ਰੂਸ ਨੇ ਕਣਕ ਸੰਕਟ ਦੇ ਲਈ ਪੱਛਮੀ ਦੇਸ਼ਾਂ ਨੂੰ ਠਹਿਰਾਇਆ ਜ਼ਿੰਮੇਵਾਰ
06/05/2022 2:58:27 PM
ਮਾਸਕੋ- ਕਣਕ ਦੇ ਨਿਰਯਾਤ ਨਾਲ ਰੂਸ ਅਤੇ ਪੱਛਮੀ ਦੇਸ਼ਾਂ ਦੇ ਵਿਚਾਲੇ ਤਣਾਅ ਜਾਰੀ ਹੈ। ਰੂਸ ਦੇ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਨੇ ਦੁਨੀਆ 'ਚ ਵਧ ਰਹੀ ਕਣਕ ਦੀਆਂ ਕੀਮਤਾਂ ਦੇ ਲਈ ਪੱਛਮੀ ਦੇਸ਼ਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਪੁਤਿਨ ਨੇ ਕਿਹਾ ਕਿ ਪੱਛਮੀ ਦੇਸ਼ਾਂ ਦੀ ਪ੍ਰਤੀਬੰਧਾਂ ਦੇ ਚੱਲਦੇ ਰੂਸੀ ਮਾਲਵਾਹੀ ਜਹਾਜ਼ ਮਾਲ ਦੀ ਸਪਲਾਈ ਨਹੀਂ ਕਰ ਪਾ ਰਹੇ ਹਨ। ਵਾਰ-ਵਾਰ ਕਹੇ ਜਾਣ ਦੇ ਬਾਵਜੂਦ ਪੱਛਮੀ ਦੇਸ਼ ਅਨਾਜ ਸਪਲਾਈ ਲਈ ਪਾਬੰਦੀ ਹਟਾਉਣ ਨੂੰ ਤਿਆਰ ਨਹੀਂ ਹੈ।
ਪੁਤਿਨ ਨੇ ਯੂਕ੍ਰੇਨ ਦੇ ਬੰਦਰਗਾਹਾਂ 'ਤੇ ਅਨਾਜ ਲੱਦੇ ਜਹਾਜ਼ਾਂ ਨੂੰ ਰੋਕੇ ਜਾਣ ਦੇ ਦੋਸ਼ਾਂ ਤੋਂ ਮਨਾ ਕੀਤਾ ਹੈ। ਕਿਹਾ ਹੈ ਕਿ ਪੱਛਮੀ ਦੇਸ਼ਾਂ ਨੂੰ ਰੂਸ ਤੋਂ ਸਮੱਸਿਆ ਹੈ ਤਾਂ ਉਹ ਬੇਲਾਰੂਸ 'ਤੇ ਲੱਗੀ ਪਾਬੰਦੀ ਹਟਾ ਕੇ ਉਥੋਂ ਤੋਂ ਯੂਕ੍ਰੇਨ ਦੀ ਕਣਕ ਦੀ ਸਪਲਾਈ ਸ਼ੁਰੂ ਕਰਵਾ ਸਕਦੇ ਹਨ। ਅਮਰੀਕਾ ਅਤੇ ਬ੍ਰਿਟੇਨ ਨੇ ਯੂਕ੍ਰੇਨ ਤੋਂ ਕਣਕ ਦੀ ਸਪਲਾਈ ਨਾ ਹੋਣ ਲਈ ਰੂਸ ਨੂੰ ਜ਼ਿੰਮੇਦਾਰ ਠਹਿਰਾਇਆ ਹੈ। ਸੰਯੁਕਤ ਰਾਸ਼ਟਰ ਕਣਕ ਦੀ ਸਪਲਾਈ ਸੁਨਿਸ਼ਚਿਤ ਕਰਵਾਉਣ ਲਈ ਲਗਾਤਾਰ ਕੋਸ਼ਿਸ਼ ਕਰ ਰਿਹਾ ਹੈ।
ਸੰਯੁਕਤ ਰਾਸ਼ਟਰ ਦੇ ਮਹਾਸਕੱਤਰ ਐਂਟੋਨੀਓ ਗੁਟੇਰੇਸ ਨੇ ਫੂਡ ਅਤੇ ਖਾਦ ਦੀ ਸਪਲਾਈ 'ਚ ਬਣਿਆ ਗਤੀਰੋਧ ਜਲਦ ਖਤਮ ਹੋਣ ਦੀ ਉਮੀਦ ਜਤਾਈ ਹੈ। ਇਸਾਈ ਧਰਮ ਗੁਰੂ ਪੋਪ ਫ੍ਰਾਂਸਿਸ ਨੇ ਵੀ ਰੂਸ ਅਤੇ ਯੂਕ੍ਰੇਨ ਤੋਂ ਕਣਕ ਦੀ ਸਪਲਾਈ ਸੁਨਿਸ਼ਚਿਤ ਕਰਵਾਉਣ ਲਈ ਕਿਹਾ ਹੈ। ਉਨ੍ਹਾਂ ਨੇ ਕਣਕ ਨੂੰ ਹਥਿਆਰ ਬਣਾਏ ਜਾਣ ਦੀ ਅਪੀਲ ਕੀਤੀ ਹੈ। ਸੂਚਿਤ ਹੋਵੇ ਕਿ ਰੂਸ ਅਤੇ ਯੂਕ੍ਰੇਨ ਕਣਕ ਦੇ ਵੱਡੇ ਨਿਰਯਾਤਕ ਦੇਸ਼ ਹੈ। ਪੱਛਮੀ ਦੇਸ਼ਾਂ ਦੇ ਪ੍ਰਤੀਬੰਧ ਦੇ ਚੱਲਦੇ ਰੂਸ ਕਣਕ ਦੀ ਸਪਲਾਈ ਨਹੀਂ ਕਰ ਪਾ ਰਿਹਾ ਹੈ ਅਤੇ ਯੂਕ੍ਰੇਨ ਦੇ ਬੰਦਰਗਾਹਾਂ 'ਤੇ ਕਬਜ਼ੇ ਅਤੇ ਕਾਲਾ ਸਾਗਰ 'ਚ ਰੂਸੀ ਫੌਜ ਦੀ ਨਾਕੇਬੰਦੀ ਨਾਲ ਯੂਕ੍ਰੇਨੀ ਕਣਕ ਦਾ ਵੀ ਨਿਰਯਾਤ ਨਹੀਂ ਹੋ ਪਾ ਰਿਹਾ ਹੈ।