ਅਮਰੀਕਾ ਤੋਂ ਬਾਅਦ ਹੁਣ TikTok ''ਤੇ ਪਾਬੰਦੀ ਲਗਾ ਸਕਦੈ ਤੁਰਕੀ

ਇਸਤਾਂਬੁਲ (ਯੂਐਨਆਈ): ਸੋਸ਼ਲ ਮੀਡੀਆ ਪਲੇਟਫਾਰਮ TikTok ਨੂੰ ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਤੁਰਕੀ ਵਿੱਚ ਬਲੌਕ ਕੀਤਾ ਜਾ ਸਕਦਾ ਹੈ, ਜਦਕਿ X ਨੂੰ ਦੇਸ਼ ਵਿੱਚ ਪ੍ਰਤੀਨਿਧੀ ਨਿਯੁਕਤ ਕਰਨ ਤੋਂ ਇਨਕਾਰ ਕਰਨ ਦੇ ਨਤੀਜੇ ਭੁਗਤਣੇ ਪੈ ਸਕਦੇ ਹਨ। ਤੁਰਕੀ ਵਿੱਚ ਡਿਜੀਟਲ ਮੀਡੀਆ ਬਾਰੇ ਸੰਸਦੀ ਕਮਿਸ਼ਨ ਦੇ ਮੁਖੀ ਹੁਸੈਨ ਯਾਮਨ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਯਾਮਨ ਨੇ ਤੁਰਕੀ ਦੀ ਸੰਸਦ ਨੂੰ ਆਪਣੇ ਸੰਬੋਧਨ ਵਿੱਚ ਇਹ ਜਾਣਕਾਰੀ ਦਿੱਤੀ ਕਿ ਇੰਟਰਨੈਟ "ਟ੍ਰੋਲ" ਜਾਂ ਆਨਲਾਈਨ ਬਦਮਾਸ਼ ਜੋ ਜਾਣਬੁੱਝ ਕੇ ਆਨਲਾਈਨ ਅਪਮਾਨਜਨਕ ਜਾਂ ਭੜਕਾਊ ਸੰਦੇਸ਼ ਪੋਸਟ ਕਰਦੇ ਹਨ, ਹੋਰ ਗੱਲਾਂ ਦੇ ਇਲਾਵਾ, ਤੁਰਕੀ ਵਿੱਚ ਰਾਜਨੀਤਿਕ ਅਤੇ ਜਨਤਕ ਜੀਵਨ ਨੂੰ ਖਤਰੇ ਵਿੱਚ ਪਾਉਂਦੀਆਂ ਹਨ। 

ਉਸਨੇ ਯਾਦ ਦਿਵਾਇਆ ਕਿ TikTok ਪ੍ਰਤੀਨਿਧਾਂ ਨੇ ਪਹਿਲਾਂ ਕੁਝ ਸੰਸਦ ਮੈਂਬਰਾਂ ਦੇ ਸਵਾਲਾਂ ਦੇ ਲਿਖਤੀ ਜਵਾਬ ਦਿੱਤੇ ਸਨ ਪਰ ਜਵਾਬ "ਤਸੱਲੀਬਖਸ਼" ਨਹੀਂ ਸਨ। ਯਾਮਨ ਨੇ ਕਿਹਾ ਕਿ ਸੰਸਦ ਵਿੱਚ ਹਰ ਕੋਈ ਸੈਂਸਰਸ਼ਿਪ ਦੇ ਵਿਰੁੱਧ ਹੈ ਪਰ ਪਰਿਵਾਰਾਂ ਅਤੇ ਬੱਚਿਆਂ ਦੀ ਰੱਖਿਆ ਕਰਨਾ ਅਤੇ ਨੌਜਵਾਨਾਂ ਦੇ ਸਿਹਤਮੰਦ ਦਿਮਾਗ ਨਾਲ ਵੱਡੇ ਹੋਣ ਨੂੰ ਯਕੀਨੀ ਬਣਾਉਣਾ ਮਹੱਤਵਪੂਰਨ ਹੈ। ਤੁਰਕੀ ਦੇ ਪ੍ਰਸਾਰਕ ਐਨਟੀਵੀ ਨੇ ਯਾਮਨ ਦੇ ਹਵਾਲੇ ਨਾਲ ਕਿਹਾ,"ਸਾਡਾ ਕਮਿਸ਼ਨ ਪਾਬੰਦੀਆਂ ਲਗਾਉਣ ਦੇ ਵਿਰੁੱਧ ਹੈ ਪਰ ਸਾਡੇ ਕਮਿਸ਼ਨ ਦੇ ਤਾਜ਼ਾ ਵਿਸ਼ਲੇਸ਼ਣ ਅਨੁਸਾਰ ਕੁਝ ਕਰਨ ਦੀ ਜ਼ਰੂਰਤ ਹੈ।" 

ਪੜ੍ਹੋ ਇਹ ਅਹਿਮ ਖ਼ਬਰ-ਬਾਈਡੇਨ ਸਰਕਾਰ ਵੱਲੋਂ ਸਰਹੱਦ ਪਾਰ ਕਰਨ ਵਾਲੇ ਲੋਕਾਂ ਲਈ ਨਵਾਂ ਨਿਯਮ ਲਿਆਉਣ ਦੀ ਤਿਆਰੀ

ਅਮਰੀਕਾ 'ਚ TikTok 'ਤੇ ਪਾਬੰਦੀ ਲਗਾਈ ਗਈ ਹੈ, ਅਸੀਂ ਇਸ ਪਾਬੰਦੀ ਦੇ ਖ਼ਿਲਾਫਡ ਹਾਂ ਪਰ ਤੁਰਕੀ 'ਚ ਕਾਨੂੰਨੀ ਪਾਬੰਦੀ ਦੀ ਸਥਿਤੀ ਆ ਸਕਦੀ ਹੈ। ਯਾਮਨ ਨੇ ਕਿਹਾ,"ਕਿਸੇ ਨੂੰ ਵੀ ਇਹ ਨਹੀਂ ਸੋਚਣਾ ਚਾਹੀਦਾ ਕਿ ਉਹ ਕਾਨੂੰਨ ਤੋਂ ਉੱਪਰ ਹੈ।" ਜੇ ਤੁਸੀਂ ਕੈਨੇਡਾ, ਫਰਾਂਸ, ਯੂਨਾਈਟਿਡ ਕਿੰਗਡਮ, ਆਸਟ੍ਰੀਆ ਅਤੇ ਡੈਨਮਾਰਕ ਵਿੱਚ ਕੰਮ ਕਰ ਰਹੇ ਹੋ ਤਾਂ ਸਾਡੇ ਨਾਲ ਵੀ ਇਹੀ ਹੈ - ਤੁਹਾਨੂੰ ਕਾਨੂੰਨਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਮੈਂ ਆਖਰੀ ਵਾਰ ਕਹਿ ਰਿਹਾ ਹਾਂ, ਇਹ ਸੋਸ਼ਲ ਨੈਟਵਰਕ ਲਈ ਸਾਡੀ ਆਖਰੀ ਕਾਲ ਹੈ'।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।