ਟਰੰਪ ਨੇ ਅਮਰੀਕੀ ਓਲੰਪਿਕ ਦੌੜਾਕ ਨੂੰ ''ਮੈਡਲ ਆਫ ਫਰੀਡਮ'' ਦਾ ਐਵਾਰਡ ਦਿੱਤਾ

ਵਾਸ਼ਿੰਗਟਨ ਡੀ. ਸੀ. (ਰਾਜ ਗੋਗਨਾ)- ਵ੍ਹਾਈਟ ਹਾਊਸ ਵਾਸ਼ਿੰਗਟਨ ਡੀ. ਸੀ. ਵਿਖੇ ਕੋਰੋਨਾ ਮਹਾਮਾਰੀ ਦੀ ਪਾਲਣਾ ਕਰਦੇ ਹੋਏ ਵਾੲ੍ਹੀਟ ਹਾਊਸ ਦੇ ਬਲੂ ਰੂਮ ਵਿਚ ਸ਼ਾਮਲ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਕੁਝ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆ ਵੱਲੋਂ ਸਾਬਕਾ ਕਾਂਗਰਸਮੈਨ ਅਤੇ ਓਲੰਪਿਕ ਦੌੜਾਕ ਜਿੰਮ ਰਾਯਨ ਨੂੰ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਆਜ਼ਾਦੀ ਦਾ ਰਾਸ਼ਟਰਪਤੀ ਮੈਡਲ ਪਾ ਕੇ ਉਨ੍ਹਾਂ ਦਾ ਸਨਮਾਨ ਕੀਤਾ।

ਜਿੰਮ ਰਾਯਨ ਨੇ ਸੰਨ 1964 ਦੇ ਓਲੰਪਿਕ ਵਿਚ 17 ਸਾਲ ਦੀ ਉਮਰ ਵਿਚ 1,500 ਮੀਟਰ ਦੇ ਟਰੈਕ ਈਵੈਂਟ ਵਿਚ ਹਿੱਸਾ ਲਿਆ ਸੀ, ਜਿਸ ਨੇ 4 ਮਿੰਟ ਦਾ ਮੀਲ ਤੋੜਨ ਵਾਲਾ ਪਹਿਲਾ ਅਮਰੀਕੀ ਹਾਈ ਸਕੂਲ ਦਾ ਵਿਦਿਆਰਥੀ ਬਣਿਆ ਸੀ। ਬਾਅਦ ਵਿਚ ਉਸ ਨੇ ਮੈਕਸੀਕੋ ਵਿਚ 1968 ਦੀਆਂ ਖੇਡਾਂ ਵਿਚ ਚਾਂਦੀ ਦਾ ਤਗਮਾ ਜਿੱਤਿਆ ਅਤੇ 4 ਸਾਲ ਬਾਅਦ ਜਰਮਨੀ ਵਿਚ ਦੁਬਾਰਾ ਮੁਕਾਬਲਾ ਕੀਤਾ। ਰਾਯਨ  ਨੇ 19 ਸਾਲ ਦੀ ਉਮਰ ਵਿਚ, 3: 51.3, ਮੀਲ ਵਿਚ ਇਕ ਵਿਸ਼ਵ ਰਿਕਾਰਡ ਵੀ ਬਣਾਇਆ ਅਤੇ ਇਹ ਨਿਸ਼ਾਨ ਸੰਯੁਕਤ ਰਾਜ ਦੇ ਇਤਿਹਾਸ ਵਿਚ 11ਵਾਂ ਸਭ ਤੋਂ ਤੇਜ਼ ਦੋੜਾਕ 'ਚ ਉਸ ਦਾ ਨਾਂ ਦਰਜ ਹੈ। ਆਪਣੇ ਚੱਲ ਰਹੇ ਕੈਰੀਅਰ ਤੋਂ ਬਾਅਦ, ਰਾਯਨ ਨੇ ਰੀਪਬਲੀਕਨ ਪਾਰਟੀ ਦਾ 1996 ਤੋਂ 2007 ਤੱਕ ਅਮਰੀਕਾ ਦੇ ਕੰਸਾਸ ਸੂਬੇ ਲਈ ਸੰਯੁਕਤ ਰਾਜ ਦਾ ਕਾਂਗਰਸਮੈਨ ਵੀ ਰਹੇ।

ਆਜ਼ਾਦੀ ਦਾ ਇਹ ਰਾਸ਼ਟਰਪਤੀ ਮੈਡਲ, ਸੰਯੁਕਤ ਰਾਜ ਦੇ ਸਭ ਤੋਂ ਉੱਚੇ ਨਾਗਰਿਕ ਸਨਮਾਨਾਂ ਵਿਚੋਂ ਇਕ ਹੈ ਜੋ "ਸੰਯੁਕਤ ਰਾਜ ਦੇ ਸੁਰੱਖਿਆ ਜਾਂ ਰਾਸ਼ਟਰੀ ਹਿੱਤਾਂ, ਵਿਸ਼ਵ ਸ਼ਾਂਤੀ, ਸੱਭਿਆਚਾਰਕ  ਜਾਂ ਹੋਰ ਮਹੱਤਵਪੂਰਨ ਜਨਤਕ ਜਾਂ ਨਿੱਜੀ ਯਤਨਾਂ ਲਈ ਵਿਸ਼ੇਸ਼ ਤੌਰ 'ਤੇ ਯੋਗਦਾਨ ਪਾਉਣ ਵਾਲੇ ਵਿਅਕਤੀ ਨੂੰ  ਮਾਨਤਾ ਦਿੰਦਾ ਹੈ। 73 ਸਾਲਾ ਰਾਯਨ ਨੇ  ਆਪਣੇ ਛੋਟੇ ਜਿਹੇ ਸੰਬੋਧਨ 'ਚ ਕਿਹਾ ਕਿ ਮੈਂ ਬਹੁਤ ਜ਼ਿਆਦਾ ਖੁਸ਼ਕਿਸਮਤ ਹਾਂ ਕਿ ਮੈਨੂੰ ਵੀ ਇਸ ਕਦਰ   ਸਮਝਿਆ ਗਿਆ ਹੈ। ਇਕ ਚੀਜ਼ ਜਿਹੜੀ ਇਸ ਬਾਰੇ ਸੱਚਮੁੱਚ ਵਿਸ਼ੇਸ਼ ਹੈ, ਉਹ ਇਹ ਹੈ ਕਿ ਮੈਂ ਆਪਣੇ ਜਿਉਂਦੇ ਜੀਵਨ ਦੇ ਸਮੇਂ ਵਿਚ ਇੰਨਾ ਵੱਡਾ ਮਾਣ  ਪ੍ਰਾਪਤ ਕਰ ਰਿਹਾ ਹਾਂ। ਕਈ ਲੋਕਾਂ ਨੂੰ ਇਹ ਤੁਹਾਡੇ ਮਰਨ ਤੋਂ ਬਾਅਦ ਤੁਹਾਡੇ ਪਰਿਵਾਰ ਨੂੰ ਦਿੱਤੇ ਜਾਂਦੇ ਹਨ।