ਟਰੰਪ ਨੇ ਇਮਰਾਨ ਨੂੰ ਤੋਹਫੇ ''ਚ ਦਿੱਤਾ ''ਬੈਟ'' ਤੇ ਇਮਰਾਨ ਨੇ ਦਿੱਤਾ ''ਪਾਕਿ ਆਉਣ ਦਾ ਸੱਦਾ''

ਵਾਸ਼ਿੰਗਟਨ - ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਾਕਿ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੂੰ ਤੋਹਫੇ ਦੇ ਰੂਪ 'ਚ ਕ੍ਰਿਕਟ ਬੈਟ ਦਿੱਤਾ ਹੈ। ਵ੍ਹਾਈਟ ਹਾਊਸ ਦੀ ਮੁਲਾਕਾਤ ਦੌਰਾਨ ਟਰੰਪ ਨੇ ਸਾਬਕਾ ਰਾਸ਼ਟਰਪਤੀ ਸਵਰਗੀ ਆਇਦਡਨਹਾਵਰ ਦੀ ਫੋਟੋ ਦੇ ਨਾਲ ਬੱਲੇ ਨੂੰ ਦਿੱਤਾ। ਸਾਲ 1992 'ਚ ਪਾਕਿਸਤਾਨ ਨੇ ਵਿਸ਼ਵ ਕੱਪ ਨੂੰ ਜਿੱਤਿਆ ਸੀ ਅਤੇ ਉਸ ਟੀਮ ਦਾ ਹਿੱਸਾ ਇਮਰਾਨ ਖਾਨ ਸਨ।

ਇਮਰਾਨ ਖਾਨ 3 ਦਿਨਾਂ ਅਮਰੀਕੀ ਯਾਤਰਾ 'ਤੇ ਹਨ। ਬੈਟ 'ਤੇ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਦੀ ਤਸਵੀਰ ਛਾਪਣ ਦਾ ਇਰਾਦਾ ਅਥਰਪੂਰਣ ਹੈ ਕਿਉਂਕਿ ਉਸ ਦੌਰਾਨ ਪਾਕਿਸਤਾਨ 'ਚ ਇਕੱਲੇ ਟੈਸਟ ਮੈਚ ਦੇ ਗਵਾਹ ਉਹ ਸਨ। ਜਿਓ ਨਿਊਜ਼ 'ਚ ਇਹ ਰਿਪੋਰਟ ਪ੍ਰਕਾਸ਼ਿਤ ਹੋਈ ਸੀ। ਪਾਕਿ ਦੇ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਮੰਗਲਵਾਰ ਨੂੰ ਆਖਿਆ ਕਿ ਇਮਰਾਨ ਖਾਨ ਅਤੇ ਡੋਨਾਲਡ ਟਰੰਪ ਦੀ ਮੁਲਾਕਾਤ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਨੂੰ ਪਾਕਿਸਤਾਨ ਆਉਣ ਦਾ ਸੱਦਾ ਦਿੱਤਾ ਗਿਆ ਸੀ ਅਤੇ ਇਸ ਨੂੰ ਉਨ੍ਹਾਂ ਨੇ ਸਵੀਕਾਰ ਕਰ ਲਿਆ ਹੈ। ਵਾਸ਼ਿੰਗਟਨ 'ਚ ਪ੍ਰੈਸ ਕਾਨਫਰੰਸ ਦੌਰਾਨ ਕੁਰੈਸ਼ੀ ਨੇ ਆਖਿਆ ਕਿ ਟਰੰਪ ਦੀ ਯਾਤਰਾ ਨਾਲ ਸਬੰਧਿਤ ਸਾਰੇ ਮਾਮਲਿਆਂ 'ਤੇ ਜਲਦ ਹੀ ਸਹਿਮਤੀ ਹੋ ਜਾਵੇਗੀ।

ਖਾਨ ਅਤੇ ਟਰੰਪ ਦੀ ਮੁਲਾਕਾਤ ਦੌਰਾਨ ਇਕ ਪੱਤਰਕਾਰ ਨੇ ਅਮਰੀਕੀ ਰਾਸ਼ਟਰਪਤੀ ਤੋਂ ਪੁੱਛਿਆ ਕਿ ਉਹ ਪਾਕਿ ਦੀ ਯਾਤਰਾ ਕਰਨਾ ਪਸੰਦ ਕਰਨਗੇ। ਜਿਸ 'ਤੇ ਅਮਰੀਕੀ ਰਾਸ਼ਟਰਪਤੀ ਨੇ ਜਵਾਬ ਦਿੱਤਾ ਕਿ ਇਮਰਾਨ ਖਾਨ ਨੇ ਉਨ੍ਹਾਂ ਨੂੰ ਅਜਿਹਾ ਕੋਈ ਸੱਦਾ ਨਹੀਂ ਦਿੱਤਾ ਹੈ ਅਤੇ ਜੇਕਰ ਮਿਲਦਾ ਹੈ ਤਾਂ ਉਹ ਇਸ ਨੂੰ ਜ਼ਰੂਰ ਸਵੀਕਾਰ ਕਰਨਗੇ। ਇਮਰਾਨ ਖਾਨ ਅਤੇ ਡੋਨਾਲਡ ਟਰੰਪ ਵਿਚਾਲੇ ਕਈ 2-ਪੱਖੀ ਮੁੱਦਿਆਂ 'ਤੇ ਗੱਲਬਾਤ ਹੋਈ ਸੀ, ਇਸ 'ਚ ਅਫਗਾਨਿਸਤਾਨ ਅਤੇ ਅਮਰੀਕਾ ਵੱਲੋਂ ਪਾਕਿ ਦੀ ਫੌਜੀ ਸਹਾਇਤਾ ਨੂੰ ਰੋਕਣਾ ਸ਼ਾਮਲ ਹੈ।

ਫੌਜੀ ਸਹਾਇਤਾ 'ਤੇ ਰੋਕ ਲਾਉਣ ਨਾਲ ਇਸਲਾਮਾਬਾਦ ਅਤੇ ਵਾਸ਼ਿੰਗਟਨ ਦੇ ਸਬੰਧਾਂ 'ਚ ਕਾਫੀ ਤਲਖੀਆਂ ਆ ਗਈਆਂ ਸਨ। ਅਮਰੀਕਾ ਨੇ ਦੱਸਿਆ ਕਿ ਇਹ ਸਹਾਇਤਾ ਉਦੋਂ ਤੱਕ ਰੋਕੀ ਜਾਵੇਗੀ ਜਦੋਂ ਤੱਕ ਇਸਲਾਮਾਬਾਦ ਆਪਣੀ ਜ਼ਮੀਨ 'ਤੇ ਅੱਤਵਾਦੀਆਂ ਖਿਲਾਫ ਸਖਤ ਕਦਮ ਨਹੀਂ ਚੁੱਕਦਾ। ਪਾਕਿਸਤਾਨ ਦੀ ਫੌਜੀ ਸਹਾਇਤਾ ਨੂੰ ਬਹਾਲ ਕਰਨ ਤੋਂ ਬਾਅਦ ਟਰੰਪ ਨੇ ਆਖਿਆ ਕਿ ਈਮਾਨਦਾਰੀ ਨਾਲ ਕਹਾਂ ਤਾਂ ਪਾਕਿਸਤਾਨ ਦੇ ਨਾਲ ਹੁਣ ਸਾਡੇ ਬਿਹਤਰ ਸਬੰਧ ਹਨ ਪਰ ਰਕਮ ਅਦਾ ਕਰਨ ਦੌਰਾਨ ਇੰਨੇ ਨਹੀਂ ਸਨ ਪਰ ਉਹ ਸਭ ਵਾਪਸ ਆ ਸਕਦਾ ਹੈ ਅਤੇ ਇਹ ਸਾਡੇ ਕਾਰਜ 'ਤੇ ਨਿਰਭਰ ਕਰਦਾ ਹੈ।