ਕੈਨੇਡਾ ਦੇ ਇਨ੍ਹਾਂ ਸੂਬਿਆਂ ਵਿਚ ਤੇਜੀ ਨਾਲ ਵੱਧ ਰਹੀ ਹੈ ਆਬਾਦੀ

ਅਲਬਰਟਾ-ਕੈਨੇਡਾ ਦੇ ਕੁਝ ਸੂਬਿਆਂ ਵਿਚ ਆਬਾਦੀ ਵਿਚ ਤੇਜੀ ਨਾਲ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਵਾਧੇ ਦੀ ਪੁਸ਼ਟੀ ਕੁਝ ਸੂਬਿਆਂ ਅੰਦਰ ਆਬਾਦੀ ਉਤੇ ਕੀਤੀ ਗਈ ਸਟੱਡੀ ਦੌਰਾਨ ਹੁੰਦੀ ਸਾਫ ਦਿਖਾਈ ਦਿੱਤੀ ਹੈ। ਸਟੱਡੀ ਮੁਤਾਬਕ ਕੈਨੇਡਾ ਦੇ ਤਿੰਨ ਮੈਰੀਟਾਈਮਸ ਸੂਬਿਆਂ ਦੀ ਆਬਾਦੀ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ। ਤਿੰਨ ਦਹਾਕਿਆਂ ਤੋਂ ਇਨ੍ਹਾਂ ਮੈਰੀਟਾਈਮ ਇਲਾਕਿਆਂ ਪੀ. ਈ. ਆਈ., ਨੋਵਾ ਸਕੋਡੀਆ, ਨਿਊਫ਼ਾਊਂਡਲੈਂਡ ਅਤੇ ਲੇਬਰਾਡੋਰ 'ਚ ਜਨਸੰਖਿਆ ਸਥਿਰ ਸੀ। ਇਸ ਦੀ ਵਸੋਂ ਵਿਚ ਕਾਫ਼ੀ ਸਮੇਂ ਤੋਂ ਕਿਸੇ ਵੀ ਤਰ੍ਹਾਂ ਦਾ ਕੋਈ ਵਾਧਾ ਘਾਟਾ ਨਹੀਂ ਦਿਖਾਈ ਦੇ ਰਿਹਾ ਸੀ ਪਰ ਦਹਾਕਿਆਂ ਮਗਰੋਂ ਕੈਨੇਡਾ ਦੇ ਇਨ੍ਹਾਂ ਇਲਾਕਿਆਂ ਦੀ ਆਬਾਦੀ ਵਿਚ ਤੇਜ਼ੀ ਨਾਲ ਵਾਧਾ ਨਜ਼ਰ ਆਇਆ ਹੈ।

ਇਲਾਕਿਆਂ 'ਚ ਆਬਾਦੀ ਦੇ ਵਾਧੇ ਦਾ ਮੁੱਖ ਕਾਰਨ ਇਮੀਗਰੇਸ਼ਨ ਨੂੰ ਦੱਸਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਵੱਡੀ ਗਿਣਤੀ ਵਿਚ ਇੱਥੇ ਵਸਣ ਵਾਲਿਆਂ ਵਲੋਂ ਅਲਬਰਟਾ ਜਾਣ ਦੇ ਰੁਝਾਣ 'ਚ ਵੀ ਲਗਾਤਾਰ ਕਮੀ ਆਈ ਹੈ। ਭਾਵੇਂ ਅਟਲਾਂਟਿਕ ਪ੍ਰੋਵੀਨੈਂਸ ਇਕਨੋਮਿਕ ਕਾਊਂਸਿਲ ਅਨੁਸਾਰ ਆਰਥਿਕ ਪੱਖੋਂ ਚੁਣੌਤੀ ਵਾਲੇ ਸੂਬੇ ਨਿਊਫ਼ਾਊਂਡਲੈਂਡ ਅਤੇ ਲੈਬਰਾਡੋਰ ਵਿੱਚ ਸੱਤ ਸਾਲਾਂ ਤੱਕ ਆਬਾਦੀ ਦੇ ਵਾਧਾ ਉਪਰੰਤ ਕੁਝ ਗਿਰਾਵਟ ਜ਼ਰੂਰ ਆਈ ਹੈ। ਸਟੱਡੀ ਵਿਚ ਪ੍ਰਿੰਸ ਐਡਵਾਰਡ ਆਈਲੈਂਡ ਦੀ ਜਨਸੰਖਿਆ ਵਿੱਚ ਸਾਲ ਦਰ ਸਾਲ ਦੋ ਫ਼ੀਸਦੀ ਵਾਧਾ ਦਰਸਾਇਆ ਗਿਆ ਹੈ। ਇਹ ਆਈਲੈਂਡ ਆਪਣੀ ਆਰਥਿਕ ਸਥਿਤੀ ਪੱਖੋਂ ਅਮੀਰ ਜਾਣਿਆ ਜਾਂਦਾ ਹੈ ਅਤੇ ਇਸ ਇਲਾਕੇ ਵਿੱਚ ਵਸੋਂ ਦੀ ਗਿਣਤੀ 'ਚ ਸਭ ਤੋਂ ਵੱਧ ਵਾਧਾ ਹੋਇਆ ਹੈ।  

ਦੀ ਇੰਡਿਪੈਂਡੈਂਟ ਥਿੰਕ ਟੈਂਕ ਨੇ ਕਿਹਾ ਕਿ ਨੋਵਾ ਸਕੋਡੀਆ ਦੀ ਆਬਾਦੀ 1 ਫ਼ੀਸਦੀ ਦੇ ਹਿਸਾਬ ਨਾਲ ਵਧੀ ਹੈ ਅਤੇ ਨਿਊ ਬਰੂਨਸਵਿੱਕ ਵਿਚ 0.5 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਇਹ 1990 ਤੋਂ ਸੂਬੇ ਦੀ ਆਬਾਦੀ ਵਿਚ ਸੱਭ ਤੋਂ ਵੱਧ ਹੋਣ ਵਾਲਾ ਵਾਧਾ ਹੈ। ਸਟੱਡੀ ਮੁਤਾਬਿਕ ਇਹ ਵੀ ਸਾਹਮਣੇ ਆਇਆ ਹੈ ਕਿ ਪੀ. ਈ. ਆਈ. ਇਲਾਕੇ ਨੂੰ ਛੱਡ ਕੇ ਬਾਕੀ ਸੂਬਿਆਂ 'ਚ ਮੌਤਾਂ ਦੀ ਗਿਣਤੀ ਜਨਮ ਦਰ ਤੋਂ ਉਪਰ ਹੈ।  ਪੂਰੇ ਕੈਨੇਡਾ ਦੀ ਤੁਲਨਾ ਵਿਚ ਐਟਲਾਂਟਿਕ ਕੈਨੇਡਾ ਦੀ ਆਬਾਦੀ ਔਸਤਨ ਜ਼ਿਆਦਾ ਹੈ । ਇੱਥੇ ਹੁਣ ਬੱਚਿਆਂ ਅਤੇ ਟੀਨਏਜਰਾਂ ਨਾਲੋਂ ਐਟਲਾਂਟਿਕ ਸੀਨੀਅਰਾਂ ਦੀ ਗਿਣਤੀ ਵੱਧ ਹੈ। ਕਾਊਂਸਿਲ ਦੇ ਸੀਨੀਅਰ ਪਾਲਿਸੀ ਮਾਹਰ ਦਾ ਕਹਿਣਾ ਹੈ ਕਿ ਪਬਲਿਕ ਅਤੇ ਪ੍ਰਾਈਵੇਟ ਸਰਵਿਸਾਂ ਲਈ ਵੱਡੀ ਮੰਗ ਅੰਕੜਿਆਂ 'ਚ ਵਾਧੇ ਦਾ ਅਨੁਮਾਨ ਹੈ। ਇਸ ਤੋਂ ਇਲਾਵਾ ਦੋ ਦਹਾਕਿਆਂ ਤੋਂ ਐਟਲਾਂਟਿਕ ਖੇਤਰਾਂ ਵਿਚ  ਪ੍ਰੀ ਸਕੂਲਰਾਂ ਅਤੇ ਛੋਟੇ ਬੱਚਿਆਂ ਦੀ ਗਿਣਤੀ ਵਿੱਚ 18 ਫ਼ੀਸਦੀ ਗਿਰਾਵਟ ਆਈ ਹੈ।