ਯੂ.ਏ.ਈ. ਨੇ ਖਾਸ ਅੰਦਾਜ਼ ''ਚ ਮਨਾਈ ਦੀਵਾਲੀ, ਵੀਡੀਓ

ਦੁਬਈ (ਬਿਊਰੋ)— ਸੰਯੁਰਤ ਅਰਬ ਅਮੀਰਾਤ (ਯੂ.ਏ.ਈ.) ਅਤੇ ਦੁਬਈ ਵਿਚ ਇਸ ਵਾਰ ਖਾਸ ਅੰਦਾਜ਼ ਵਿਚ ਦੀਵਾਲੀ ਮਨਾਈ ਗਈ। ਸਰਕਾਰ ਨੇ ਪਹਿਲੀ ਵਾਰ ਦੀਵਾਲੀ ਨੂੰ ਵੱਡੇ ਪੱਧਰ 'ਤੇ ਮਨਾਇਆ। ਦੁਬਈ ਪੁਲਸ ਦੇ ਬੈਂਡ ਵੱਲੋਂ ਭਾਰਤ ਦੇ ਰਾਸ਼ਟਰੀ ਗੀਤ ਨੂੰ ਵਜਾਉਂਦੇ ਦੇਖਣਾ ਇੱਥੇ ਰਹਿਣ ਵਾਲੇ ਭਾਰਤੀਆਂ ਲਈ ਯਾਦਗਾਰ ਪਲ ਰਿਹਾ। ਨਿਸ਼ਚਿਤ ਤੌਰ 'ਤੇ ਇਹ ਪ੍ਰਵਾਸੀ ਭਾਰਤੀਆਂ ਲਈ ਮਾਣ ਦਾ ਪਲ ਸੀ।

ਪਹਿਲੀ ਵਾਰ ਸੰਯੁਕਤ ਅਰਬ ਅਮੀਰਾਤ ਵਿਚ ਇੰਨੇ ਵੱਡੇ ਪੱਧਰ 'ਤੇ ਦੀਵਾਲੀ ਮਨਾਈ ਗਈ। ਦੁਬਈ ਸਰਕਾਰ ਭਾਰਤ ਦੇ ਕੌਂਸਲੈਟ ਜਨਰਲ ਨਾਲ ਮਿਲ ਕੇ ਪਹਿਲੀ ਵਾਰ 10 ਦਿਨਾਂ ਲਈ ਦੀਵਾਲੀ ਮਨਾ ਰਹੀ ਹੈ। ਇਸ ਮੌਕੇ ਯੂ.ਏ.ਈ. ਅਤੇ ਇੱਥੋਂ ਦਾ ਮੁੱਖ ਸ਼ਹਿਰ ਦੁਬਈ ਪੂਰੀ ਤਰ੍ਹਾਂ ਦੀਵਾਲੀ ਦੇ ਰੰਗ ਵਿਚ ਰੰਗਿਆ ਨਜ਼ਰ ਆਇਆ। ਦੁਬਈ ਵਿਚ 1 ਨਵੰਬਰ ਤੋਂ ਸ਼ੁਰੂ ਹੋਇਆ ਦੀਵਾਲੀ ਜਸ਼ਨ 10 ਨਵੰਬਰ ਤੱਕ ਚੱਲੇਗਾ।

ਯੂ.ਏ.ਈ. ਦੇ ਉਪ ਰਾਸ਼ਟਰਪਤੀ ਤੇ ਪ੍ਰਧਾਨ ਮੰਤਰੀ ਅਤੇ ਦੁਬਈ ਦੇ ਸ਼ਾਸਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਖਤੂਮ ਨੇ ਬੁੱਧਵਾਰ ਨੂੰ ਹਿੰਦੀ ਵਿਚ ਟਵੀਟ ਕਰ ਕੇ ਦੀਵਾਲੀ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ।

दिवाली के शुभ अवसर पर भारत के प्रधानमंत्री श्री नरेंद्र मोदी @narendramodi और सभी मनानेवालों को मेरे और UAE वासीओं की ओर से हार्दिक शुभकामनायें!

सद्भावना और आशा का प्रकाश आजीवन हमारे साथ रहे।

कृपया UAE में अपनी दिवाली की तस्वीरें हमारे साथ share करें। #UAEDiwali

— HH Sheikh Mohammed (@HHShkMohd) November 7, 2018

ਦੁਨੀਆ ਦੀ ਸਭ ਤੋਂ ਵੱਡੀ ਇਮਾਰਤ ਬੁਰਜ ਖਲੀਫਾ ਦੀਵਾਲੀ ਦੇ ਮੌਕੇ 'ਤੇ ਰੰਗੀਨ ਰੋਸ਼ਨੀ ਨਾਲ ਸਜੀ ਨਜ਼ਰ ਆਈ। ਇਸ ਦੇ ਨਾਲ ਹੀ ਦੁਬਈ ਦੇ ਬਾਲੀਵੁੱਡ ਪਾਰਕ ਵਿਚ ਕਲਾਕਾਰ ਫਿਲਮੀ ਗੀਤਾਂ ਦੀ ਧੁਨ 'ਤੇ ਨੱਚਦੇ ਅਤੇ ਭੰਗੜਾ ਪਾਉਂਦੇ ਦਿਸੇ।

Such a spectacular #Diwali at @bollywoodparks with entertainment galore. #DiwaliinDubai #DiwaliCelebration pic.twitter.com/rxPlV24dg2

— Visit Dubai IN (@VisitDubai_IN) November 7, 2018

ਦੁਬਈ ਦੇ ਟੂਰਿਜ਼ਮ ਵਿਭਾਗ ਨੇ ਦੀਵਾਲੀ ਜਸ਼ਨ ਮਨਾਉਣ ਦੇ ਕੁਝ ਖਾਸ ਵੀਡੀਓ ਸ਼ੇਅਰ ਕੀਤੇ।

#BurjKhalifa
wishes everyone celebrating #Diwali a happy and joyful festival. #UAEDiwali #برج_خليفة يتمنى لجميع المحتفلين بالديوالي مهرجان سعيد pic.twitter.com/jSaQ0UTKmG

— Burj Khalifa (@BurjKhalifa) November 7, 2018

ਇਸ ਸਭ ਦੇ ਇਲਾਵਾ ਅਮੀਰਾਤ ਏਅਰਲਾਈਨਜ਼ ਨੇ ਵੀ ਖਾਸ ਅੰਦਾਜ਼ ਵਿਚ ਦੀਵਾਲੀ ਦਾ ਜਸ਼ਨ ਮਨਾਇਆ।

This year, we are celebrating the Indian festival of lights like never before. Emirates wishes you a vibrant, joyful and prosperous Diwali. #HappyDiwali pic.twitter.com/sVn6IIrQrl

— Emirates Airline (@emirates) November 6, 2018

ਇੱਥੇ ਦੱਸ ਦਈਏ ਕਿ ਸੰਯੁਕਤ ਅਰਬ ਅਮੀਰਾਤ ਵਿਚ ਵੱਡੀ ਗਿਣਤੀ ਵਿਚ ਭਾਰਤੀ ਰਹਿੰਦੇ ਹਨ। ਇਕ ਅਨੁਮਾਨ ਮੁਤਾਬਕ ਇੱਥੇ ਕਰੀਬ 25 ਲੱਖ ਭਾਰਤੀ ਰਹਿੰਦੇ ਹਨ ਜੋ ਕਿ ਕੁੱਲ ਆਬਾਦੀ ਦਾ ਕਰੀਬ ਇਕ ਤਿਹਾਈ ਹੈ।