ਪਾਕਿ ਨਾਗਰਿਕਾਂ ਨੇ 15 ਅਰਬ ਡਾਲਰ ਦੇਸ਼ ਤੋਂ ਭੇਜੇ ਬਾਹਰ

ਇਸਲਾਮਾਬਾਦ-ਵਿਦੇਸ਼ੀ ਕਰੰਸੀ ਦੀ ਤੰਗੀ ਨਾਲ ਜੂਝ ਰਹੇ ਪਾਕਿਸਤਾਨ ਦੇ ਮਾਮਲੇ 'ਚ ਇਹ ਖਬਰ ਹੈਰਾਨ ਕਰਨ ਵਾਲੀ ਹੈ ਕਿ ਸਾਲ 2016-17 'ਚ ਪਾਕਿਸਤਾਨ ਦੇ ਨਾਗਰਿਕਾਂ ਨੇ 15 ਅਰਬ 25 ਕਰੋੜ 30 ਲੱਖ ਡਾਲਰ ਦੀ ਵਿਦੇਸ਼ੀ ਕਰੰਸੀ ਇਕੋ ਜਿਹੇ ਬੈਂਕਿੰਗ ਚੈਨਲ ਰਾਹੀਂ ਵਿਦੇਸ਼ਾਂ 'ਚ ਭੇਜੀ। ਮੀਡੀਆ ਰਿਪੋਰਟਾਂ 'ਚ ਇਹ ਜਾਣਕਾਰੀ ਦਿੱਤੀ ਗਈ ਹੈ।   
ਇਹ ਰਾਸ਼ੀ ਅੱਠ ਪੰਨਿਆਂ ਦੇ ਉਸ ਲਿਖਤੀ ਨਿਰਦੇਸ਼ 'ਚ ਸਾਹਮਣੇ ਆਈ ਹੈ ਜੋ ਇਸ ਗ਼ੈਰ-ਕਾਨੂੰਨੀ ਰਾਸ਼ੀ ਨੂੰ ਵਿਦੇਸ਼ੀ ਖਾਤਿਆਂ ਤੋਂ ਦੇਸ਼ 'ਚ ਵਾਪਸ ਲਿਆਉਣ ਲਈ ਖੁਦ ਦੇ ਸ਼ੁਰੂ ਕੀਤੇ ਗਏ ਮਾਮਲੇ 'ਚ ਜਾਰੀ ਕੀਤਾ ਗਿਆ। ਪਾਕਿਸਤਾਨ ਦੇ ਮੁੱਖ ਜੱਜ ਮੀਆਂ ਸਾਕਿਬ ਨਿਸਾਰ ਦੀ ਪ੍ਰਧਾਨਗੀ ਵਾਲੀ ਤਿੰਨ ਮੈਂਬਰੀ ਬੈਂਚ ਨੇ ਆਪਣੇ 26 ਮਾਰਚ ਦੇ ਨਿਰਦੇਸ਼ 'ਚ ਪਾਕਿਸਤਾਨ ਸਟੇਟ ਬੈਂਕ ਦੇ ਗਵਰਨਰ ਦੀ ਪ੍ਰਧਾਨਗੀ 'ਚ 12 ਮੈਂਬਰੀ ਮਾਹਰ ਕਮੇਟੀ ਦਾ ਗਠਨ ਕੀਤਾ ਸੀ।