ਤਾਲਿਬਾਨ ਦਾ ਨਵਾਂ ਫਰਮਾਨ- ਹੁਣ ਅਫਗਾਨਿਸਤਾਨ 'ਚ ਜਿੰਮ 'ਚ ਵੀ ਔਰਤਾਂ ਦੀ ਨੌ ਐਂਟਰੀ

ਇੰਟਰਨੈਸ਼ਨਲ ਡੈਸਕ—ਲੜਕੀਆਂ ਦੇ ਸਕੂਲ ਅਤੇ ਕਾਲਜਾਂ 'ਚ ਜਾਣ ਅਤੇ ਔਰਤਾਂ ਨੂੰ ਨੌਕਰੀ ਕਰਨ 'ਤੇ ਰੋਕ ਤੋਂ ਬਾਅਦ ਹੁਣ ਤਾਲਿਬਾਨ ਨੇ ਅਫਗਾਨਿਸਤਾਨ 'ਚ ਔਰਤਾਂ 'ਤੇ ਜਿੰਮ ਜਾਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਸਦਾਚਾਰ ਮੰਤਰਾਲੇ ਦੇ ਬੁਲਾਰੇ ਮੁਹੰਮਦ ਅਕੇਫ ਮੋਹਜੇਰ ਨੇ ਕਿਹਾ ਕਿ ਸਮੂਹ ਨੇ ਪਿਛਲੇ 15 ਮਹੀਨਿਆਂ ਤੋਂ ਔਰਤਾਂ ਲਈ ਪਾਰਕਾਂ ਅਤੇ ਜਿੰਮਾਂ ਨੂੰ ਬੰਦ ਕਰਨ ਤੋਂ ਬਚਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਅਤੇ ਪੁਰਸ਼ਾਂ ਅਤੇ ਔਰਤਾਂ ਲਈ ਹਫ਼ਤੇ ਦੇ ਵੱਖ-ਵੱਖ ਦਿਨ ਨਿਰਧਾਰਤ ਕੀਤੇ ਸਨ, ਪਰ ਬਦਕਿਸਮਤੀ ਨਾਲ ਆਦੇਸ਼ਾਂ ਦਾ ਪਾਲਣ ਨਹੀਂ ਕੀਤਾ ਗਿਆ ਸੀ। 
ਜ਼ਿਆਦਾਤਰ ਮਾਮਲਿਆਂ 'ਚ ਪੁਰਸ਼ ਅਤੇ ਔਰਤਾਂ ਦੋਵਾਂ ਨੂੰ ਇਕੱਠੇ ਪਾਰਕਾਂ 'ਚ ਦੇਖਿਆ ਗਿਆ ਅਤੇ ਔਰਤਾਂ ਬਿਨਾਂ ਹਿਜਾਬ ਦੇ ਵੀ ਦਿਖਾਈ ਦਿੱਤੀਆਂ,ਇਸ ਲਈ ਸਾਨੂੰ ਔਰਤਾਂ ਲਈ ਪਾਰਕ ਅਤੇ ਜਿੰਮ ਬੰਦ ਕਰਨੇ ਪਏ। ਤਾਲਿਬਾਨ ਦੀਆਂ ਟੀਮਾਂ ਇਹ ਪਤਾ ਲਗਾਉਣ ਲਈ ਸਥਾਪਨਾਵਾਂ ਦੀ ਨਿਗਰਾਨੀ ਸ਼ੁਰੂ ਕਰਨਗੀਆਂ ਕਿ ਕੀ ਔਰਤਾਂ ਅਜੇ ਵੀ ਜਿੰਮ ਦੀ ਵਰਤੋਂ ਤਾਂ ਨਹੀਂ ਕਰ ਰਹੀਆਂ ਹਨ।