ਪਾਕਿ : ਸੈਂਕੜੇ ਚਿੜੀਆਂ ਮਾਰ ਕੇ ਖਾ ਗਿਆ ਸ਼ਖਸ, ਹੋਇਆ ਗ੍ਰਿਫਤਾਰ

ਇਸਲਾਮਾਬਾਦ (ਬਿਊਰੋ): ਚੀਨ ਦੇ ਵੁਹਾਨ ਸ਼ਹਿਰ ਤੋਂ ਫੈਲਿਆ ਕੋਰੋਨਾਵਾਇਰਸ ਪੂਰੀ ਦੁਨੀਆ ਵਿਚ ਤਬਾਹੀ ਮਚਾ ਰਿਹਾ ਹੈ। ਇਸ ਵਾਇਰਸ ਦੇ ਫੈਲਣ ਦਾ ਇਕ ਕਾਰਨ ਚਮਗਾਦੜਾਂ ਨੂੰ ਵੀ ਮੰਨਿਆ ਜਾ ਰਿਹਾ ਹੈ।ਇਸ ਦੇ ਬਾਵਜੂਦ ਪਾਕਿਸਤਾਨ ਵਿਚ ਲੋਕ ਹਾਲੇ ਵੀ ਜਾਨਵਰਾਂ ਤੇ ਪੰਛੀਆਂ ਦਾ ਸ਼ਿਕਾਰ ਕਰਨ ਤੋਂ ਬਾਜ਼ ਨਹੀਂ ਆ ਰਹੇ। ਉਹ ਹਾਲੇ ਵੀ ਇਹਨਾਂ ਦਾ ਸ਼ਿਕਾਰ ਕਰ ਕੇ ਉਹਨਾਂ ਨੂੰ ਖਾ ਰਹੇ ਹਨ। ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ 'ਤੇ ਕੁਝ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ ਜਿਹਨਾਂ ਵਿਚ ਇਕ ਸ਼ਖਸ ਨੇ ਸੈਂਕੜੇ ਦੀ ਗਿਣਤੀ ਵਿਚ ਗੌਰੈਯਾ ਮਤਲਬ ਚਿੜੀ ਦਾ ਸ਼ਿਕਾਰ ਕੀਤਾ ਅਤੇ ਉਹਨਾਂ ਦਾ ਮਾਂਸ ਪਕਾ ਕੇ ਖਾਧਾ। 

MASSACRE IN D.I.KHAN #KPK
Hundreds of sparrows were killed by this man Sajid and his accomplices in kulachi,All in the name of hunting and party!This is not hunting but genocide!Is mass slaughter of any species in such large numbers ethical or sustainable?When questioned he pic.twitter.com/Zj03c9m5ZR

— save the wild (@wildpakistan) April 17, 2020

ਪਾਕਿਸਤਾਨ ਦੀ ਅੰਗਰੇਜ਼ੀ ਨਿਊਜ਼ ਵੈਬਸਾਈਟ PARHLO ਦੀ ਰਿਪੋਰਟ ਦੇ ਮੁਤਾਬਕ ਸਾਜਿਦ ਨਾਮ ਦੇ ਸ਼ਖਸ ਨੇ ਡੇਰਾ ਇਸਮਾਈਲ ਖਾਨ ਜ਼ਿਲ੍ਹੇ ਦੇ ਕੁਲਾਚੀ ਤਹਿਸੀਲ ਵਿਚ ਸੈਂਕੜੇ ਚਿੜੀਆਂ ਦਾ ਸ਼ਿਕਾਰ ਕੀਤਾ। ਉਂਝ ਪਾਕਿਸਤਾਨ ਵਿਚ ਪੰਛੀਆਂ ਦਾ ਸ਼ਿਕਾਰ ਕਰਨਾ ਪਾਬੰਦੀਸ਼ੁਦਾ ਹੈ ਅਤੇ ਅਜਿਹਾ ਕਰਨਾ ਅਪਰਾਧ ਦੀ ਸ਼੍ਰੇਣੀ ਵਿਚ ਆਉਂਦਾ ਹੈ।

justified it by claiming they were migratory birds.That highlights another issue in #pakistan where even protected migratory species are considered a free game just because they are not native!We hope kpk wildlife department will live up to their reputation and this evil man will pic.twitter.com/cBKrpsBzKE

— save the wild (@wildpakistan) April 17, 2020

ਨਿਊਜ਼ ਰਿਪੋਰਟ ਦੇ ਮੁਤਾਬਕ ਜਦੋਂ ਸਾਜਿਦ ਅਤੇ ਉਸ ਦੇ ਸਾਥੀਆਂ ਨੂੰ ਸ਼ਿਕਾਰ ਕਰਨ ਦਾ ਕਾਰਨ ਪੁੱਛਿਆ ਗਿਆ ਤਾਂ ਉਹਨਾਂ ਨੇ ਦੱਸਿਆ ਕਿ ਪਾਰਟੀ ਕਰਨ ਲਈ ਅਜਿਹਾ ਕੀਤਾ ਕਿਉਂਕਿ ਲਾਕਡਾਊਨ ਦੌਰਾਨ ਸ਼ਿਕਾਰ ਕਰਨਾ ਉਸ ਦੇ ਸ਼ੌਂਕ ਵਿਚ ਸ਼ਾਮਲ ਹੈ। ਸਾਜਿਦ ਨੇ ਕਿਹਾ,''ਸ਼ਿਕਾਰ ਪ੍ਰਵਾਸੀ ਪੰਛੀਆਂ ਦਾ ਕੀਤਾ ਗਿਆ ਹੈ ਜੋ ਮੂਲ ਤੌਰ 'ਤੇ ਇਸੇ ਦੇਸ਼ ਦੇ ਹਨ।'' ਪਾਕਿਸਤਾਨ ਵਿਚ ਜਾਨਵਰਾਂ ਅਤੇ ਪੰਛੀਆਂ ਦੇ ਹਿੱਤਾਂ ਦੀ ਰੱਖਿਆ ਲਈ ਕੰਮ ਕਰਨ ਵਾਲੇ ਸੰਗਠਨ 'ਸੇਵ ਦੀ ਲਾਈਫ' ਨੇ ਟਵੀਟ ਕਰ ਕੇ ਕਿਹਾ,''ਸੈਂਕੜੇ ਚਿੜੀਆਂ ਦਾ ਇਸ ਸਾਜਿਦ ਅਤੇ ਉਸ ਦੇ ਦੋਸਤਾਂ ਨੇ ਸਿਰਫ ਪਾਰਟੀ ਦੇ ਨਾਮ 'ਤੇ ਸ਼ਿਕਾਰ ਕਰ ਲਿਆ।'' 

SPARROW KILLER APPREHENDED!!
D.I.Khan wildlife department arrested Sajid for illegally hunting hundreds of sparrows and imposed a fine of 115k PKR!We thank everyone for their help especially the DPO,DC and wildlife dept staff in D.I.khan for prompt action against this cruel man🙏🏽 pic.twitter.com/1kzSPnP8FI

— save the wild (@wildpakistan) April 18, 2020

ਸੰਗਠਨ ਨੇ ਨੌਜਵਾਨ ਦੀ ਸ਼ਿਕਾਇਤ ਜੰਗਲਾਤ ਵਿਭਾਗ ਨੂੰ ਕੀਤੀ ਹੈ ਅਤੇ ਆਸ ਜ਼ਾਹਰ ਕੀਤੀ ਹੈ ਕਿ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਬਾਅਦ ਵਿਚ ਇਹ ਪੁਸ਼ਟੀ ਕੀਤੀ ਗਈ ਕਿ ਡੀ.ਆਈ. ਖਾਨ ਜੰਗਲੀ ਜੀਵ ਵਿਭਾਗ ਨੇ ਗੈਰ ਕਾਨੂੰਨੀ ਢੰਗ ਨਾਲ ਚਿੜੀਆਂ ਦਾ ਸ਼ਿਕਾਰ ਕਰਨ ਦੇ ਦੋਸ਼ ਵਿਚ ਸਾਜਿਦ ਨੂੰ ਗ੍ਰਿਫਤਾਰ ਕਰ ਲਿਆ। ਉਹਨਾਂ 'ਤੇ 1.15 ਲੱਖ ਰੁਪਏ ਪੀ.ਕੇ.ਆਰ. ਦਾ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਸਥਾਨਕ ਅਧਿਕਾਰੀਆਂ ਵੱਲੋਂ ਸਾਜਿਦ ਵਿਰੁੱਧ ਤੁਰੰਤ ਕਾਰਵਾਈ ਕੀਤੀ ਜਾਣ ਕਾਰਨ ਲੋਕ ਕਾਫੀ ਖੁਸ਼ ਹਨ।