ਫਾਈਜ਼ਰ, ਐਸਟਰਾਜ਼ੇਨੇਕਾ ਦਾ ਟੀਕਾ ਲਗਵਾਉਣ ਵਾਲਿਆਂ ''ਚ ਕੋਵਿਡ ਤੋਂ ਪੀੜਤ ਲੋਕਾਂ ਨਾਲੋਂ ਜ਼ਿਆਦਾ ਐਂਟੀਬਾਡੀ

ਟੋਰੰਟੋ - ਐਂਟੀ-ਕੋਵਿਡ ਫਾਈਜ਼ਰ ਜਾਂ ਐਸਟਰਾਜ਼ੇਨੇਕਾ ਦਾ ਟੀਕਾ ਲਗਵਾਉਣ ਵਾਲੇ ਲੋਕਾਂ ਵਿੱਚ ਉਨ੍ਹਾਂ ਲੋਕਾਂ ਦੀ ਤੁਲਨਾ ਵਿੱਚ ਐਂਟੀਬਾਡੀ ਦਾ ਪੱਧਰ ਜ਼ਿਆਦਾ ਹੈ ਜੋ ਕੋਰੋਨਾ ਵਾਇਰਸ ਤੋਂ ਪੀੜਤ ਹੋਏ ਹਨ। ‘ਸਾਇੰਟਿਫਿਕ ਰਿਪੋਰਟਸ ਜਰਨਲ ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਵਿੱਚ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਗਈ। ਕੈਨੇਡਾ ਵਿੱਚ ਮਾਂਟਰੀਅਲ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਦੀ ਅਗਵਾਈ ਵਾਲੀ ਇੱਕ ਟੀਮ ਨੇ ਪਾਇਆ ਕਿ ਇਹ ਐਂਟੀਬਾਡੀ ਵਾਇਰਸ ਦੇ 'ਡੈਲਟਾ' ਸਵਰੂਪ ਖ਼ਿਲਾਫ਼ ਵੀ ਅਸਰਦਾਰ ਹਨ।

2020 ਵਿੱਚ ਪੀ.ਸੀ.ਆਰ. ਜਾਂਚ ਵਿੱਚ ਕੋਵਿਡ ਤੋਂ ਪੀੜਤ ਪਾਏ ਜਾਣ ਦੇ 14 ਤੋਂ 21 ਦਿਨ ਬਾਅਦ ਕੈਨੇਡਾ ਦੇ 32 ਅਜਿਹੇ ਬਾਲਗਾਂ ਨੂੰ ਅਧਿਐਨ ਵਿੱਚ ਸ਼ਾਮਲ ਕੀਤਾ ਗਿਆ ਜੋ ਹਸਪਤਾਲ ਵਿੱਚ ਦਾਖਲ ਨਹੀਂ ਹੋਏ ਸਨ। ਇਹ ਵਾਇਰਸ ਦਾ 'ਬੀਟਾ', 'ਡੈਲਟਾ' ਅਤੇ 'ਗਾਮਾ' ਸਵਰੂਪ ਸਾਹਮਣੇ ਆਉਣ ਤੋਂ ਪਹਿਲਾਂ ਦੀ ਗੱਲ ਹੈ। ਮਾਂਟ੍ਰੀਅਲ ਯੂਨੀਵਰਸਿਟੀ ਦੇ ਇੱਕ ਪ੍ਰੋਫੈਸਰ ਜੀਨ-ਫ੍ਰੈਂਕੋਇਸ ਮੈਸਨ ਨੇ ਦੱਸਿਆ ਕਿ ਜੋ ਕੋਈ ਵੀ ਪੀੜਤ ਹੋਇਆ ਹੈ, ਉਸ ਦੇ ਸਰੀਰ ਵਿੱਚ ਐਂਟੀਬਾਡੀ ਬਣਦੇ ਹਨ ਪਰ 50 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ਦੀ ਤੁਲਨਾ ਵਿੱਚ ਬਜ਼ੁਰਗਾਂ ਵਿੱਚ ਐਂਟੀਬਾਡੀ ਜ਼ਿਆਦਾ ਬਣਦੇ ਹਨ। 

ਇਹ ਵੀ ਪੜ੍ਹੋ - ਚੈੱਕ ਗਣਰਾਜ 'ਚ ਸਰਕਾਰ ਗਠਨ ਨੂੰ ਲੈ ਕੇ ਪਾਰਟੀਆਂ 'ਚ ਬਣੀ ਸਹਿਮਤੀ

ਮੈਸਨ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਪੀੜਤ ਹੋਣ ਤੋਂ ਬਾਅਦ 16 ਹਫ਼ਤਿਆਂ ਤੱਕ ਉਨ੍ਹਾਂ ਦੇ ਖੂਨ ਵਿੱਚ ਐਂਟੀਬਾਡੀ ਰਹੇ। ਖੋਜਕਰਤਾਵਾਂ ਨੇ ਕਿਹਾ ਕਿ ਉਹ ਸ਼ਖਸ ਜਿਸ ਨੂੰ ਕੋਵਿਡ ਦੇ ਮੱਧ ਲੱਛਣ ਸਨ, ਉਸ ਵਿੱਚ ਟੀਕਾਕਰਨ ਤੋਂ ਬਾਅਦ ਐਂਟੀਬਾਡੀ ਦਾ ਪੱਧਰ ਟੀਕਾ ਨਹੀਂ ਲਗਵਾਉਣ ਵਾਲੇ ਵਾਇਰਸ ਤੋਂ ਪੀੜਤ ਹੋਏ ਲੋਕਾਂ ਦੀ ਤੁਲਨਾ ਵਿੱਚ ਦੁੱਗਣਾ ਸੀ। ਖੋਜਕਰਤਾਵਾਂ ਮੁਤਾਬਕ, ਉਨ੍ਹਾਂ ਦੀ ਐਂਟੀਬਾਡੀ "ਸਪਾਈਕ-ਏਸੀਈ -2 ਇੰਟਰਐਕਸ਼ਨ" ਨੂੰ ਰੋਕਣ ਵਿੱਚ ਵੀ ਬਿਹਤਰ ਹੈ। ਮੈਸਨ ਨੇ ਕਿਹਾ ਕਿ ਟੀਕਾਕਰਨ ਉਨ੍ਹਾਂ ਲੋਕਾਂ ਨੂੰ ਵੀ ਡੈਲਟਾ ਸਵਰੂਪ ਤੋਂ ਸੁਰੱਖਿਆ ਦਿੰਦਾ ਹੈ ਜੋ ਪਹਿਲਾਂ ਵਾਇਰਸ ਦੇ ਮੂਲ ਸਵਰੂਪ ਤੋਂ ਪੀੜਤ ਹੋਏ ਹਨ।

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।