ਪੈਰਿਸ ਹਮਲੇ ਦੇ ਮਾਮਲੇ ਦੀ ਸੁਣਵਾਈ ਟਲੀ

ਬਰਸੇਲਸ(ਭਾਸ਼ਾ)— ਬੈਲਜ਼ੀਅਮ ਦੀ ਅਦਾਲਤ ਨੇ 2015 ਵਿਚ ਪੈਰਿਸ ਹਮਲੇ ਦੇ ਮਾਮਲੇ ਵਿਚ ਸੁਣਵਾਈ 5 ਫਰਵਰੀ ਤੱਕ ਮੁਲਤਵੀ ਕਰ ਦਿੱਤੀ ਹੈ। ਬੈਲਜ਼ੀਅਮ ਦੀ ਇਕ ਨਿਊਜ਼ ਏਜੰਸੀ ਨੇ ਆਪਣੀ ਰਿਪੋਰਟ ਵਿਚ ਦੱਸਿਆ ਕਿ ਫ੍ਰਾਂਸੀਸੀ ਮੂਲ ਦਾ ਨਿਵਾਸੀ ਅਤੇ ਵਰਤਮਾਨ ਵਿਚ ਬਰਸੇਲਸ ਵਿਚ ਰਹਿ ਰਿਹਾ ਸਲਾਹ ਅਬਦੇਸਲਾਮ ਪੈਰਿਸ ਹਮਲੇ ਤੋਂ ਬਾਅਦ ਬੈਲਜ਼ੀਅਮ ਪਰਤ ਆਇਆ ਸੀ। ਖਤਰਨਾਕ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ (ਆਈ. ਐਸ) ਵੱਲੋਂ ਅੰਜ਼ਾਮ ਦਿੱਤੇ ਗਏ, ਇਨ੍ਹਾਂ ਹਮਲਿਆਂ ਵਿਚ 130 ਲੋਕਾਂ ਦੀ ਮੌਤ ਹੋ ਗਈ ਸੀ। ਰਿਪੋਰਟ ਮੁਤਾਬਕ ਅਬਦੇਸਲਾਮ ਨੂੰ ਮਹੀਨਿਆਂ ਤੱਕ ਫਰਾਰ ਰਹਿਣ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਦੀ ਗ੍ਰਿਫਤਾਰੀ ਦੇ 4 ਦਿਨ ਬਾਅਦ 18 ਮਾਰਚ 2016 ਨੂੰ ਹੀ ਬਰਸੇਲਸ ਵਿਚ ਇਕ ਹੋਰ ਅੱਤਵਾਦੀ ਹਮਲਾ ਹੋ ਗਿਆ। ਬੈਲਜ਼ੀਅਮ ਮੀਡੀਆ ਮੁਤਾਬਕ ਅਬਦੇਸਲਾਮ ਸੋਮਵਾਰ ਨੂੰ ਅਦਾਲਤ ਵਿਚ ਹਾਜ਼ਰ ਨਹੀਂ ਹੋਇਆ। ਉਸ ਨੇ ਆਪਣੇ ਲਈ ਨਵਾਂ ਵਕੀਲ ਨਿਯੁਕਤ ਕੀਤਾ ਹੈ, ਜਿਨ੍ਹਾਂ ਨੇ ਮਾਮਲੇ ਦੀ ਤਿਆਰੀ ਕਰਨ ਲਈ ਅਦਾਲਤ ਤੋਂ ਹੋਰ ਸਮਾਂ ਮੰਗਿਆ, ਜਿਸ ਤੋਂ ਬਾਅਦ ਅਦਾਲਤ ਨੇ ਸੁਣਵਾਈ 5 ਫਰਵਰੀ ਤੱਕ ਲਈ ਟਾਲ ਦਿੱਤੀ।