ਬਲੋਚਿਸਤਾਨ ''ਚ ਇਕ ਵਾਰ ਫ਼ਿਰ ਪ੍ਰਦਰਸ਼ਨ, ਪਾਕਿ ਫੌਜ ਖ਼ਿਲਾਫ਼ ਸੜਕਾਂ ''ਤੇ ਉਤਰੇ ਲੋਕ
Monday, Jan 26, 2026 - 08:51 AM (IST)
ਇੰਟਰਨੈਸ਼ਨਲ ਡੈਸਕ : ਪਾਕਿਸਤਾਨ ਦੇ ਬਲੋਚਿਸਤਾਨ ਦੇ ਹੱਬ ਸ਼ਹਿਰ ’ਚ ਇਕ ਵਾਰ ਫਿਰ ਜ਼ਬਰੀ ਗਾਇਬ ਕਰਨ ਦੀਆਂ ਹਾਲੀਆ ਘਟਨਾਵਾਂ ਨੇ ਪਰਿਵਾਰਾਂ ਨੂੰ ਸੜਕਾਂ ’ਤੇ ਉਤਰਨ ਲਈ ਮਜਬੂਰ ਕਰ ਦਿੱਤਾ ਹੈ। ਔਰਤਾਂ ਅਤੇ ਨਾਬਾਲਿਗਾਂ (ਨਸਰੀਨ ਬਲੋਚ, ਹਨੀ ਬਲੋਚ, ਹੈਰੀ ਨੀਸਾ ਬਲੋਚ, ਫਾਤਿਮਾ ਬਲੋਚ, ਫਰੀਦ ਬਲੋਚ ਅਤੇ ਮੁਜਾਹਿਦ ਬਲੋਚ) ਸਮੇਤ 6 ਬਲੋਚ ਵਿਅਕਤੀਆਂ ਦੇ ਪਰਿਵਾਰ ਲਾਸਬੇਲਾ ਪ੍ਰੈੱਸ ਕਲੱਬ ਦੇ ਬਾਹਰ ਧਰਨਾ ਦੇ ਰਹੇ ਹਨ, ਜੋ ਆਪਣੇ ਅਜ਼ੀਜ਼ਾਂ ਦੀ ਤੁਰੰਤ ਰਿਹਾਈ ਅਤੇ ਪਾਕਿਸਤਾਨੀ ਸੁਰੱਖਿਆ ਬਲਾਂ ਵਲੋਂ ਉਨ੍ਹਾਂ ਨੂੰ ਅਦਾਲਤ ਵਿਚ ਪੇਸ਼ ਕਰਨ ਦੀ ਮੰਗ ਕਰ ਰਹੇ ਹਨ।
ਬਲੂਚ ਯਕਜਿਹਤੀ ਕਮੇਟੀ ਦੀ ਆਗੂ ਫੌਜ਼ੀਆ ਬਲੋਚ ਨੇ ਇਸ ਨੂੰ ਔਰਤਾਂ ਵਿਰੁੱਧ ਇਕ ਖ਼ਤਰਨਾਕ ਨਵਾਂ ਰੁਝਾਨ ਦੱਸਿਆ, ਜੋ ਬਲੋਚ ਆਬਾਦੀ ਵਿਚ ਡਰ ਫੈਲਾਉਣ ਅਤੇ ਉਨ੍ਹਾਂ ਦੀ ਆਵਾਜ਼ ਨੂੰ ਦਬਾਉਣ ਦਾ ਹਿੱਸਾ ਹੈ। ਪਰਿਵਾਰਾਂ ਦਾ ਦੋਸ਼ ਹੈ ਕਿ ਇਹ ਲਾਪਤਾ, ਬਿਨਾਂ ਕਿਸੇ ਕਾਨੂੰਨੀ ਆਧਾਰ ਦੇ ਸੰਵਿਧਾਨ ਅਤੇ ਮਨੁੱਖੀ ਅਧਿਕਾਰਾਂ ਦੀ ਘੋਰ ਉਲੰਘਣਾ ਹਨ ਅਤੇ ਪੁਲਸ ਨੇ ਐੱਫ.ਆਈ.ਆਰ. ਦਰਜ ਕਰਨ ਤੋਂ ਵੀ ਇਨਕਾਰ ਕਰ ਦਿੱਤਾ ਹੈ।
ਵਿਰੋਧ ਵਿਖਾਵੇ ਹੋਰ ਤੇਜ਼ ਹੋਣ ਦੀਆਂ ਚਿਤਾਵਨੀਆਂ ਦੇ ਨਾਲ ਜਾਰੀ ਹਨ। ਬਲੋਚਿਸਤਾਨ ਪੋਸਟ ਅਨੁਸਾਰ ਇਨ੍ਹਾਂ ਲਾਪਤਾ ਹੋਣ ਦੀਆਂ ਘਟਨਾਵਾਂ ਨੇ ਪਰਿਵਾਰਾਂ ਨੂੰ ਬਹੁਤ ਜ਼ਿਆਦਾ ਮਾਨਸਿਕ ਤਣਾਅ ਦਿੱਤਾ ਹੈ ਅਤੇ ਉਨ੍ਹਾਂ ਦੇ ਰੋਜ਼ਾਨਾ ਜੀਵਨ ਨੂੰ ਪੂਰੀ ਤਰ੍ਹਾਂ ਵਿਗਾੜ ਦਿੱਤਾ ਹੈ।
