ਲੇਬਨਾਨ ''ਚ ਇਜ਼ਰਾਇਲੀ ਹਵਾਈ ਹਮਲੇ ''ਚ ਦੋ ਲੇਬਨਾਨੀ ਫੌਜੀਆਂ ਦੀ ਮੌਤ
Friday, Oct 11, 2024 - 10:19 PM (IST)
ਬੇਰੂਤ : ਲੇਬਨਾਨ ਦੇ ਬਿੰਤ ਜਬੇਲ ਸੂਬੇ ਦੇ ਕਾਫਰਾ 'ਚ ਇੱਕ ਫੌਜੀ ਚੌਕੀ ਨੇੜੇ ਇੱਕ ਇਮਾਰਤ ਉੱਤੇ ਇਜ਼ਰਾਈਲੀ ਹਵਾਈ ਹਮਲੇ ਵਿੱਚ ਦੋ ਲੇਬਨਾਨੀ ਫੌਜੀ ਮਾਰੇ ਗਏ ਅਤੇ ਤਿੰਨ ਹੋਰ ਜ਼ਖਮੀ ਹੋ ਗਏ। ਲੇਬਨਾਨੀ ਫੌਜ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਜਦੋਂ ਤੋਂ ਇਜ਼ਰਾਈਲ ਨੇ ਲੇਬਨਾਨ 'ਤੇ ਜ਼ਮੀਨੀ ਹਮਲਾ ਕੀਤਾ ਹੈ, ਇਜ਼ਰਾਈਲੀ ਬਲਾਂ ਅਤੇ ਹਿਜ਼ਬੁੱਲਾ ਦੇ ਮੈਂਬਰ ਸਰਹੱਦ 'ਤੇ ਇਕ-ਦੂਜੇ 'ਤੇ ਹਮਲੇ ਕਰ ਰਹੇ ਹਨ, ਜਦੋਂ ਕਿ ਲੇਬਨਾਨੀ ਫੌਜ ਦੋਵਾਂ ਤੋਂ ਦੂਰੀ ਬਣਾ ਰਹੀ ਹੈ।
3 ਅਕਤੂਬਰ ਨੂੰ ਤਾਇਬੇਹ ਵਿੱਚ ਇਜ਼ਰਾਈਲੀ ਹਮਲੇ ਵਿੱਚ ਇੱਕ ਲੇਬਨਾਨੀ ਫੌਜੀ ਦੀ ਮੌਤ ਹੋ ਗਈ ਸੀ ਜਦੋਂ ਕਿ ਇੱਕ ਹੋਰ ਜ਼ਖਮੀ ਹੋ ਗਿਆ ਸੀ। ਇਸੇ ਤਰ੍ਹਾਂ 30 ਸਤੰਬਰ ਨੂੰ ਵਜ਼ਾਨੀ ਵਿਚ ਲੇਬਨਾਨੀ ਫ਼ੌਜ ਦੀ ਚੌਕੀ 'ਤੇ ਇਜ਼ਰਾਇਲੀ ਹਮਲੇ ਵਿਚ ਇਕ ਲੇਬਨਾਨੀ ਫ਼ੌਜੀ ਮਾਰਿਆ ਗਿਆ ਸੀ।
