ਟਰੰਪ ਨੇ ਫੇਸਬੁੱਕ ਦੇ ਮੁਕਾਬਲੇ ਚੀਨ ਦੇ TikTok ਦੀ ਕੀਤੀ ਤਾਰੀਫ਼
03/08/2024 4:57:50 PM
ਵਾਸ਼ਿੰਗਟਨ (ਯੂ. ਐੱਨ. ਆਈ.): ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵੀਰਵਾਰ ਨੂੰ ਫੇਸਬੁੱਕ ਦੇ ਮੁਕਾਬਲੇ ਚੀਨ ਦੀ ਟਿੱਕਟਾਕ ਕੰਪਨੀ ਦੀ ਤਾਰੀਫ ਕੀਤੀ। ਟਰੰਪ ਨੇ ਟਰੁੱਥ ਸੋਸ਼ਲ ਮੀਡੀਆ 'ਤੇ ਕਿਹਾ, "ਜੇਕਰ ਤੁਸੀਂ TikTok ਤੋਂ ਛੁਟਕਾਰਾ ਪਾਉਂਦੇ ਹੋ, ਤਾਂ ਫੇਸਬੁੱਕ ਆਪਣਾ ਕਾਰੋਬਾਰ ਦੁੱਗਣਾ ਕਰ ਦੇਵੇਗਾ।" ਉਨ੍ਹਾਂ ਕਿਹਾ ਕਿ ਫੇਸਬੁੱਕ ਨੇ ਪਿਛਲੀਆਂ ਚੋਣਾਂ ਵਿੱਚ ਵੱਡੇ ਪੱਧਰ 'ਤੇ ਧੋਖਾਧੜੀ ਕੀਤੀ ਸੀ।
ਸਾਬਕਾ ਰਾਸ਼ਟਰਪਤੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਸਨੇ ਅਮਰੀਕਾ ਦੇ ਸਾਰੇ ਅਮਰੀਕੀ ਸਰਕਾਰੀ ਉਪਕਰਣਾਂ ਅਤੇ ਕੁਝ ਰਾਜ ਸਰਕਾਰਾਂ ਦੇ ਉਪਕਰਣਾਂ 'ਤੇ ਟਿੱਕਟਾਕ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਯੂ.ਐੱਸ. ਹਾਊਸ ਕਮੇਟੀ ਆਨ ਐਨਰਜੀ ਐਂਡ ਕਾਮਰਸ ਨੇ ਟਿਕਟਾਕ ਜਿਹੇ ਐਪਸ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਵਿਦੇਸ਼ੀ ਵਿਰੋਧੀ ਕੰਟਰੋਲ ਐਕਟ ਅਤੇ ਡੇਟਾ ਬ੍ਰੋਕਰਾਂ ਨੂੰ ਰੋਕਣ 'ਤੇ ਧਿਆਨ ਕੇਂਦਰਿਤ ਕਰਦੇ ਹੋਏ ਵਿਦੇਸ਼ੀ ਵਿਰੋਧੀਆਂ ਤੋਂ ਅਮਰੀਕੀਆਂ ਦੇ ਡਾਟਾ ਦੀ ਰੱਖਿਆ ਕਰਨ ਵਾਲੇ ਐਕਟ ਦੋਵਾਂ ਨੂੰ ਅੱਗੇ ਵਧਾਉਣ ਲਈ 50-0 ਨਾਲ ਵੋਟ ਪਾਈ।
ਪੜ੍ਹੋ ਇਹ ਅਹਿਮ ਖ਼ਬਰ-ਕੈਨੇਡਾ ’ਚ 21 ਸਾਲਾ ਪੰਜਾਬੀ ਨੌਜਵਾਨ ਹੋਇਆ ਲਾਪਤਾ, ਚਿੰਤਾ 'ਚ ਮਾਪੇ
ਗੌਰਤਲਬ ਹੈ ਕਿ ਆਪਣੇ ਸ਼ਾਸਨਕਾਲ ਦੌਰਾਨ ਟਰੰਪ ਨੇ ਟਿੱਕਟਾਕ ਨੂੰ ਦੇਸ਼ ਦੀ ਸੁਰੱਖਿਆ ਲਈ ਖ਼ਤਰਾ ਦੱਸਿਆ ਸੀ ਅਤੇ ਕਿਹਾ ਸੀ ਕਿ ਇਸ ਐਪ ਤੋਂ ਡਾਟਾ ਇਕੱਠਾ ਕਰਨ ਨਾਲ ਚੀਨੀ ਕਮਿਊਨਿਸਟ ਪਾਰਟੀ ਅਮਰੀਕੀਆਂ ਦੀ ਨਿੱਜੀ ਅਤੇ ਮਲਕੀਅਤ ਦੀ ਜਾਣਕਾਰੀ ਤੱਕ ਪਹੁੰਚ ਕਰ ਸਕਦੀ ਹੈ। ਇਹ ਚੀਨੀ ਐਪਸ ਸੰਭਾਵੀ ਤੌਰ 'ਤੇ ਫੈਡਰਲ ਕਰਮਚਾਰੀਆਂ ਅਤੇ ਠੇਕੇਦਾਰਾਂ ਦੇ ਟਿਕਾਣਿਆਂ ਨੂੰ ਟਰੈਕ ਕਰਨ, ਬਲੈਕਮੇਲ ਲਈ ਨਿੱਜੀ ਜਾਣਕਾਰੀ ਦੇ ਡੋਜ਼ੀਅਰ ਬਣਾਉਣ ਅਤੇ ਕਾਰਪੋਰੇਟ ਜਾਸੂਸੀ ਦੀ ਇਜਾਜ਼ਤ ਦਿੰਦੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
