ਕੈਦੀ ਨੂੰ ਜ਼ਹਿਰੀਲਾ ਟੀਕਾ ਲਗਾ ਕੇ ਦਿੱਤੀ ਮੌਤ ਦੀ ਸਜ਼ਾ

ਕੋਲੰਬੀਆ (ਦੱਖਣੀ ਕੈਰੋਲੀਨਾ) - ਦੱਖਣੀ ਕੈਰੋਲੀਨਾ ਦੇ ਕੈਦੀ ਫਰੈਡੀ ਓਵੇਨਜ਼ ਨੂੰ ਸ਼ੁੱਕਰਵਾਰ ਨੂੰ ਘਾਤਕ ਟੀਕਾ ਲਗਾ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ। ਸੂਬੇ ਵਿੱਚ 13 ਸਾਲਾਂ ਬਾਅਦ ਮੌਤ ਦੀ ਸਜ਼ਾ ਦਿੱਤੀ ਗਈ ਹੈ ਕਿਉਂਕਿ ਜੇਲ੍ਹ ਪ੍ਰਸ਼ਾਸਨ ਕੋਲ ਘਾਤਕ ਟੀਕੇ ਲਈ ਲੋੜੀਂਦੀਆਂ ਦਵਾਈਆਂ ਉਪਲੱਬਧ ਨਹੀਂ ਸਨ। ਓਵੇਂਸ(46) ਨੂੰ ਸ਼ਾਮ 6:55 ਵਜੇ ਮ੍ਰਿਤਕ ਘੋਸ਼ਿਤ ਕੀਤਾ ਗਿਆ ਸੀ।

ਓਵੇਨਸ ਨੂੰ 1997 ਵਿੱਚ ਗ੍ਰੀਨਵਿਲੇ ਵਿਚ ਇੱਕ ਸਟੋਰ ਵਿੱਚ ਲੁੱਟ ਦੌਰਾਨ ਇੱਕ ਵਿਅਕਤੀ ਦੀ ਹੱਤਿਆ ਕਰਨ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ। ਕੈਦ ਦੌਰਾਨ, ਓਵੇਨਜ਼ ਨੇ ਕਾਉਂਟੀ ਜੇਲ੍ਹ ਵਿੱਚ ਇੱਕ ਹੋਰ ਕੈਦੀ ਦੀ ਵੀ ਹੱਤਿਆ ਕੀਤੀ ਸੀ। ਇਸ ਮਾਮਲੇ ਵਿਚ ਉਸ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ। 

ਸੂਬੇ ਵਿੱਚ 13 ਸਾਲਾਂ ਵਿੱਚ ਫਾਂਸੀ ਦੀ ਸਜ਼ਾ ਦਾ ਇਹ ਪਹਿਲਾ ਮਾਮਲਾ ਹੈ। ਜੇਲ੍ਹ ਵਿੱਚ ਪੰਜ ਹੋਰ ਕੈਦੀਆਂ ਨੂੰ ਮੌਤ ਦੀ ਸਜ਼ਾ ਦਿੱਤੀ ਜਾਣੀ ਹੈ। ਦੱਖਣੀ ਕੈਰੋਲੀਨਾ ਦੀ ਸੁਪਰੀਮ ਕੋਰਟ ਨੇ ਹਰ ਪੰਜ ਹਫ਼ਤਿਆਂ ਬਾਅਦ ਸਜ਼ਾ ਸੁਣਾਏ ਜਾਣ ਦਾ ਰਾਹ ਸਾਫ਼ ਕਰ ਦਿੱਤਾ ਹੈ।

ਜ਼ਿਕਰਯੋਗ ਹੈ ਕਿ ਕੋਈ ਵੀ ਕੰਪਨੀ ਇਸ ਘਾਤਕ ਟੀਕਾ ਬਣਾਉਣ ਲਈ ਲੋੜੀਂਦੀਆਂ ਦਵਾਈਆਂ ਨੂੰ ਜਨਤਕ ਤੌਰ 'ਤੇ ਵੇਚਣ ਲਈ ਤਿਆਰ ਨਹੀਂ ਸੀ। ਇਸ ਘਾਤਕ ਟੀਕੇ ਨੂੰ ਬਣਾਉਣ ਲਈ ਲੋੜੀਂਦੀਆਂ ਦਵਾਈਆਂ ਦੀ ਸਪਲਾਈ ਨਾ ਹੋਣ ਦੀ ਸਥਿਤੀ ਵਿਚ ਦੱਖਣੀ ਕੈਰੋਲੀਨਾ ਨੇ ਸ਼ੁਰੂਆਤੀ ਤੌਰ 'ਤੇ ਮੌਤ ਦੀ ਸਜ਼ਾ ਲਈ 'ਫਾਇਰਿੰਗ ਸਕੁਐਡ' ਪ੍ਰਕਿਰਿਆ ਦੀ ਸਥਾਪਨਾ ਕਰਨ ਦੀ ਯੋਜਨਾ ਬਣਾਈ ਸੀ। 

 ਹਾਲਾਂਕਿ, ਰਾਜ ਨੂੰ ਡਰੱਗ ਸਪਲਾਇਰਾਂ ਅਤੇ ਫਾਂਸੀ ਦੇ ਪ੍ਰੋਟੋਕੋਲ ਨੂੰ ਗੁਪਤ ਰੱਖਣ ਲਈ ਇੱਕ ਸੁਰੱਖਿਆ ਕਾਨੂੰਨ ਪਾਸ ਕਰਨਾ ਪਿਆ। ਸੂਬੇ ਨੇ ਮੌਤ ਦੀ ਸਜ਼ਾ ਦੇਣ ਲਈ ਤਿੰਨ ਨਸ਼ੀਲੀਆਂ ਦਵਾਈਆਂ ਦੀ ਬਜਾਏ ਸਿਰਫ਼ ਇੱਕ ਡਰੱਗ ਦੀ ਵਰਤੋਂ ਕਰਨ ਦੀ ਨਵੀਂ ਯੋਜਨਾ ਪੇਸ਼ ਕੀਤੀ ਹੈ।