ਸਿਡਨੀ ''ਚ ਤਾਲਾਬੰਦੀ ਹਟਾਉਣੀ ਫਿਲਹਾਲ ਸੰਭਵ ਨਹੀਂ : NSW ਪ੍ਰੀਮੀਅਰ

ਸਿਡਨੀ (ਭਾਸ਼ਾ): ਨਿਊ ਸਾਊਥ ਵੇਲਜ਼ (ਐਨ.ਐਸ.ਡਬਲਊ.) ਵਿਚ ਇੱਕ ਸਾਲ ਤੋਂ ਵੱਧ ਸਮੇਂ ਵਿਚ ਪਹਿਲੀ ਵਾਰ ਸੋਮਵਾਰ ਨੂੰ ਰੋਜ਼ਾਨਾ ਕੋਵਿਡ-19 ਦੇ ਮਾਮਲਿਆਂ ਵਿਚ ਤਿੰਨ ਗੁਣਾ ਵਾਧਾ ਦੇਖਣ ਨੂੰ ਮਿਲਿਆ। ਇਸ ਮਗਰੋਂ ਆਸਟ੍ਰੇਲੀਆਈ ਰਾਜ ਦੇ ਪ੍ਰੀਮੀਅਰ ਗਲੇਡਿਸ ਬੇਰੇਜਿਕਲਿਅਨ ਨੇ ਕਿਹਾ ਕਿ ਇਸ ਹਫ਼ਤੇ ਤਾਲਾਬੰਦੀ ਨੂੰ ਸਿਡਨੀ ਵਿਚੋਂ ਹਟਾਉਣਾ ਲਗਭਗ ਅਸੰਭਵ ਹੈ। ਸਮਾਚਾਰ ਏਜੰਸੀ ਸ਼ਿਨਹੂਆ ਨੇ ਬੇਰੇਜਿਕਲਿਅਨ ਦੇ ਹਵਾਲੇ ਨਾਲ ਇਥੇ ਪੱਤਰਕਾਰਾਂ ਨੂੰ ਕਿਹਾ,''ਜਿਥੇ ਸੰਖਿਆਵਾਂ ਹਨ, ਉੱਥੇ ਸੰਭਾਵਨਾ ਨਹੀਂ ਹੈ ਮਤਲਬ ਸਾਡੇ ਲਈ ਸ਼ੁੱਕਰਵਾਰ ਨੂੰ ਤਾਲਾਬੰਦੀ ਵਿਚੋਂ ਬਾਹਰ ਨਿਕਲਣਾ ਲੱਗਭਗ ਅਸੰਭਵ ਹੈ।'' 

ਰਾਜ ਵਿਚ ਸੋਮਵਾਰ ਨੂੰ ਸਥਾਨਕ ਤੌਰ 'ਤੇ 112 ਨਵੇਂ ਮਾਮਲੇ ਦਰਜ ਕੀਤੇ ਗਏ, ਜਿਸ ਨਾਲ ਤਾਜ਼ਾ ਪ੍ਰਕੋਪ ਵਿਚ ਲਾਗ ਦੀ ਕੁੱਲ ਸੰਖਿਆ 678 ਹੋ ਗਈ। ਇਹ ਪਹਿਲਾ ਮੌਕਾ ਹੈ ਜਦੋਂ ਪਿਛਲੇ ਸਾਲ ਅਪ੍ਰੈਲ ਤੋਂ ਐਨ.ਐਸ.ਡਬਲਊ. ਵਿੱ ਇੱਕ ਦਿਨ ਵਿਚ 100 ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ। ਨਵੇਂ ਸਥਾਨਕ ਮਾਮਲਿਆਂ ਵਿਚ, 48 ਮਾਮਲਿਆਂ ਲਈ ਲਾਗ ਦਾ ਸਰੋਤ ਜਾਂਚ ਅਧੀਨ ਹੈ, ਜਦੋਂ ਕਿ 34 ਕਮਿਊਨਿਟੀ ਵਿਚ ਫੈਲ ਗਏ ਹਨ। ਐਨ.ਐਸ.ਡਬਲਊ. ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਉਹ ਆਪਣੀ ਟੀਕਾਕਰਣ ਮੁਹਿੰਮ ਨੂੰ ਤੇਜ਼ ਕਰੇਗੀ।

ਪੜ੍ਹੋ ਇਹ ਅਹਿਮ ਖਬਰ - ਆਸਟ੍ਰੇਲੀਆ ਨੇ ਅਫਗਾਨਿਸਤਾਨ 'ਚ 20 ਸਾਲਾ ਤੋਂ ਤਾਇਨਾਤ ਸੁਰੱਖਿਆ ਬਲ ਬੁਲਾਏ ਵਾਪਸ

ਫੇਅਰਫੀਲਡ, ਕੈਂਟਰਬਰੀ ਬੈਂਕਸਟਾਊਨ ਅਤੇ ਲਿਵਰਪੂਲ ਸਥਾਨਕ ਸਰਕਾਰਾਂ ਵਾਲੇ ਖੇਤਰਾਂ ਵਿਚ ਅਧਿਆਪਕ ਅਤੇ ਬੁਢਾਪਾ ਦੇਖਭਾਲ ਕਰਨ ਵਾਲੇ ਕਰਮਚਾਰੀਆਂ ਨੂੰ ਪਹਿਲ ਦਿੱਤੀ ਜਾਵੇਗੀ। ਉਸੇ ਸਮੇਂ, ਗਾਹਕਾਂ ਅਤੇ ਕਾਰੋਬਾਰਾਂ ਨੂੰ ਯਾਦ ਦਿਵਾਇਆ ਜਾਂਦਾ ਹੈ ਕਿ ਸੋਮਵਾਰ ਤੋਂ ਰਾਜ ਦੇ ਜ਼ਿਆਦਾਤਰ ਕਾਰਜ ਸਥਾਨਾਂ ਅਤੇ ਪ੍ਰਚੂਨ ਕਾਰੋਬਾਰਾਂ ਵਿਚ ਐਨ.ਐਸ.ਡਬਲਯੂ. ਸਰਕਾਰ ਦੀ ਕੋਵਿਡ-ਸੇਫ ਚੈੱਕ-ਇਨ ਦੀ ਵਰਤੋਂ ਲਾਜ਼ਮੀ ਹੋਵੇਗੀ। ਡਿਜੀਟਲ ਅਤੇ ਗਾਹਕ ਸੇਵਾ ਦੇ ਮੰਤਰੀ ਵਿਕਟਰ ਡੋਮੀਨੇਲੋ ਨੇ ਕਿਹਾ ਕਿ ਜ਼ਿਆਦਾ ਛੂਤਕਾਰੀ ਡੈਲਟਾ ਵੈਰੀਐਂਟ ਖ਼ਿਲਾਫ਼ ਲੜਾਈ ਵਿਚ ਐਨ.ਐਸ.ਡਬਲਊ. ਹੈਲਥ ਸੰਪਰਕ ਸੰਪਰਕ ਟਰੇਸਿੰਗ ਟੀਮਾਂ ਦੇ ਕੰਮ ਦਾ ਸਮਰਥਨ ਕਰਨ ਲਈ ਇਨ੍ਹਾਂ ਅਤਿਰਿਕਤ ਥਾਵਾਂ ਤੋਂ ਚੈੱਕ-ਇਨ ਜਾਣਕਾਰੀ ਬਹੁਤ ਮਹੱਤਵਪੂਰਨ ਹੈ।

ਪੜ੍ਹੋ ਇਹ ਅਹਿਮ ਖਬਰ- ਇਹ ਹੈ ਦੁਨੀਆ ਦਾ ਸਭ ਤੋਂ ਮਹਿੰਗਾ The Golden Boy 'ਬਰਗਰ', ਕੀਮਤ ਕਰ ਦੇਵੇਗੀ ਹੈਰਾਨ