ਬ੍ਰਿਟੇਨ ''ਚ ਭਾਰਤੀ ਮੂਲ ਦੇ ਨਿਖਿਲ ਰਾਠੀ ਬਣੇ ਵਿੱਤੀ ਰੈਗੂਲੇਟਰੀ ਦੇ ਸੀ.ਈ.ਓ.

ਲੰਡਨ (ਬਿਊਰੋ): ਬ੍ਰਿਟੇਨ ਦੇ ਵਿੱਤ ਮੰਤਰੀ ਰਿਸ਼ੀ ਸੁਨਕ ਨੇ ਸੋਮਵਾਰ ਨੂੰ ਭਾਰਤੀ ਮੂਲ ਦੇ ਨਿਖਿਲ ਰਾਠੀ ਨੂੰ ਦੇਸ਼ ਦੀ ਵਿੱਤੀ ਵਿਵਹਾਰ ਅਥਾਰਿਟੀ (FCA)ਦਾ ਨਵਾਂ ਸੀ.ਈ.ਓ. ਨਿਯੁਕਤ ਕੀਤਾ। ਰਾਠੀ ਵਰਤਮਾਨ ਵਿਚ ਲੰਡਨ ਸਟਾਕ ਐਕਸਚੇਂਜ ਦੇ ਪ੍ਰਮੁੱਖ ਵੀ ਹਨ। ਕ੍ਰਿਸਟੋਫਰ ਵੂਲਾਰਡ ਤੋਂ ਬਾਅਦ ਰਾਠੀ ਨੂੰ 5 ਸਾਲ ਦੇ ਕਾਰਜਕਾਲ ਦੇ ਲਈ ਨਿਯੁਕਤ ਕੀਤਾ ਗਿਆ ਹੈ। ਉਹ ਹਾਲ ਦੇ ਸਾਲਾਂ ਵਿਚ ਲੰਡਨ ਸ਼ੇਅਰ ਬਾਜ਼ਾਰ ਵਿਚ ਭਾਰਤੀ ਸੰਸਥਾਵਾਂ ਵੱਲੋਂ 'ਮਸਾਲਾ ਬਾਂਡ' ਦੀ ਸੂਚੀ ਵਿਚ ਨੇੜਤਾ ਨਾਲ ਸ਼ਾਮਲ ਰਹੇ ਹਨ। 

ਭਾਰਤੀ ਮੂਲ ਦੇ ਸੁਨਕ ਨੇ ਕਿਹਾ,''ਨਿਖਿਲ ਵਿੱਤੀ ਵਿਵਹਾਰ ਅਥਾਰਿਟੀ ਦੇ ਮੁੱਖ ਕਾਰਜਕਾਰੀ ਦੇ ਅਹੁਦੇ ਲਈ ਉੱਤਮ ਉਮੀਦਵਾਰ ਹਨ ਅਤੇ ਮੈਨੂੰ ਖੁਸ਼ੀ ਹੈ ਕਿ ਉਹਨਾਂ ਨੇ ਭੂਮਿਕਾ ਨਿਭਾਉਣ ਲਈ ਸਹਿਮਤੀ ਜ਼ਾਹਰ ਕੀਤੀ ਹੈ।'' ਸੁਨਕ ਨੇ ਅੱਗੇ ਕਿਹਾ,''ਅਸੀਂ ਇਸ ਮਹੱਤਵਪੂਰਨ ਨਿਯੁਕਤੀ ਦੇ ਲਈ ਲੰਬੀ ਪ੍ਰਕਿਰਿਆ ਅਪਨਾਈ। ਵਿੱਤੀ ਸੇਵਾਵਾਂ ਦੇ ਖੇਤਰ ਵਿਚ ਆਪਣੇ ਵਿਆਪਕ ਅਨੁਭਵਾਂ ਨੂੰ ਦੇਖਦਿਆਂ ਮੈਨੂੰ ਵਿਸ਼ਵਾਸ ਹੈ ਕਿ ਨਿਖਿਲ ਬ੍ਰਿਟੇਨ ਦੇ ਵਿੱਤੀ ਰੈਗੂਲੇਟਰੀ ਐੱਫ.ਸੀ.ਏ. ਦੀ ਬਿਹਤਰ ਅਗਵਾਈ ਕਰ ਸਕਣਗੇ।''

ਐਫ.ਸੀ.ਏ. ਯੂਕੇ ਦੇ ਵਿੱਤੀ ਬਜ਼ਾਰਾਂ ਲਈ 59,000 ਤੋਂ ਵੱਧ ਵਿੱਤੀ ਸੇਵਾਵਾਂ ਵਾਲੀਆਂ ਫਰਮਾਂ ਦੇ ਲਈ, ਅਤੇ 49,000 ਫਰਮਾਂ ਲਈ ਸੂਝਵਾਨ ਸੁਪਰਵਾਈਜ਼ਰ ਦਾ ਸੰਚਾਲਨ ਰੈਗੂਲੇਟਰ ਹੈ। ਇਹ 19,000 ਫਰਮਾਂ ਲਈ ਵਿਸ਼ੇਸ਼ ਮਾਪਦੰਡ ਨਿਰਧਾਰਤ ਕਰਦਾ ਹੈ।ਐਫ.ਸੀ.ਏ. ਦੇ ਚੇਅਰ ਚਾਰਲਸ ਰੈਂਡਲ ਨੇ ਕਿਹਾ,“ਨਿਖਿਲ ਸਾਡੇ ਪ੍ਰੈਕਟੀਸ਼ਨਰ ਪੈਨਲ ਅਤੇ ਮਾਰਕਿਟ ਪ੍ਰੈਕਟੀਸ਼ਨਰ ਪੈਨਲ ਦੀਆਂ ਆਪਣੀਆਂ ਭੂਮਿਕਾਵਾਂ ਰਾਹੀਂ ਐਫ.ਸੀ.ਏ. ਦੇ ਵਿਕਾਸ ਲਈ ਨੇੜਿਓਂ ਸ਼ਾਮਲ ਰਿਹਾ ਹੈ ਅਤੇ ਨਿੱਜੀ ਖੇਤਰ ਦੇ ਪ੍ਰਬੰਧਨ ਦੇ ਹੁਨਰ ਅਤੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਰੈਗੂਲੇਟਰੀ ਨੀਤੀ ਨਿਰਮਾਣ ਦਾ ਤਜ਼ਰਬਾ ਦੋਵੇਂ ਲਿਆਉਂਦਾ ਹੈ।”