ਜਜ਼ਬੇ ਨੂੰ ਸਲਾਮ : ਸ਼ਖਸ ਨੇ 70 ਸਾਲ ਦੀ ਉਮਰ 'ਚ ਹਾਸਲ ਕੀਤੀ ਮੈਡੀਕਲ ਡਿਗਰੀ
Monday, Sep 09, 2024 - 03:48 PM (IST)
ਕੁਆਲਾਲੰਪੁਰ- ਦੁਨੀਆ ਭਰ ਵਿਚ ਡਾਕਟਰੀ ਦੀ ਪੜ੍ਹਾਈ ਬਹੁਤ ਮਹੱਤਵਪੂਰਨ ਮੰਨੀ ਜਾਂਦੀ ਹੈ। ਸਭ ਤੋਂ ਵਧੀਆ ਗੱਲ ਇਹ ਹੈ ਕਿ ਡਾਕਟਰੀ ਸਿੱਖਿਆ ਲਈ ਕੋਈ ਉਮਰ ਸੀਮਾ ਨਿਰਧਾਰਤ ਨਹੀਂ ਕੀਤੀ ਗਈ ਹੈ। ਮਲੇਸ਼ੀਆ ਦੇ ਇੱਕ ਵਿਅਕਤੀ ਨੇ 70 ਸਾਲ ਦੀ ਉਮਰ ਵਿੱਚ ਆਪਣੀ ਡਾਕਟਰੀ ਦੀ ਪੜ੍ਹਾਈ ਪੂਰੀ ਕੀਤੀ ਹੈ। ਕੁਝ ਗਲੋਬਲ ਮੀਡੀਆ ਰਿਪੋਰਟਾਂ ਵਿੱਚ ਉਨ੍ਹਾਂ ਦੀ ਉਮਰ 71 ਸਾਲ ਵੀ ਦੱਸੀ ਜਾ ਰਹੀ ਹੈ। ਇਸ ਸੇਵਾਮੁਕਤ ਕਾਰਜਕਾਰੀ ਨੇ ਮੈਡੀਕਲ ਸਕੂਲ ਤੋਂ ਗ੍ਰੈਜੂਏਟ ਹੋ ਕੇ ਵੱਡੀ ਉਪਲਬਧੀ ਹਾਸਲ ਕੀਤੀ ਹੈ।ਲੋਕ ਉਸ ਦੇ ਜਜ਼ਬੇ ਨੂੰ ਸਲਾਮ ਕਰ ਰਹੇ ਹਨ।
ਮਲੇਸ਼ੀਆ ਦੇ ਟੋਹ ਹਾਂਗ ਕੇਂਗ (Toh Hong Keng) ਨੂੰ ਦੁਨੀਆ ਦੇ ਸਭ ਤੋਂ ਬਜ਼ੁਰਗ ਮੈਡੀਕਲ ਸਕੂਲ ਗ੍ਰੈਜੂਏਟਾਂ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਉਸਨੇ ਜੁਲਾਈ 2024 ਵਿੱਚ ਫਿਲੀਪੀਨਜ਼ ਦੇ ਸੇਬੂ ਵਿੱਚ ਸਥਿਤ ਸਾਊਥਵੈਸਟਰਨ ਯੂਨੀਵਰਸਿਟੀ ਫਿਨਮਾ ਤੋਂ ਆਪਣੀ ਡਾਕਟਰੀ ਪੜ੍ਹਾਈ ਪੂਰੀ ਕੀਤੀ। ਜਦੋਂ ਹਾਂਗ ਕੇਂਗ ਦੇ ਸਹਿਪਾਠੀਆਂ ਨੇ ਉਸ ਨੂੰ ਪਹਿਲੇ ਦਿਨ ਕਲਾਸ ਵਿਚ ਦੇਖਿਆ ਤਾਂ ਉਨ੍ਹਾਂ ਨੇ ਉਸ ਨੂੰ ਨਵਾਂ ਪ੍ਰੋਫੈਸਰ ਸਮਝ ਲਿਆ ਸੀ। ਉਨ੍ਹਾਂ ਨੂੰ ਇਹ ਸਮਝਣ ਵਿੱਚ ਬਹੁਤ ਸਮਾਂ ਲੱਗਿਆ ਕਿ ਟੋਹ ਹੈਂਗ ਕੇਨ ਉਨ੍ਹਾਂ ਦਾ ਜਮਾਤੀ ਸੀ ਅਤੇ ਹੁਣ ਹਰ ਲੈਕਚਰ ਵਿੱਚ ਉਨ੍ਹਾਂ ਦੇ ਨਾਲ ਰਹਿਣਗੇ।
ਆਸਾਨ ਨਹੀਂ ਸੀ ਇਸ ਉਮਰ ਵਿੱਚ ਪੜ੍ਹਨਾ
ਟੋਹ ਹਾਂਗ ਕੇਂਗ ਨੇ ਸੀ.ਐਨ.ਐਨ ਨੂੰ ਦੱਸਿਆ ਕਿ ਉਸ ਦਾ ਪਰਿਵਾਰ ਅਤੇ ਦੋਸਤ ਇਸ ਉਮਰ ਵਿੱਚ ਪੜ੍ਹਾਈ ਕਰਨ ਦੇ ਉਸ ਦੇ ਫ਼ੈਸਲੇ ਤੋਂ ਕਾਫ਼ੀ ਹੈਰਾਨ ਸਨ। ਉਹ ਉਨ੍ਹਾਂ ਨੂੰ ਪਾਗਲ ਲੱਗ ਰਿਹਾ ਸੀ। ਟੋਹ ਹਾਂਗ ਕੇਂਗ ਨੇ 70 ਸਾਲ ਦੀ ਉਮਰ ਵਿੱਚ ਮੈਡੀਕਲ ਗ੍ਰੈਜੂਏਟ ਬਣਨ ਦੇ ਆਪਣੇ ਅਨੁਭਵ ਨੂੰ ਬਿਆਨ ਕੀਤਾ ਹੈ। ਇਹ ਸਫ਼ਰ ਉਸ ਲਈ ਬਿਲਕੁਲ ਵੀ ਆਸਾਨ ਨਹੀਂ ਸੀ। ਉਸਨੇ ਸੀ.ਐਨ.ਐਨ ਨੂੰ ਦੱਸਿਆ ਕਿ 65 ਤੋਂ 70 ਸਾਲ ਦੀ ਉਮਰ ਵਿੱਚ ਉਸਦੀ ਯਾਦਦਾਸ਼ਤ, ਅੱਖਾਂ ਦੀ ਰੌਸ਼ਨੀ, ਸੁਣਨ ਦੀ ਸਮਰੱਥਾ ਅਤੇ ਸਰੀਰ ਓਨਾ ਫਿੱਟ ਨਹੀਂ ਹੈ ਜਿੰਨਾ ਉਸਦੇ ਸਕੂਲ-ਕਾਲਜ ਦੇ ਦਿਨਾਂ ਵਿੱਚ ਸੀ।
ਰਿਟਾਇਰਮੈਂਟ ਤੋਂ ਬਾਅਦ ਲਿਆ ਵੱਡਾ ਫ਼ੈਸਲਾ
ਟੋਹ ਹਾਂਗ ਕੇਂਗ ਨੇ ਤਕਨੀਕੀ ਵਿਕਰੀ ਦੇ ਖੇਤਰ ਵਿੱਚ ਕੰਮ ਕੀਤਾ ਹੈ। ਰਿਟਾਇਰਮੈਂਟ ਤੋਂ ਬਾਅਦ ਉਸਨੇ ਗੋਲਫ ਖੇਡਣ ਜਾਂ ਇਧਰ-ਉਧਰ ਸਮਾਂ ਬਰਬਾਦ ਕਰਨ ਦੀ ਬਜਾਏ ਸਰੀਰ ਵਿਗਿਆਨ ਦੀਆਂ ਕਿਤਾਬਾਂ ਪੜ੍ਹਨ ਦਾ ਫ਼ੈਸਲਾ ਕੀਤਾ। ਇਹ ਬਹੁਤ ਔਖਾ ਸੀ। ਤੀਜੇ ਸਾਲ ਵਿੱਚ ਬਾਲ ਰੋਗਾਂ ਦੀ ਪ੍ਰੀਖਿਆ ਵਿੱਚ ਫੇਲ੍ਹ ਹੋਣ ਤੋਂ ਬਾਅਦ, ਉਸ ਨੂੰ 1 ਸਾਲ ਲਈ ਕਲਾਸਾਂ ਵਿੱਚ ਜਾਣ ਤੋਂ ਰੋਕ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹ, ਮੈਡੀਕਲ ਸਿੱਖਿਆ ਦੇ ਅੰਤਿਮ ਸਾਲ ਵਿੱਚ, ਉਸਨੂੰ ਪ੍ਰਾਈਵੇਟ ਅਤੇ ਸਰਕਾਰੀ ਹਸਪਤਾਲਾਂ ਵਿੱਚ 1 ਸਾਲ ਦੀ ਪਲੇਸਮੈਂਟ ਡਰਾਈਵ ਨੂੰ ਪੂਰਾ ਕਰਨ ਲਈ ਲਗਾਤਾਰ 30 ਘੰਟੇ ਦੀਆਂ ਸ਼ਿਫਟਾਂ ਕਰਨੀਆਂ ਪਈਆਂ।
ਪੜ੍ਹੋ ਇਹ ਅਹਿਮ ਖ਼ਬਰ-ਟਰੰਪ ਦੀ ਚਿਤਾਵਨੀ, ਜਿੱਤਣ ਮਗਰੋੰ ਭ੍ਰਿਸ਼ਟਾਚਾਰ 'ਚ ਸ਼ਾਮਲ ਲੋਕਾਂ ਨੂੰ ਭੇਜਣਗੇ ਜੇਲ੍ਹ
ਮੈਡੀਕਲ ਤੋਂ ਪਹਿਲਾਂ ਕੀਤੇ ਕਈ ਕੋਰਸ
5 ਸਾਲਾਂ ਦੇ ਇਸ ਸਫਰ 'ਚ ਟੋਹ ਹਾਂਗ ਕੇਂਗ ਦੇ ਪਰਿਵਾਰ, ਦੋਸਤਾਂ ਅਤੇ ਸਹਿਪਾਠੀਆਂ ਨੇ ਉਨ੍ਹਾਂ ਦਾ ਬਹੁਤ ਸਾਥ ਦਿੱਤਾ। ਸਾਰੇ ਉਸ ਨੂੰ ਅੱਗੇ ਵਧਣ ਲਈ ਪ੍ਰੇਰਿਤ ਕਰਦੇ ਰਹੇ। ਡਾਕਟਰੀ ਦੀ ਪੜ੍ਹਾਈ ਕਰਨ ਤੋਂ ਪਹਿਲਾਂ, ਉਸਨੇ ਅਰਥ ਸ਼ਾਸਤਰ, ਰਸਾਇਣ ਵਿਗਿਆਨ ਅਤੇ ਇਲੈਕਟ੍ਰੀਕਲ ਇੰਜੀਨੀਅਰਿੰਗ ਵਰਗੇ ਕਈ ਕੋਰਸ ਵੀ ਕੀਤੇ ਸਨ। ਸਾਊਥਵੈਸਟਰਨ ਯੂਨੀਵਰਸਿਟੀ ਦੇ ਡੀਨ ਮੁਤਾਬਕ ਟੋਹ ਹਾਂਗ ਕੇਂਗ ਨੇ ਇਨ੍ਹਾਂ 5 ਸਾਲਾਂ 'ਚ ਕਦੇ ਵੀ ਕੋਈ ਖਾਸ ਪੱਖ ਨਹੀਂ ਮੰਗਿਆ। ਇੱਥੇ ਦਾਖਲੇ ਲਈ, ਉਸਨੇ ਦਾਖਲਾ ਪ੍ਰੀਖਿਆ ਅਤੇ ਇੰਟਰਵਿਊ ਗੇੜ ਪਾਸ ਕੀਤਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
