ਇੰਡੋਨੇਸ਼ੀਆ ਦੇ ਹੋਟਲ ''ਚ ਅੱਗ ਲੱਗਣ ਕਾਰਨ 3 ਲੋਕਾਂ ਦੀ ਮੌਤ, 3 ਜ਼ਖ਼ਮੀ
08/18/2023 3:32:30 PM
ਜਕਾਰਤਾ (ਵਾਰਤਾ)- ਇੰਡੋਨੇਸ਼ੀਆ ਦੀ ਰਾਜਧਾਨੀ ਜਕਾਰਤਾ ਵਿਚ ਵੀਰਵਾਰ ਦੇਰ ਰਾਤ ਇਕ ਹੋਟਲ ਵਿਚ ਅੱਗ ਲੱਗਣ ਕਾਰਨ 3 ਲੋਕਾਂ ਦੀ ਮੌਤ ਹੋ ਗਈ ਅਤੇ 3 ਹੋਰ ਜ਼ਖ਼ਮੀ ਹੋ ਗਏ। ਇਕ ਅਧਿਕਾਰੀ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸਥਾਨਕ ਪੁਲਸ ਮੁਤਾਬਤ ਸਥਾਨਕ ਸਮੇਂ ਮੁਤਾਬਕ ਰਾਤ ਕਰੀਬ 11:50 'ਤੇ ਅੱਗ ਲੱਗੀ। ਫਾਇਰਫਾਈਟਰਜ਼ ਨੇ ਸ਼ੁੱਕਰਵਾਰ ਤੜਕੇ 2:40 'ਤੇ ਅੱਗ 'ਤੇ ਕਾਬੂ ਪਾਇਆ।
ਉਪ ਜ਼ਿਲ੍ਹ ਪੁਲਸ ਮੁਖੀ ਟ੍ਰਿਬੁਆਨਾ ਰੋਸੇਨੋ ਨੇ ਮੀਡੀਆ ਨੂੰ ਦੱਸਿਆ ਕਿ ਇਸ ਹਾਦਸੇ ਵਿਚ ਹੋਟਲ ਵਿਚ ਰੁਕੇ ਹੋਏ 3 ਲੋਕਾਂ ਦੀ ਮੌਤ ਹੋ ਗਈ। ਉਹ ਇਕ ਅਜਿਹੇ ਕਮਰੇ ਵਿਚ ਫਸੇ ਹੋਏ ਸਨ, ਜਿਸ ਵਿਚ ਕੋਈ ਵੈਂਟੀਲੇਸ਼ਨ ਨਹੀਂ ਸੀ। ਇਸ ਹਾਦਸੇ ਵਿਚ 3 ਲੋਕ ਝੁਲਸ ਗਏ। ਉਨ੍ਹਾਂ ਨੇ ਨੇੜਲੇ ਹਸਪਤਾਲ ਦਾਖ਼ਲ ਕਰਾਇਆ ਗਿਆ ਹੈ। ਸ਼ੁਰੂਆਤੀ ਜਾਂਚ ਵਿਚ ਪਤਾ ਲੱਗਾ ਹੈ ਕਿ ਸਿਗਰਟ ਦੇ ਬੱਟ (ਸਿਗਰਟ ਪੀਣ ਮਗਰੋਂ ਬਾਕੀ ਬਚੇ ਹਿੱਸੇ) ਕਾਰਨ ਅੱਗ ਲੱਗੀ।
