ਫੋਟੋਗ੍ਰਾਫਰ ਨੇ ਤਸਵੀਰਾਂ ਵਿਚ ਦਿਖਾਈ ਕਿਰਗਿਸਤਾਨ ਦੇ ਲੋਕਾਂ ਦੀ ਖੂਬਸੂਰਤੀ

ਲੇਬਨਾਨ— ਲੇਬਨਾਨ ਦੇ ਰਹਿਣ ਵਾਲੇ ਫੋਟੋਗਰਾਫਰ ਉਮਰ ਰੇਡਾ (Omar Reda) ਨੇ ਹਾਲ ਹੀ ਵਿਚ ਨਵੀਆਂ ਖਿੱਚੀਆਂ ਗਈਆਂ ਤਸਵੀਰਾਂ ਦੀ ਸੀਰੀਜ਼ ਜਾਰੀ ਕੀਤੀ ਹੈ । ਇਸ ਵਾਰ ਉਸ ਨੇ ਮੱਧ ਏਸ਼ੀਆਈ ਦੇਸ਼ ਕਿਰਗਿਸਤਾਨ ਦੇ ਲੋਕਾਂ ਦੀ ਖੂਬਸੂਰਤੀ ਆਪਣੇ ਕੈਮਰੇ ਵਿਚ ਕੈਦ ਕੀਤੀ ਹੈ । ਉਸ ਨੇ ਪੇਂਡੂ ਇਲਾਕੇ ਵਿਚ ਜਾ ਕੇ ਬੱਚਿਆਂ, ਬਜ਼ੁਰਗਾਂ ਅਤੇ ਔਰਤਾਂ ਦੀਆਂ ਤਸਵੀਰਾਂ ਕਲਿੱਕ ਕੀਤੀਆਂ ਹਨ ।  ਉਮਰ ਨੇ ਦੱਸਿਆ ਕਿ ਕਿਰਗਿਸਤਾਨ ਦਾ ਪੇਂਡੂ ਇਲਾਕ ਕਾਫ਼ੀ ਖੂਬਸੂਰਤ ਹੈ । ਇੱਥੇ ਤੁਹਾਨੂੰ ਕਫੀ ਪਹਾੜੀਆਂ ਵੀ ਦੇਖਣ ਨੂੰ ਮਿਲਣਗੀਆਂ । ਉਮਰ ਦਾ ਕਹਿਣਾ ਸੀ ਕਿ ਇੱਥੋਂ ਦੇ ਲੋਕ ਕਾਫੀ ਮਿਲਣਸਾਰ ਹੁੰਦੇ ਹਨ । ਨਾਲ ਹੀ ਇਹ ਵੀ ਦੱਸਿਆ ਕਿ ਉਹ ਜਿੱਥੇ ਵੀ ਗਿਆ ਲੋਕਾਂ ਨੇ ਹਮੇਸ਼ਾ ਖੁਸ਼ ਹੋ ਕੇ ਉਸ ਦਾ ਸਵਾਗਤ ਕੀਤਾ । ਇੰਨਾਂ ਹੀ ਨਹੀਂ ਉੱਥੇ ਦੇ ਲੋਕ ਕਾਫੀ ਖੁਸ਼ਮਿਜਾਜ ਵੀ ਹੁੰਦੇ ਹੈ । ਇਸ ਤੋਂ ਇਲਾਵਾ ਤੁਹਾਨੂੰ ਇੱਥੇ ਦੇ ਹਰੇ ਮੈਦਾਨਾਂ ਵਿਚ ਕਾਫੀ ਗਿਣਤੀ ਵਿਚ ਘੋੜੇ ਭੱਜਦੇ ਦਿਖਾਈ ਦੇਣਗੇ । ਉਨ੍ਹਾਂ ਦਾ ਮੰਨਣਾ ਹੈ ਕਿ ਘੁੰਮਣ-ਫਿਰਨ ਦੀ ਨਜ਼ਰ ਤੋਂ ਕਿਰਗਿਸਤਾਨ ਕਾਫੀ ਵਧੀਆ ਜਗ੍ਹਾ ਹੈ ।