ਰਾਹਤ ਦੀ ਖ਼ਬਰ, ਕੋਵਿਡ ਪ੍ਰਭਾਵਿਤ ਸ਼ੰਘਾਈ ''ਚ ਸਥਿਤੀ 1 ਜੂਨ ਤੱਕ ਆਮ ਹੋਣ ਦੀ ਉਮੀਦ

05/16/2022 6:22:15 PM

ਸ਼ੰਘਾਈ (ਵਾਰਤਾ) ਚੀਨ ਦੇ ਸ਼ੰਘਾਈ ਵਿੱਚ ਸੋਮਵਾਰ ਨੂੰ ਅਧਿਕਾਰਤ ਤੌਰ 'ਤੇ ਐਲਾਨ ਕੀਤਾ ਗਿਆ ਕਿ ਕੋਵਿਡ ਦੇ ਖਤਰੇ ਦੇ ਮੱਦੇਨਜ਼ਰ  ਲਗਾਈ ਗਈ ਛੇ ਹਫ਼ਤਿਆਂ ਦੀ ਤਾਲਾਬੰਦੀ ਨੂੰ ਖ਼ਤਮ ਕਰਕੇ 1 ਜੂਨ ਤੱਕ ਸਥਿਤੀ ਆਮ ਹੋਣ ਦੀ ਸੰਭਾਵਨਾ ਹੈ। ਸ਼ੰਘਾਈ ਦੇ ਮੇਅਰ ਜੋਂਗ ਮਿੰਗ ਨੇ ਇੱਕ ਨਿਊਜ਼ ਕਾਨਫਰੰਸ ਵਿਚ ਦੱਸਿਆ ਕਿ ਗਤੀਵਿਧੀਆਂ ਤਿੰਨ ਪੜਾਵਾਂ ਵਿੱਚ ਮੁੜ ਸ਼ੁਰੂ ਕੀਤੀਆਂ ਜਾਣਗੀਆਂ। 

ਪੜ੍ਹੋ ਇਹ ਅਹਿਮ ਖ਼ਬਰ- ਯਮਨ ਦੀ ਰਾਜਧਾਨੀ ਸਨਾ ਤੋਂ ਛੇ ਸਾਲ ਬਾਅਦ ਵਪਾਰਕ ਉਡਾਣ ਹੋਈ ਰਵਾਨਾ 

ਸ਼ਿਨਹੂਆ ਨੇ ਮੇਅਰ ਦੇ ਹਵਾਲੇ ਨਾਲ ਕਿਹਾ ਕਿ ਇਨ੍ਹਾਂ ਤਿੰਨ ਪੜਾਵਾਂ ਵਿੱਚ, ਸ਼ੰਘਾਈ ਵਿੱਚ ਕੋਵਿਡ ਦੇ ਨਵੇਂ ਮਾਮਲਿਆਂ ਦੀ ਗਿਣਤੀ ਘੱਟ ਜਾਵੇਗੀ, ਹੌਲੀ-ਹੌਲੀ ਪਾਬੰਦੀਸ਼ੁਦਾ ਖੇਤਰਾਂ ਦੀ ਗਿਣਤੀ ਅਤੇ ਪਾਬੰਦੀਸ਼ੁਦਾ ਕੰਟਰੋਲ ਵਾਲੇ ਖੇਤਰਾਂ ਵਿਚ ਇਹਨਾਂ ਭਾਈਚਾਰਿਆਂ ਦੇ ਮੁੜ ਖੁੱਲ੍ਹਣ ਤੱਕ ਮਾਮਲਿਆਂ ਵਿਚ ਕਮੀ ਆਵੇਗੀ। 1 ਜੂਨ ਤੋਂ ਲੈ ਕੇ ਮੱਧ ਜੂਨ ਤੱਕ ਬਿਮਾਰੀ ਦੀ ਰੋਕਥਾਮ ਅਤੇ ਨਿਯੰਤਰਣ ਲਈ ਸਖ਼ਤ ਉਪਾਅ ਅਪਣਾਉਣ ਨਾਲ ਜੀਵਨ ਅਤੇ ਉਤਪਾਦਨ ਆਮ ਵਾਂਗ ਹੋ ਜਾਵੇਗਾ। ਮਿਉਂਸਪਲ ਹੈਲਥ ਕਮਿਸ਼ਨ ਦੇ ਅਨੁਸਾਰ ਐਤਵਾਰ ਨੂੰ ਸ਼ਹਿਰ ਵਿੱਚ ਕੋਵਿਡ-19 ਦੇ 69 ਮਾਮਲੇ ਸਥਾਨਕ ਸੰਪਰਕ ਅਤੇ 869 ਸਥਾਨਕ ਮਾਮਲੇ ਬਿਨਾਂ ਲੱਛਣ ਹੋਣ ਦੇ ਸਾਹਮਣੇ ਆਏ।


Vandana

Content Editor

Related News