ਲੜਾਈ ਨੂੰ ਪ੍ਰਮਾਣੂ ਯੁੱਧ ''ਚ ਬਦਲਣ ਦਾ ਸਭ ਤੋਂ ਸਟੀਕ ਰਸਤਾ ਹੈ ਪਾਕਿਸਤਾਨ ਦੇ ਪ੍ਰਮਾਣੂ ਹਥਿਆਰ

ਵਾਸ਼ਿੰਗਟਨ (ਭਾਸ਼ਾ)- ਅਮਰੀਕਾ ਦੇ ਇੱਕ ਥਿੰਕ-ਟੈਂਕ ਨੇ ਆਪਣੀ ਰਿਪੋਰਟ 'ਚ ਕਿਹਾ ਕਿ ਪਾਕਿਸਤਾਨ ਦੇ ਪ੍ਰਮਾਣੂ ਹਥਿਆਰ ਨਾ ਸਿਰਫ ਖੇਤਰ ਦੀ ਸੁਰੱਖਿਆ ਲਈ ਖਤਰਨਾਕ ਹਨ, ਸਗੋਂ ਉਹ ਲੜਾਈ ਨੂੰ ਪ੍ਰਮਾਣੂ ਯੁੱਧ ਦੇ ਪੱਧਰ ਤੱਕ ਲੈ ਜਾਣ ਦਾ ਇੱਕਦਮ ਸਟੀਕ ਰਸਤਾ ਵੀ ਹੈ।ਅਟਲਾਂਟਿਕ ਕੌਂਸਲ ਨੇ ਆਪਣੀ ਰਿਪੋਰਟ ‘ਏਸ਼ਿਆ ਇਨ ਸੈਕਿੰਡ ਨਿਊਕਲਿਅਰ ਐਜ’ ਵਿੱਚ ਕਿਹਾ ਹੈ ਕਿ ਅਜਿਹਾ ਜਾਪਦਾ ਹੈ ਕਿ ਪਾਕਿਸਤਾਨ ਨੇ ਅਜੇ ਤੱਕ ਆਪਣੀ ਪ੍ਰਮਾਣੂ ਹਥਿਆਰ ਯੋਜਨਾ ਦਾ ਸੰਚਾਲਨ ਸ਼ੁਰੂ ਨਹੀਂ ਕੀਤਾ ਹੈ।ਇਸ ਮਹੀਨੇ ਜਾਰੀ ਰਿਪੋਰਟ ਵਿੱਚ ਸੰਸਥਾ ਨੇ ਕਿਹਾ ਹੈ,  ‘‘ਪਾਕਿਸਤਾਨ ਦਾ ਪ੍ਰਮਾਣੂ ਹਥਿਆਰ ਪ੍ਰੋਗਰਾਮ ਰੱਖਿਆ ਅਤੇ ਸੁਰੱਖਿਆ ਦੇ ਕਾਰਨਾਂ ਕਾਰਨ ਖਤਰਨਾਕ ਹੈ ਅਤੇ ਇਸ ਲਈ ਵੀ ਖਤਰਨਾਕ ਹੈ ਕਿ ਉਹ ਇੱਕ ਆਮ ਲੜਾਈ ਨੂੰ ਪ੍ਰਮਾਣੂ ਯੁੱਧ ਬਣਾਉਣ ਦਾ ਸਭ ਤੋਂ ਸਟੀਕ ਰਸਤਾ ਹੈ।ਅਜਿਹਾ ਨਹੀਂ ਜਾਪਦਾ ਕਿ ਪਾਕਿਸਤਾਨ ਨੇ ਅਜੇ ਤੱਕ ਆਪਣੀ ਪ੍ਰਮਾਣੂ ਹਥਿਆਰ ਯੋਜਨਾ ਦਾ ਸੰਚਾਲਨ ਸ਼ੁਰੂ ਕੀਤਾ ਹੈ।’’ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਖੇਤਰ ਵਿੱਚ ਸਭ ਤੋਂ ਬਹੁਤ ਖ਼ਤਰਾ ਵੱਡੇ, ਅਤਿਆਧੁਨਿਕ ਅਤੇ ਵੱਖਰੀ ਤਰ੍ਹਾਂ ਦੇ ਪਰਮਾਣੁ ਹਥਿਆਰਾਂ ਨਾਲ ਨਹੀਂ, ਸਗੋਂ ਇਹ ਖ਼ਤਰਾ ਉਨ੍ਹਾਂ ਦੀ ਸੁਰੱਖਿਆ ਕਰ ਰਹੇ ਸੰਸਥਾਨਾਂ ਦੀ ਸਥਿਰਤਾ ਨੂੰ ਲੈ ਕੇ ਹੈ।ਉਸ ਵਿੱਚ ਕਿਹਾ ਗਿਆ ਹੈ, ‘‘ਇਸ ਸੰਬੰਧ ਵਿੱਚ ਭਵਿੱਖ ਵਿੱਚ ਪਾਕਿਸਤਾਨ ਦੀ ਸਥਿਰਤਾ ਦਾ ਕਿਆਸ ਲਗਾਉਣਾ ਸੌਖਾ ਨਹੀਂ ਹੈ।’’ ਪਿਛਲੇ ਚਾਰ ਦਹਾਕਿਆਂ ਵਿੱਚ ਵੱਖਵਾਦੀ ਜਿਹਾਦੀ ਗੈਰ ਰਾਜ ਅਨਸਰਾਂ ਰਾਹੀਂ ਅਫਗਾਨਿਸਤਾਨ ਅਤੇ ਭਾਰਤ ਵਿੱਚ ਅਸ਼ਾਂਤੀ ਫੈਲਾਉਣ ਦੀਆਂ ਪਾਕਿਸਤਾਨ ਦੀਆਂ ਕੋਸ਼ਿਸ਼ਾਂ ਨਾਲ ਉਸਨੂੰ ਵੀ ਤਗੜਾ ਝਟਕਾ ਲੱਗਾ ਹੈ।ਇਹ ਰਿਪੋਰਟ ਗੌਰਵ ਕਾਮਪਾਨੀ ਅਤੇ ਭਾਰਤ ਗੋਸਵਾਮੀ ਨੇ ਲਿਖੀ ਹੈ।