ਤਾਲਿਬਾਨ ਨੇ ਪ੍ਰਦਰਸ਼ਨਕਾਰੀਆਂ ''ਤੇ ਚਲਾਈਆਂ ਗੋਲੀਆਂ, ਕਈ ਲੋਕਾਂ ਦੀ ਮੌਤ

ਕਾਬੁਲ-ਝੰਡਾ ਲਹਿਰਾਉਂਦੇ ਹੋਏ ਪ੍ਰਦਰਸ਼ਨਕਾਰੀ ਅੱਜ ਕਈ ਅਫਗਾਨ ਸ਼ਹਿਰ ਦੀਆਂ ਸੜਕਾਂ 'ਤੇ ਉਤਰ ਆਏ ਕਿਉਂਕਿ ਤਾਲਿਬਾਨ ਦਾ ਲੋਕਪ੍ਰਿਸੱਧ ਵਿਰੋਧ ਫੈਲ ਗਿਆ ਅਤੇ ਇਕ ਚਸ਼ਮਦੀਦ ਨੇ ਕਿਹਾ ਕਿ ਜਦ ਅੱਤਵਾਦੀਆਂ ਨੇ ਭੀੜ 'ਤੇ ਗੋਲਾਬਾਰੀ ਕੀਤੀ ਜਿਸ ਕਾਰਨ ਕਈ ਲੋਕ ਮਾਰੇ ਗਏ।

1. ਸਾਡਾ ਝੰਡਾ, ਸਾਡੀ ਪਛਾਣ, ਰਾਜਧਾਨੀ ਕਾਬੁਲ 'ਚ ਕਾਲੇ, ਲਾਲ ਅਤੇ ਹਰੇ ਰੰਗ ਦੇ ਰਾਸ਼ਟਰੀ ਝੰਡੇ ਲਹਿਰਾਉਂਦੇ ਹੋਏ ਪੁਰਸ਼ਾਂ ਅਤੇ ਕੁਝ ਮਹਿਲਾਵਾਂ ਦੀ ਭੀੜ ਨੇ ਰੌਲ ਪਾਇਆ, ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ ਗਈ ਵੀਡੀਓ ਕਲਿੱਪ 'ਚ ਦਿਖਾਇਆ ਗਿਆ ਹੈ ਜਿਸ ਦਿਨ ਅਫਗਾਨਿਸਤਾਨ ਬ੍ਰਿਟਿਸ਼ ਕੰਟਰੋਲ ਤੋਂ ਆਪਣੀ 1919 ਦੀ ਸੁਤੰਤਰਤਾ ਦਾ ਜਸ਼ਨ ਮਨਾਉਂਦਾ ਹੈ।
2. ਤਾਲਿਬਾਨ ਨੇ ਐਤਵਾਰ ਨੂੰ ਕਾਬੁਲ 'ਚ ਮਾਰਚ ਕਰਨ ਤੋਂ ਬਾਅਦ ਦੁਨੀਆ ਦੇ ਸਾਹਮਣੇ ਇਕ ਉਦਾਰ ਚਿਹਰਾ ਪੇਸ਼ ਕੀਤਾ ਹੈ, ਇਹ ਕਹਿੰਦੇ ਹੋਏ ਕਿ ਉਹ ਸ਼ਾਂਤੀ ਚਾਹੁੰਦੇ ਹਨ, ਪੁਰਾਣੇ ਦੁਸ਼ਮਣਾਂ ਨਾਲ ਬਦਲਾ ਨਹੀਂ ਲੈਣਗੇ ਅਤੇ ਇਸਲਾਮੀ ਕਾਨੂੰਨ ਦੇ ਢਾਂਚੇ ਦੇ ਅੰਦਰ ਮਹਿਲਾਵਾਂ ਦਾ ਸਨਮਾਨ ਕਰਨਗੇ।
3. ਮੀਡੀਆ ਮੁਤਾਬਕ ਤਾਲਿਬਾਨ ਵਿਰੋਧ ਪ੍ਰਦਰਸ਼ਨਾਂ ਨੂੰ ਕਿਵੇਂ ਸੰਭਾਲਦਾ ਹੈ ਜਿਸ 'ਚ ਲੋਕ ਤਾਲਿਬਾਨ ਦੇ ਚਿੱਟੇ ਝੰਡੇ ਨੂੰ ਫਾੜਨਾ ਵੀ ਸ਼ਾਮਲ ਹੈ, ਇਹ ਨਿਰਧਾਰਿਤ ਕਰ ਸਕਦਾ ਹੈ ਕਿ ਕੀ ਲੋਕ ਉਨ੍ਹਾਂ ਦੇ ਭਰੋਸੇ ਦੇ ਵਿਸ਼ਵਾਸ ਕਰਦੇ ਹਨ ਕਿ ਉਹ 1996-2001 ਦੇ ਸ਼ਾਸਨ ਤੋਂ ਬਾਅਦ ਤੋਂ ਬਦਲ ਗਏ ਹਨ, ਜਦ ਉਨ੍ਹਾਂ ਨੇ ਮਹਿਲਾਵਾਂ 'ਤੇ ਸਖਤ ਪਾਬੰਦੀ ਲਾਈ ਸੀ।

ਇਹ ਵੀ ਪੜ੍ਹੋ : ਅਫਗਾਨਿਸਤਾਨ ਦੇ ਡਿਪਲੋਮੈਟ ਨੇ ਗਨੀ 'ਤੇ 16.9 ਕਰੋੜ ਡਾਲਰ ਦੀ 'ਚੋਰੀ' ਦਾ ਲਾਇਆ ਦੋਸ਼

4.ਚਸ਼ਮਦੀਦ ਮੁਹੰਮਦ ਸਲੀਮ ਨੇ ਕਿਹਾ ਕਿ ਪੂਰਬੀ ਪ੍ਰਾਂਤ ਕੁਨਾਰ ਦੀ ਰਾਜਧਾਨੀ ਅਸਦਾਬਾਦ 'ਚ ਇਕ ਰੈਲੀ ਦੌਰਾਨ ਕਈ ਲੋਕ ਮਾਰੇ ਗਏ ਪਰ ਇਹ ਸਪੱਸ਼ਟ ਨਹੀ ਹੈ ਕਿ ਜਾਨੀ ਨੁਕਸਾਨ ਤਾਲਿਬਾਨ ਦੀ ਗੋਲੀਬਾਰੀ 'ਚ ਹੋਇਆ ਜਾਂ ਭੱਜ-ਦੌੜ ਨਾਲ।
5.ਪ੍ਰਦਰਸ਼ਨਕਾਰੀਆਂ ਨੇ ਜਲਾਲਾਬਾਦ ਸ਼ਹਿਰ ਅਤੇ ਪਕਤੀਆਂ ਸੂਬੇ ਦੇ ਇਕ ਜ਼ਿਲ੍ਹੇ ਦੀਆਂ ਸੜਕਾਂ 'ਤੇ ਵੀ ਪ੍ਰਦਰਸ਼ਨ ਕੀਤਾ, ਦੋਵੇਂ ਪੂਰਬ 'ਚ ਵੀ। ਬੁੱਧਵਾਰ ਨੂੰ ਤਾਲਿਬਾਨ ਲੜਾਕਿਆਂ ਨੇ ਜਲਾਲਾਬਾਦ 'ਚ ਝੰਡੇ ਲਹਿਰਾ ਰਹੇ ਪ੍ਰਦਰਸ਼ਨਕਾਰੀਆਂ 'ਤੇ ਗੋਲੀਆਂ ਚਲਾਈਆਂ ਜਿਸ 'ਚ ਤਿੰਨ ਦੀ ਮੌਤ ਹੋ ਗਈ, ਗਵਾਹ ਅਤੇ ਮੀਡੀਆ ਨੇ ਦੱਸਿਆ। ਮੀਡੀਆ ਨੇ ਬੁੱਧਵਾਰ ਨੂੰ ਅਸਦਾਬਾਦ ਅਤੇ ਇਕ ਹੋਰ ਪੂਰਬੀ ਸ਼ਹਿਰ ਖੋਸਤ 'ਚ ਵੀ ਇਸ ਤਰ੍ਹਾਂ ਦੇ ਦ੍ਰਿਸ਼ਾਂ ਦੀ ਸੂਚਨਾ ਦਿੱਤੀ।
6.ਤਾਲਿਬਾਨ ਦੇ ਵਿਰੋਧ 'ਚ ਰੈਲੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਪਹਿਲੇ ਉਪ ਰਾਸ਼ਟਰਪਤੀ ਅਮਰੂੱਲਾ ਸਾਲੇਹ ਨੇ ਵਿਰੋਧ ਪ੍ਰਦਰਸ਼ਨ ਲਈ ਸਮਰਥਨ ਪ੍ਰਗਟ ਕੀਤਾ। ਉਨ੍ਹਾਂ ਨੇ ਟਵਿੱਟਰ 'ਤੇ ਕਿਹਾ ਕਿ ਰਾਸ਼ਟਰੀ ਝੰਡੇ ਨੂੰ ਲਹਿਰਾਉਣ ਅਤੇ ਇਸ ਤਰ੍ਹਾਂ ਰਾਸ਼ਟਰ ਦੇ ਮਾਣ-ਮਰਿਆਦਾ ਲਈ ਖੜ੍ਹੇ ਹੋਣ ਵਾਲਿਆਂ ਨੂੰ ਸਲਾਮ। ਸਾਲੇਹ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਹ ਅਫਗਾਨਿਸਤਾਨ 'ਚ ਸਨ ਅਤੇ ਰਾਸ਼ਟਰਪਤੀ ਅਸ਼ਰਫ ਗਨੀ ਦੇ ਐਤਵਾਰ ਨੂੰ ਤਾਲਿਬਾਨ ਦੇ ਕਾਬੁਲ 'ਤੇ ਕਬਜ਼ਾ ਕਰਨ ਤੋਂ ਬਾਅਦ 'ਜਾਇਜ਼ ਦੇਖਭਾਲ ਕਰਨ ਵਾਲੇ ਰਾਸ਼ਟਰਪਤੀ' ਸਨ।

ਇਹ ਵੀ ਪੜ੍ਹੋ : ਸਵੀਡਨ ਦੇ ਸਕੂਲ 'ਚ ਵਿਅਕਤੀ 'ਤੇ ਚਾਕੂ ਨਾਲ ਹਮਲਾ, ਅੱਲ੍ਹੜ ਗ੍ਰਿਫਤਾਰ

7.ਵਾਸ਼ਿੰਗਟਨ ਪੋਸਟ ਲਈ ਇਕ ਆਪ-ਐਡ 'ਚ, ਅਫਗਾਨਿਸਤਾਨ ਦੇ ਰਾਸ਼ਟਰੀ ਪ੍ਰਤੀਰੋਧ ਮੋਰਚੇ ਦੇ ਨੇਤਾ, ਅਮਦ ਮਸੂਦ, ਜੋ ਕਾਬੁਲ ਦੇ ਉੱਤਰ-ਪੂਰਬ 'ਚ ਪੰਜੀਸ਼ੀਰ ਘਾਟੀ ਦੇ ਪੁਰਾਣੇ ਤਾਲਿਬਾਨ ਵਿਰੋਧੀ ਗੜ੍ਹ 'ਚ ਸਥਿਤ ਹੈ, ਨੇ ਤਾਲਿਬਾਨ ਨਾਲ ਲੜਨ ਲਈ ਪੱਛਮੀ ਸਮਰੱਥਨ ਦੀ ਅਪੀਲ ਕੀਤੀ।
8.ਤਾਲਿਬਾਨ ਦੇ ਐਤਵਾਰ ਨੂੰ ਦਾਖਲ ਹੋਣ ਤੋਂ ਬਾਅਦ ਤੋਂ ਕਾਬੁਲ ਆਮ ਤੌਰ 'ਤੇ ਸ਼ਾਂਤ ਰਿਹਾ ਹੈ ਪਰ ਹਵਾਈ ਅੱਡੇ 'ਤੇ ਹਫੜਾ-ਦਫੜੀ ਦਾ ਮਾਹੌਲ ਹੈ ਕਿਉਂਕਿ ਲੋਕ ਦੇਸ਼ ਤੋਂ ਬਾਹਰ ਨਿਕਲਣ ਲਈ ਦੌੜ ਪਏ ਹਨ। ਨਾਟੋ ਅਤੇ ਤਾਲਿਬਾਨ ਨੇ ਕਿਹਾ ਕਿ ਉਸ ਵੇਲੇ ਤੋਂ ਹੁਣ ਤੱਕ ਹਵਾਈਅੱਡੇ ਅਤੇ ਉਸ ਦੇ ਨੇੜੇ 12 ਲੋਕ ਮਾਰੇ ਜਾ ਚੁੱਕੇ ਹਨ। ਤਾਲਿਬਾਨ ਨੇ ਕਿਹਾ ਕਿ ਮੌਤਾਂ ਜਾਂ ਤਾਂ ਬੰਦੂਕ ਦੀ ਗੋਲੀ ਜਾਂ ਭੱਜ-ਦੌੜ ਨਾਲ ਹੋਈਆਂ।

9.ਬੁੱਧਵਾਰ ਨੂੰ ਗਵਾਹਾਂ ਨੇ ਕਿਹਾ ਕਿ ਤਾਲਿਬਾਨ ਨੇ ਲੋਕਾਂ ਨੂੰ ਹਵਾਈਅੱਡੇ ਦੇ ਕੰਪਲੈਕਸ 'ਚ ਦਾਖਲ ਹੋਣ ਤੋਂ ਰੋਕਿਆ। ਤਾਲਿਬਾਨ ਨੇ ਕਿਹਾ ਕਿ ਭੀੜ ਨੂੰ ਖਿੰਡੇੜਨ ਲਈ ਫੌਜੀਆਂ ਨੇ ਹਵਾ 'ਚ ਗੋਲੀਆਂ ਚਲਾਈਆਂ। ਬੰਦੂਕਧਾਰੀਆਂ ਨੇ ਵੀਰਵਾਰ ਨੂੰ ਹਵਾਈਅੱਡੇ ਦੇ ਕਈ ਐਂਟਰੀ ਗੇਟਾਂ 'ਤੇ ਹਵਾ 'ਚ ਗੋਲੀਆਂ ਚਲਾਈਆਂ ਜਿਸ ਨਾਲ ਮਹਿਲਾਵਾਂ ਸਮੇਤ ਬੱਚਿਆਂ ਦੀ ਭੀੜ ਨੂੰ ਖਦੇੜ ਦਿੱਤਾ। ਇਹ ਸਪਸ਼ੱਟ ਨਹੀਂ ਸੀ ਕਿ ਫਾਈਰਿੰਗ ਕਰਨ ਵਾਲੇ ਤਾਲਿਬਾਨ ਸਨ ਜਾਂ ਸੁਰੱਖਿਆ ਕਰਮਚਾਰੀ ਜੋ ਅਮਰੀਕੀ ਫੌਜ ਨੂੰ ਅੰਦਰ ਮਦਦ ਕਰ ਰਹੇ ਸਨ।
10.ਇਕ ਪੱਛਮੀ ਸੁਰੱਖਿਆ ਅਧਿਕਾਰੀ ਨੇ ਕਿਹਾ ਕਿ ਸੰਯੁਕਤ ਰਾਜ ਅਮਰੀਕਾ ਅਤੇ ਹੋਰ ਪੱਛਮੀ ਸ਼ਕਤੀਆਂ ਨੇ ਰਾਜਧਾਨੀ ਦੇ ਹਵਾਈ ਅੱਡੇ ਤੋਂ ਆਪਣੇ ਨਾਗਰਿਕਾਂ ਅਤੇ ਉਨ੍ਹਾਂ ਦੇ ਕੁਝ ਅਫਗਾਨ ਕਰਮਚਾਰੀਆਂ ਨੂੰ ਕੱਢਣ ਲਈ ਦਬਾਅ ਪਾਇਆ, ਜਿਥੋਂ ਐਤਵਾਰ ਤੋਂ ਲਗਭਗ 8000 ਲੋਕਾਂ ਨੂੰ ਕੱਢਿਆ ਗਿਆ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।