ਤਾਲਿਬਾਨ ਦੀ ਬੇਰਹਿਮੀ, ਅਫਗਾਨੀ ਮੁੰਡੇ ਨੂੰ ਪੱਥਰ ਮਾਰ-ਮਾਰ ਕੇ ਲਈ ਜਾਨ (ਵੀਡੀਓ)

ਕਾਬੁਲ (ਬਿਊਰੋ): ਅਫਗਾਨਿਸਤਾਨ ਵਿਚ ਕਾਮੇਡੀਅਨ ਮੁਹੰਮਦ ਖਾਸ਼ਾ ਦੇ ਬੇਰਹਿਮੀ ਨਾਲ ਕਤਲ ਤੋਂ ਜਿੱਥੇ ਹਾਲੇ ਦੁਨੀਆ ਉਭਰੀ ਨਹੀਂ ਸੀ ਉੱਥੇ ਤਾਲਿਬਾਨ ਦੀ ਬੇਰਹਿਮੀ ਦਾ ਇਕ ਹੋਰ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਚੁੱਕਾ ਹੈ। ਇਸ ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਅਫਗਾਨੀ ਮੁੰਡੇ ਨੂੰ ਤਾਲਿਬਾਨ ਅੱਤਵਾਦੀ ਪੱਥਰਾਂ ਨਾਲ ਮਾਰ ਰਹੇ ਹਨ। ਇਹੀ ਨਹੀਂ ਤਾਲਿਬਾਨੀਆਂ ਨੇ ਇਸ ਘਿਨਾਉਣੇ ਕਤਲ ਦਾ ਵੀਡੀਓ ਵੀ ਬਣਾਇਆ ਅਤੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤਾ ਤਾਂ ਜੋ ਦੁਨੀਆ ਉਹਨਾਂ ਦੀ ਬੇਰਹਿਮੀ ਨੂੰ ਦੇਖ ਸਕੇ।

Warning: Strong graphics ⛔️

The monster is unleashed after USA’s withdrawal in Afghanistan.

Talibans stoned a boy to death and also filmed the video for the world to see their barbarianism. pic.twitter.com/iwJ9ybYDOj

— Shama Junejo (@ShamaJunejo) July 29, 2021

ਪੜ੍ਹੋ ਇਹ ਅਹਿਮ ਖਬਰ -ਅਫਗਾਨ ਸੈਨਾ ਦੀ ਵੱਡੀ ਸਫਲਤਾ, ਤਾਲਿਬਾਨ ਦੇ 2 ਹਾਈ ਪ੍ਰੋਫਾਈਲ ਨੇਤਾ ਕੀਤੇ ਢੇਰ

ਇਹ ਵੀਡੀਓ ਅਫਗਾਨਿਸਤਾਨ ਵਿਚ ਕਿੱਥੋਂ ਦਾ ਹੈ ਇਹ ਹਾਲੇ ਪਤਾ ਨਹੀਂ ਚੱਲ ਪਾਇਆ ਹੈ। ਵੀਡੀਓ ਵਿਚ ਦਿੱਸ ਰਿਹਾ ਹੈ ਕਿ ਇਕ ਮੁੰਡਾ ਬਿਨਾਂ ਕੱਪੜਿਆਂ ਦੇ ਜ਼ਮੀਨ 'ਤੇ ਪਿਆ ਹੋਇਆ ਹੈ ਅਤੇ ਸੈਂਕੜੇ ਦੀ ਗਿਣਤੀ ਵਿਚ ਤਾਲਿਬਾਨੀ ਅੱਤਵਾਦੀ ਉਸ ਨੂੰ ਘੇਰ ਕੇ ਪੱਥਰ ਮਾਰ ਰਹੇ ਹਨ। ਮੁੰਡਾ ਪੱਥਰ ਖਾ ਕੇ ਵੀ ਕਈ ਵਾਰ ਉੱਠਣ ਦੀ ਕੋਸ਼ਿਸ਼ ਕਰਦਾ ਹੈ ਪਰ ਉਸ ਨੂੰ ਹੋਰ ਜ਼ਿਆਦਾ ਪੱਥਰ ਮਾਰੇ ਜਾਂਦੇ ਹਨ। ਅਖੀਰ ਵਿਚ ਮੁੰਡਾ ਜ਼ਮੀਨ 'ਤੇ ਡਿੱਗ ਪੈਂਦਾ ਹੈ ਅਤੇ ਦੁਬਾਰਾ ਨਹੀਂ ਉੱਠਦਾ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਸ਼ੇਅਰ ਕੀਤਾ ਜਾ ਰਿਹਾ ਹੈ ਅਤੇ ਅਮਰੀਕਾ ਦੇ ਅਫਗਾਨਿਸਤਾਨ ਤੋਂ ਵਾਪਸੀ ਦੇ ਫ਼ੈਸਲੇ 'ਤੇ ਸਵਾਲ ਖੜ੍ਹੇ ਕੀਤੇ ਜਾ ਰਹੇ ਹਨ।

ਨੋਟ- ਅਮਰੀਕਾ ਦੇ ਅਫਗਾਨਿਸਤਾਨ ਤੋਂ ਸੈਨਾ ਦੀ ਵਾਪਸੀ ਦੇ ਫ਼ੈਸਲੇ ਬਾਰੇ ਕੀ ਹੈ ਤੁਹਾਡੀ ਰਾਏ।