'ਸੁਪਰ 30' ਦੇ ਸੰਸਥਾਪਕ ਆਨੰਦ ਕੁਮਾਰ ਨੂੰ ਮਿਲਿਆ UAE ਦਾ 'ਗੋਲਡਨ ਵੀਜ਼ਾ', ਜਾਣੋ ਫ਼ਾਇਦੇ

ਇੰਟਰਨੈਸ਼ਨਲ ਡੈਸਕ- ਸੰਯੁਕਤ ਅਰਬ ਅਮੀਰਾਤ (ਯੂ.ਏ.ਈ) ਨੇ ਸੁਪਰ 30 ਦੇ ਸੰਸਥਾਪਕ ਆਨੰਦ ਕੁਮਾਰ ਨੂੰ ਗੋਲਡਨ ਵੀਜ਼ਾ ਦਿੱਤਾ ਹੈ। ਹੁਣ ਇਸ ਸੂਚੀ ਵਿੱਚ ਆਨੰਦ ਕੁਮਾਰ ਵੀ ਆ ਗਿਆ ਹੈ ਜਿਸ ਕੋਲ ਇਹ ਵੀਜ਼ਾ ਹੋਵੇਗਾ। ਯੂ.ਏ.ਈ ਨੇ ਪਹਿਲਾਂ ਹੀ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਅਤੇ ਸੰਜੇ ਦੱਤ ਸਮੇਤ ਕਈ ਮਸ਼ਹੂਰ ਹਸਤੀਆਂ ਨੂੰ ਗੋਲਡਨ ਵੀਜ਼ਾ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ 2019 ਵਿੱਚ ਯੂ.ਏ.ਈ ਨੇ ਗੋਲਡਨ ਵੀਜ਼ਾ ਦੇਣਾ ਸ਼ੁਰੂ ਕੀਤਾ ਸੀ। ਜਿਸ ਦੇ ਤਹਿਤ ਇਹ ਵੀਜ਼ਾ ਪ੍ਰਾਪਤ ਕਰਨ ਵਾਲੇ ਵਿਅਕਤੀ ਨੂੰ ਲੰਬੇ ਸਮੇਂ ਤੱਕ ਯੂ.ਏ.ਈ ਵਿੱਚ ਸੁਤੰਤਰ ਤੌਰ 'ਤੇ ਕੰਮ ਕਰਨ, ਰਹਿਣ ਅਤੇ ਅਧਿਐਨ ਕਰਨ ਦੀ ਆਜ਼ਾਦੀ ਮਿਲਦੀ ਹੈ। 

ਗੋਲਡਨ ਵੀਜ਼ਾ ਵਿਗਿਆਨ, ਗਿਆਨ, ਸੱਭਿਆਚਾਰ ਅਤੇ ਕਲਾ ਦੇ ਖੇਤਰਾਂ ਵਿੱਚ ਵਿਅਕਤੀਆਂ ਨੂੰ ਦਿੱਤਾ ਜਾਂਦਾ ਹੈ। ਆਨੰਦ ਕੁਮਾਰ ਨੂੰ ਭਾਰਤ ਵਿੱਚ ਯੂ.ਏ.ਈ ਅੰਬੈਸੀ ਵੱਲੋਂ ਗੋਲਡਨ ਵੀਜ਼ਾ ਲਈ ਨਾਮਜ਼ਦ ਕੀਤਾ ਗਿਆ ਸੀ, ਜੋ ਉਸ ਨੂੰ ਮੰਗਲਵਾਰ ਨੂੰ ਅਧਿਕਾਰਤ ਤੌਰ 'ਤੇ ਪ੍ਰਾਪਤ ਹੋਇਆ। ਇਸ ਮੌਕੇ ਸੁਪਰ 30 ਦੇ ਸੰਸਥਾਪਕ ਆਨੰਦ ਕੁਮਾਰ ਨੇ ਕਿਹਾ ਕਿ ਇਹ ਮੇਰੇ ਲਈ ਸਨਮਾਨ ਦੀ ਗੱਲ ਹੈ। ਇਸ ਲਈ ਮੈਂ ਅਧਿਕਾਰੀਆਂ ਦਾ ਧੰਨਵਾਦੀ ਹਾਂ। ਤੁਹਾਨੂੰ ਦੱਸ ਦੇਈਏ ਕਿ ਆਨੰਦ ਕੁਮਾਰ ਨੂੰ ਸਿੱਖਿਆ ਦੇ ਖੇਤਰ ਵਿੱਚ ਉਨ੍ਹਾਂ ਦੇ ਵਿਆਪਕ ਕੰਮ ਲਈ ਨਿੱਜੀ ਤੌਰ 'ਤੇ ਸਨਮਾਨ ਲੈਣ ਲਈ ਯੂ.ਏ.ਈ. ਵਿਚ ਸੱਦਾ ਦਿੱਤਾ ਗਿਆ ਸੀ।

ਜਾਣੋ ਆਨੰਦ ਕੁਮਾਰ ਬਾਰੇ

ਗਣਿਤ ਦੇ ਅਧਿਆਪਕ ਆਨੰਦ ਕੁਮਾਰ ਨੇ 2002 ਵਿੱਚ ਪਟਨਾ ਵਿੱਚ ਆਪਣਾ 'ਸੁਪਰ 30' ਪ੍ਰੋਗਰਾਮ ਸ਼ੁਰੂ ਕੀਤਾ, ਜੋ ਕਿ ਇੰਡੀਅਨ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (IIT) ਪ੍ਰਵੇਸ਼ ਪ੍ਰੀਖਿਆਵਾਂ JEE-Mains ਅਤੇ JEE-ਐਡਵਾਂਸਡ ਲਈ ਪਛੜੇ ਵਿਦਿਆਰਥੀਆਂ ਨੂੰ ਕੋਚਿੰਗ ਦੇਣ ਲਈ ਜਾਣਿਆ ਜਾਂਦਾ ਹੈ। ਆਨੰਦ ਕੁਮਾਰ ਨੂੰ ਟਾਈਮ ਮੈਗਜ਼ੀਨ ਦੀ ਸਰਵੋਤਮ ਏਸ਼ੀਆ 2010 ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। 2023 ਵਿੱਚ ਉਸਨੂੰ ਸਾਹਿਤ ਅਤੇ ਸਿੱਖਿਆ ਦੇ ਖੇਤਰ ਵਿੱਚ ਯੋਗਦਾਨ ਲਈ ਭਾਰਤ ਸਰਕਾਰ ਦੁਆਰਾ ਚੌਥਾ ਸਭ ਤੋਂ ਵੱਡਾ ਨਾਗਰਿਕ ਪੁਰਸਕਾਰ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕੀਤਾ ਗਿਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਸਿੰਗਾਪੁਰ ਹਵਾਈ ਅੱਡੇ ਨੇ ਮਿਸਾਲੀ ਸੇਵਾ ਲਈ ਭਾਰਤੀ ਮੂਲ ਦੇ ਅਧਿਕਾਰੀ ਦਾ ਕੀਤਾ 'ਸਨਮਾਨ'

ਜਾਣੋ ਗੋਲਡਨ ਵੀਜ਼ਾ ਬਾਰੇ

ਗੋਲਡਨ ਵੀਜ਼ਾ ਪ੍ਰਾਪਤ ਕਰਨ ਤੋਂ ਬਾਅਦ, ਵਿਅਕਤੀ ਨੂੰ ਲੰਬੇ ਸਮੇਂ ਲਈ ਯੂ.ਏ.ਈ ਵਿੱਚ ਰਹਿਣ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ। ਇਹ ਵੀਜ਼ਾ ਮਿਲਣ ਤੋਂ ਬਾਅਦ ਕੋਈ ਵਿਅਕਤੀ 10 ਸਾਲ ਤੱਕ ਯੂ.ਏ.ਈ ਵਿੱਚ ਰਹਿ ਸਕਦਾ ਹੈ। ਇਹ ਵੀਜ਼ਾ ਨਿਵੇਸ਼ਕਾਂ, ਉੱਦਮੀਆਂ, ਖੋਜਕਰਤਾਵਾਂ, ਮੈਡੀਕਲ ਪੇਸ਼ੇਵਰਾਂ, ਵਿਗਿਆਨੀਆਂ ਅਤੇ ਵਿਦਿਆਰਥੀਆਂ ਲਈ ਉਪਲਬਧ ਸੀ।

ਗੋਲਡਨ ਵੀਜ਼ਾ ਦੇ ਫ਼ਾਇਦੇ

ਗੋਲਡਨ ਵੀਜ਼ਾ ਵਾਲੇ ਲੋਕਾਂ ਨੂੰ ਆਮ ਵੀਜ਼ਾ ਧਾਰਕਾਂ ਦੇ ਮੁਕਾਬਲੇ ਬਹੁਤ ਸਾਰੀਆਂ ਵਾਧੂ ਸਹੂਲਤਾਂ ਮਿਲਣਗੀਆਂ। ਉਦਾਹਰਣ ਵਜੋਂ ਸਭ ਤੋਂ ਮਹੱਤਵਪੂਰਨ ਸਹੂਲਤ ਇਹ ਹੈ ਕਿ ਉਹ ਕਿਸੇ ਹੋਰ ਵਿਅਕਤੀ ਜਾਂ ਕੰਪਨੀ ਦੀ ਮਦਦ ਤੋਂ ਬਿਨਾਂ ਆਪਣੇ ਜੀਵਨ ਸਾਥੀ ਅਤੇ ਬੱਚਿਆਂ ਨਾਲ ਯੂ.ਏ.ਈ ਵਿੱਚ ਰਹਿ ਸਕਣਗੇ। ਹੁਣ ਤੱਕ ਇਸ ਲਈ ਸਪਾਂਸਰ ਦੀ ਲੋੜ ਸੀ। ਇਸ ਵੀਜ਼ੇ ਦਾ ਇੱਕ ਹੋਰ ਫ਼ਾਇਦਾ ਇਹ ਹੋਵੇਗਾ ਕਿ ਗੋਲਡਨ ਵੀਜ਼ਾ ਧਾਰਕ ਤਿੰਨ ਕਰਮਚਾਰੀਆਂ ਨੂੰ ਸਪਾਂਸਰ ਵੀ ਕਰ ਸਕਣਗੇ। ਇਸ ਤੋਂ ਇਲਾਵਾ ਉਹ ਆਪਣੀ ਕੰਪਨੀ ਦੇ ਕਿਸੇ ਵੀ ਸੀਨੀਅਰ ਕਰਮਚਾਰੀ ਲਈ ਰੈਜ਼ੀਡੈਂਸੀ ਵੀਜ਼ਾ ਵੀ ਪ੍ਰਾਪਤ ਕਰ ਸਕਣਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।