ਇਜ਼ਰਾਇਲੀ ਹਮਲੇ 'ਚ 'ਮਹਾਤਮਾ ਗਾਂਧੀ ਹਸਪਤਾਲ' ਖੰਡਰ 'ਚ ਤਬਦੀਲ; ਈਰਾਨ ਨੇ ਜਾਰੀ ਕੀਤਾ ਵੀਡੀਓ

ਇੰਟਰਨੈਸ਼ਨਲ ਡੈਸਕ: ਇਜ਼ਰਾਈਲੀ ਹਵਾਈ ਹਮਲਿਆਂ ਦੌਰਾਨ ਉੱਤਰੀ ਤੇਹਰਾਨ ਵਿੱਚ ਸਥਿਤ ਮਸ਼ਹੂਰ ਮਹਾਤਮਾ ਗਾਂਧੀ ਹਸਪਤਾਲ ਨੂੰ ਨਿਸ਼ਾਨਾ ਬਣਾਇਆ ਗਿਆ, ਜਿਸ ਕਾਰਨ ਇਹ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ। ਸਮਾਚਾਰ ਏਜੰਸੀ ਰਾਇਟਰਜ਼ ਅਨੁਸਾਰ ਇਹ ਹਮਲਾ 2 ਮਾਰਚ ਨੂੰ ਹੋਇਆ ਸੀ, ਜਿਸ ਦੀ ਪੁਸ਼ਟੀ ਹੁਣ ਵਿਸ਼ਵ ਸਿਹਤ ਸੰਗਠਨ (WHO) ਨੇ ਵੀ ਕਰ ਦਿੱਤੀ ਹੈ।

ਇਹ ਹਸਪਤਾਲ ਤੇਹਰਾਨ ਦੀ 'ਗਾਂਧੀ ਸਟ੍ਰੀਟ' 'ਤੇ ਸਥਿਤ ਸੀ ਅਤੇ ਇਸਨੂੰ ਬੱਚਿਆਂ ਦੇ ਇਲਾਜ ਲਈ ਇੱਕ ਪ੍ਰਮੁੱਖ ਕੇਂਦਰ ਮੰਨਿਆ ਜਾਂਦਾ ਸੀ। ਭਾਵੇਂ ਇਹ ਹਸਪਤਾਲ 2008-2009 ਵਿੱਚ ਈਰਾਨੀ ਮਾਹਿਰਾਂ ਅਤੇ ਡਾਕਟਰਾਂ ਦੇ ਇੱਕ ਨਿੱਜੀ ਸਮੂਹ ਦੁਆਰਾ ਬਣਾਇਆ ਗਿਆ ਸੀ, ਪਰ ਮਹਾਤਮਾ ਗਾਂਧੀ ਪ੍ਰਤੀ ਸਤਿਕਾਰ ਅਤੇ ਭਾਰਤ-ਈਰਾਨ ਦੇ ਡੂੰਘੇ ਸੱਭਿਆਚਾਰਕ ਸਬੰਧਾਂ ਕਾਰਨ ਇਸਦਾ ਨਾਮ ਬਾਪੂ ਦੇ ਨਾਮ 'ਤੇ ਰੱਖਿਆ ਗਿਆ ਸੀ। ਈਰਾਨ ਵਿੱਚ ਗਾਂਧੀ ਜੀ ਨੂੰ ਅਹਿੰਸਾ ਅਤੇ ਮਨੁੱਖੀ ਮਰਿਆਦਾ ਲਈ ਲੜਨ ਵਾਲੀ ਇੱਕ ਮਹਾਨ ਸ਼ਖ਼ਸੀਅਤ ਵਜੋਂ ਦੇਖਿਆ ਜਾਂਦਾ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ ਦਾ ਵੱਡਾ ਐਲਾਨ, ਸੋਮਵਾਰ ਤੋਂ ਹੋਵੇਗੀ ਈਰਾਨੀ ਬੰਦਰਗਾਹਾਂ ਦੀ ਨਾਕਾਬੰਦੀ

ਈਰਾਨ ਨੇ ਜਾਰੀ ਕੀਤੇ ਹਮਲੇ ਦੇ ਸਬੂਤ 

Mahatma Gandhi Hospital, Tehran. pic.twitter.com/NpvbmN32sR

— Iran in India (@Iran_in_India) April 12, 2026

ਈਰਾਨ ਨੇ ਹੁਣ ਇਸ ਹਸਪਤਾਲ ਦੇ ਮਲਬੇ ਅਤੇ ਖੰਡਰ ਹੋਈ ਇਮਾਰਤ ਦੀਆਂ ਤਸਵੀਰਾਂ ਤੇ ਵੀਡੀਓ ਜਾਰੀ ਕੀਤੇ ਹਨ। ਭਾਰਤ ਵਿੱਚ ਈਰਾਨੀ ਦੂਤਾਵਾਸ ਵੱਲੋਂ ਸਾਂਝੀ ਕੀਤੀ ਗਈ ਫੁਟੇਜ ਵਿੱਚ ਹਸਪਤਾਲ ਦੇ ਅੰਦਰ ਖਿੱਲਰਿਆ ਮਲਬਾ ਅਤੇ ਵ੍ਹੀਲਚੇਅਰਾਂ ਦੇ ਕੋਲ ਪਏ ਨੁਕਸਾਨੇ ਗਏ ਸਾਮਾਨ ਨੂੰ ਦਿਖਾਇਆ ਗਿਆ ਹੈ। ਚਸ਼ਮਦੀਦਾਂ ਅਨੁਸਾਰ ਹਮਲੇ ਤੋਂ ਤੁਰੰਤ ਬਾਅਦ ਮਰੀਜ਼ਾਂ ਨੂੰ ਉੱਥੋਂ ਕੱਢ ਲਿਆ ਗਿਆ ਸੀ।

ਮਹਾਤਮਾ ਗਾਂਧੀ ਹਸਪਤਾਲ 'ਤੇ ਇਹ ਹਮਲਾ ਈਰਾਨ ਦੇ ਖਿਲਾਫ ਅਮਰੀਕਾ ਅਤੇ ਇਜ਼ਰਾਈਲ ਦੇ ਸਾਂਝੇ ਫੌਜੀ ਅਭਿਆਨ ਦੇ ਦੂਜੇ ਦਿਨ ਕੀਤਾ ਗਿਆ ਸੀ। ਰਿਪੋਰਟਾਂ ਅਨੁਸਾਰ, 28 ਫਰਵਰੀ ਨੂੰ ਸ਼ੁਰੂ ਹੋਈ ਇਸ ਜੰਗ ਦੇ 40 ਦਿਨਾਂ ਬਾਅਦ ਹੁਣ ਪਾਕਿਸਤਾਨ ਦੀ ਵਿਚੋਲਗੀ ਨਾਲ ਦੋ ਹਫਤਿਆਂ ਲਈ ਜੰਗਬੰਦੀ ਹੋਈ ਹੈ। ਈਰਾਨ ਨੇ ਦੋਸ਼ ਲਾਇਆ ਹੈ ਕਿ ਇਸ ਸੰਘਰਸ਼ ਦੌਰਾਨ ਅਮਰੀਕਾ ਅਤੇ ਇਜ਼ਰਾਈਲ ਨੇ ਈਰਾਨ ਵਿੱਚ 600 ਤੋਂ ਵੱਧ ਹਸਪਤਾਲਾਂ ਅਤੇ 60 ਤੋਂ ਵੱਧ ਸਕੂਲਾਂ 'ਤੇ ਮਿਜ਼ਾਈਲ ਹਮਲੇ ਕੀਤੇ ਹਨ। ਇਜ਼ਰਾਈਲ 'ਤੇ ਪਹਿਲਾਂ ਵੀ ਗਾਜ਼ਾ ਪੱਟੀ ਵਿੱਚ ਦਰਜਨਾਂ ਹਸਪਤਾਲਾਂ ਨੂੰ ਤਬਾਹ ਕਰਨ ਦੇ ਦੋਸ਼ ਲੱਗਦੇ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
 
ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।