73 ਸਾਲਾ ਬੇਬੇ ਨੇ ਬਾਡੀ ਬਿਲਡਿੰਗ 'ਚ ਕੀਤੀ ਕਮਾਲ, Transformation ਦੇਖ ਰਹਿ ਜਾਓਗੇ ਦੰਗ
03/12/2020 4:39:00 PM
ਟੋਰਾਂਟੋ- ਉਮਰ ਸਿਰਫ ਇਕ ਨੰਬਰ ਹੈ। ਇਹ ਗੱਲ ਅਕਸਰ ਉਦਾਹਰਨਾਂ ਦੇ ਰਾਹੀਂ ਸਾਹਮਣੇ ਆਉਂਦੀ ਹੈ, ਜਦੋਂ ਕੋਈ ਬਜ਼ੁਰਗ ਉਹ ਕੰਮ ਕਰ ਜਾਂਦਾ ਹੈ ਜਿਹੜਾ ਕਈ ਵਾਰ ਨੌਜਵਾਨ ਵੀ ਨਹੀਂ ਕਰ ਪਾਉਂਦੇ। ਇਕ ਵਾਰ ਮੁੜ ਇਸ ਗੱਲ ਨੂੰ ਸਾਬਿਤ ਕੀਤਾ ਹੈ ਕੈਨੇਡਾ ਦੀ 73 ਸਾਲਾ ਮਹਿਲਾ ਨੇ।
ਓਨਟਾਰੀਓ ਦੀ ਰਹਿਣ ਵਾਲੀ ਜੋਨ ਮੈਕਡਾਨਲਡ ਨੇ ਇਸ ਉਮਰ ਵਿਚ ਬਾਡੀ ਬਿਲਡਿੰਗ ਕਰਕੇ ਆਪਣੇ ਸਰੀਰ ਨੂੰ ਨਾ ਸਿਰਫ ਬਹੁਤ ਚੰਗੀ ਤਰ੍ਹਾਂ ਤਰਾਸ਼ਿਆ ਹੈ ਬਲਕਿ ਇਸੇ ਕਾਰਨ ਉਹਨਾਂ ਦੀ ਸਿਹਤ ਦੀ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ।
ਉਹ ਦੁਨੀਆਭਰ ਦੇ ਲੋਕਾਂ ਲਈ ਪ੍ਰੇਰਣਾ ਬਣ ਰਹੀ ਹੈ, ਜੋ ਕਹਿੰਦੇ ਹਨ ਕਿ ਉਹਨਾਂ ਦੇ ਕੋਲ ਸਮਾਂ ਨਹੀਂ ਹੈ। ਹੁਣ ਉਮਰ ਵਧ ਗਈ ਹੈ, ਸਰੀਰ ਬਣਾਉਣ ਦਾ ਕੀ ਫਾਇਦਾ? ਵਧਦੀ ਉਮਰ ਦੇ ਕਾਰਨ ਸਰੀਰ ਕਮਜ਼ੋਰ ਹੋ ਰਿਹਾ ਹੈ। ਹੁਣ ਜਿਮ ਕਿਵੇਂ ਜਾਵਾਂਗੇ?
ਇਹਨਾਂ ਸਾਰੇ ਬਹਾਨਿਆਂ ਦਾ ਇਕ ਹੀ ਜਵਾਬ ਹੈ, ਜੋਨ ਮੈਕਡਾਨਲਡ ਜਿਹਨਾਂ ਨੇ 73 ਸਾਲ ਦੀ ਉਮਰ ਵਿਚ ਆਪਣੇ ਸਰੀਰ ਨੂੰ ਪੂਰੀ ਤਰ੍ਹਾਂ ਬਦਲ ਦਿੱਤਾ ਹੈ। ਜਦੋਂ ਉਹ ਇੰਨੀ ਉਮਰ ਵਿਚ ਆਪਣੇ ਸਰੀਰ ਨੂੰ ਸਿਹਤਮੰਦ ਰੱਖ ਸਕਦੀ ਹੈ ਤਾਂ ਅਜਿਹਾ ਕੋਈ ਵੀ ਕਰ ਸਕਦਾ ਹੈ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਜੋਨ ਨੂੰ ਹਮੇਸ਼ਾ ਤੋਂ ਹੀ ਸਰੀਰ ਦੇ ਵਧੇਰੇ ਭਾਰ ਦੇ ਨਾਲ ਸੰਘਰਸ਼ ਕਰਨਾ ਪਿਆ ਸੀ ਤੇ ਉਹਨਾਂ ਨੂੰ ਹਾਈ ਬਲੱਡ ਪ੍ਰੈਸ਼ਰ, ਕੋਲੈਸਟ੍ਰਾਲ ਸਣੇ ਕਈ ਪਰੇਸ਼ਾਨੀਆਂ ਸਨ। ਇਸ ਦੇ ਲਈ ਉਹ ਲੰਬੇ ਸਮੇਂ ਤੋਂ ਦਵਾਈਆਂ ਵੀ ਲੈ ਰਹੀ ਸੀ।
ਜੋਨ ਬੀਤੇ ਤਿੰਨ ਸਾਲ ਤੋਂ ਜਿਮ ਵਿਚ ਪਸੀਨਾ ਵਹਾ ਰਹੀ ਹੈ ਤੇ ਇਸ ਦੇ ਕਾਰਨ ਉਹਨਾਂ ਦਾ ਭਾਰ ਤਕਰੀਬਨ 69 ਕਿਲੋ ਹੋ ਗਿਆ ਹੈ, ਜੋ ਕਿ ਪਹਿਲਾਂ 90 ਕਿਲੋ ਸੀ।
ਇਸ ਦੇ ਨਾਲ ਹੀ ਉਹਨਾਂ ਨੇ ਹੈਰਾਨੀਜਨਕ ਰੂਪ ਨਾਲ ਮਾਸਪੇਸ਼ੀਆਂ ਨੂੰ ਸਹੀ ਆਕਾਰ ਦਿੱਤਾ ਹੈ। ਇਹ ਬਜ਼ੁਰਗ ਬਾਡੀ ਬਿਲਡਰ ਹੁਣ ਕੁਝ ਹੱਦ ਤੱਕ ਸੋਸ਼ਲ ਮੀਡੀਆ ਸੈਲੇਬ੍ਰਿਟੀ ਬਣ ਗਈ ਹੈ, ਜਿਸ ਦੇ ਪੰਜ ਲੱਖ ਤੋਂ ਵਧੇਰੇ ਫਾਲੋਅਰਸ ਹਨ।