ਸ਼ਾਹਬਾਜ਼ ਸ਼ਰੀਫ਼ ਨੇ ਚੀਨ ਨੂੰ ‘ਰਾਸ਼ਟਰੀ ਦਿਵਸ’ ’ਤੇ ਦਿੱਤੀ ਵਧਾਈ
10/01/2022 11:43:37 PM
ਇਸਲਾਮਾਬਾਦ—ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ਼ ਨੇ ਸ਼ਨੀਵਾਰ ਨੂੰ ਚੀਨ ਦੇ ਰਾਸ਼ਟਰੀ ਦਿਵਸ ’ਤੇ 1 ਅਕਤੂਬਰ ’ਤੇ ਉਥੋਂ ਦੇ ਲੋਕਾਂ ਨੂੰ ਵਧਾਈ ਦਿੱਤੀ ਹੈ। ਪ੍ਰਧਾਨ ਮੰਤਰੀ ਨੇ ਟਵਿਟਰ ’ਤੇ ਪੀਪਲਜ਼ ਰਿਪਬਲਿਕ ਆਫ ਚਾਈਨਾ ਦੀ ਸਥਾਪਨਾ ਦੀ 73ਵੀਂ ਵਰ੍ਹੇਗੰਢ ’ਤੇ ਆਪਣੇ ਸੰਦੇਸ਼ ’ਚ ਕਿਹਾ ਕਿ ਚੀਨ ਦੂਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਦੇ ਰੂਪ ’ਚ ਲਗਾਤਾਰ ਬਦਲਦੀ ਦੁਨੀਆ ’ਚ ਸਥਿਰਤਾ ਦਾ ਸਰੋਤ ਹੈ।
ਸ਼ਰੀਫ਼ ਨੇ ਕਿਹਾ ਕਿ ਜਲਵਾਯੂ, ਵਿੱਤ, ਭੋਜਨ ਅਤੇ ਊਰਜਾ ਨਾਲ ਜੁੜੇ ਕਈ ਸੰਕਟਾਂ ਨਾਲ ਘਿਰਿਆ ਚੀਨ ਵਿਕਾਸਸ਼ੀਲ ਦੇਸ਼ਾਂ ਲਈ ਉਮੀਦ ਹੈ। ਉਨ੍ਹਾਂ ਕਿਹਾ ਕਿ ਅੰਤਰਰਾਜੀ ਸਬੰਧਾਂ ਦਾ ਚੀਨੀ ਬਲੂਪ੍ਰਿੰਟ ਟਕਰਾਅ ’ਤੇ ਸਹਿਯੋਗ ਨੂੰ ਤਰਜੀਹ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ, ‘‘ਨਿੱਜੀ ਤੌਰ ’ਤੇ ਮੈਂ ਵਰਣਨਯੋਗ ਕੰਮ, ਨੈਤਿਕਤਾ ਅਤੇ ਰਾਸ਼ਟਰੀ ਅਨੁਸ਼ਾਸਨ ਦੇ ਚੀਨ ਦੀ ਪਾਲਣਾ ਤੋਂ ਪ੍ਰਭਾਵਿਤ ਹਾਂ।’’ ਉਨ੍ਹਾਂ ਕਿਹਾ ਕਿ ਚੀਨ ਕਿਵੇਂ 80 ਕਰੋੜ ਲੋਕਾਂ ਨੂੰ ਬਹੁਤ ਗ਼ਰੀਬੀ ’ਚੋਂ ਬਾਹਰ ਕੱਢਣ ’ਚ ਸਮਰੱਥ ਰਿਹਾ ਹੈ।
