੋਗ ਹੈ ਕਿ ਜੈਯੰਤ ਨੇ ਸੰਸਥਾ ਦੀ ਅਗਵਾਈ ਕੀਤੀ ਸੀ। ਉਸ ਨੇ ਕਮਿਊਨਿਟੀ ਨੂੰ ਭਾਰਤ ਵਿੱਚ ਅਧਾਰਤ ਬਣਾਇਆ ਸੀ। ਜੈਯੰਤ ਇੱਕ ਖ਼ੁਸ਼ ਦਿਲ ਆਦਮੀ ਦੱਸਿਆ ਗਿਆ ਹੈ, ਜੋ ਦੂਜਿਆਂ ਦੀ ਨਿਰੰਤਰ ਸਹਾਇਤਾ ਕਰਦਾ ਸੀ। ਜੈਯੰਤ ਨੇ ਆਪਣੇ ਨਾਮ ਕਰਨ ਲਈ ਕਈ ਤਮਗੇ ਜਿੱਤੇ ਸਨ, ਜਿਸ ਵਿੱਚ ਮਾਂਟਰੀਅਲ ਵਿੱਚ ਇੱਕ 'ਗੋਲਡ ਵਰਲਡਜ਼ ਮਾਸਟਰ ਵੇਟਲਿਫਟਿੰਗ ਚੈਂਪੀਅਨਸ਼ਿਪ' ਵੀ ਸ਼ਾਮਲ ਹੈ ਜੋ ਉਸ ਨੇ ਸੈਨ ਡਿਏਗੋ ਵਿੱਚ ਮੁਕਾਬਲੇ ਤੋਂ ਠੀਕ ਪਹਿਲਾਂ ਜਿੱਤੀ ਸੀ। ਉਹ ਸੰਨ 2011 ਤੋਂ ਆਈ. ਐੱਮ. ਡਲਲਯੂ. ਐੱਲ ਦੀ ਅਗਵਾਈ ਵੀ ਕਰ ਰਿਹਾ ਸੀ। ਭਾਈਚਾਰੇ ਲਈ ਉਸ ਦੇ ਬਹੁਤ ਵੱਡੇ ਸੁਪਨੇ ਸਨ। ਸੈਨ-ਫ੍ਰਾਂਸਿਸਕੋ ਵਿਚਲੇ ਭਾਰਤ ਦੇ ਕੌਂਸਲ ਜਨਰਲ ਨੇ ਵੀ ਟਵੀਟ ਕਰਕੇ ਉਨ੍ਹਾਂ ਦੀ ਬੇਵਕਤ ਮੌਤ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਉਨ੍ਹਾਂ ਵੇਟਲਿਫਟਰ ਕਰਨਲ ਸੁਧਾਕਰ ਜੈਯੰਤ ਦੀ ਮੌਤ ਦਾ ਸੋਗ ਕੀਤਾ, ਜੋ ਸੈਨ ਡੀਏਗੋ ( ਕੈਲੀਫੋਰਨੀਆ) ਵਿੱਚ ਵਰਲਡ ਮਾਸਟਰਜ਼ ਗੋਲਡ ਜਿੱਤਣ ਤੋਂ ਤੁਰੰਤ ਬਾਅਦ ਗ੍ਰੈਂਡ ਕੈਨਿਯਨ ਨੇੜੇ ਇਕ ਦਰਦਨਾਕ ਕਾਰ ਸੜਕ ਹਾਦਸੇ ਵਿੱਚ ਮਾਰਿਆ ਗਿਆ।