ਪੀ.ਐੱਮ. ਹਾਊਸ ਨੂੰ ਸਮਾਰੋਹਾਂ ਲਈ ਕਿਰਾਏ ''ਤੇ ਦੇ ਕੇ ਇਮਰਾਨ ਹੋਏ ਟਰੋਲ, ਤਸਵੀਰਾਂ

ਇਸਲਾਮਾਬਾਦ (ਬਿਊਰੋ)— ਪਾਕਿਸਤਾਨ ਦੇ ਪ੍ਰ੍ਰਧਾਨ ਮੰਤਰੀ ਇਮਰਾਨ ਖਾਨ ਇਕ ਵਾਰ ਫਿਰ ਸੋਸ਼ਲ ਮੀਡੀਆ 'ਤੇ ਟਰੋਲ ਹੋ ਰਹੇ ਹਨ। ਅਸਲ ਵਿਚ ਇਮਰਾਨ ਨੇ ਜਿਸ ਸ਼ਾਨਦਾਰ ਪੀ.ਐੱਮ. ਰਿਹਾਇਸ਼ ਨੂੰ ਵਿੱਦਿਅਕ ਸੰਸਥਾ ਬਣਾਉਣ ਦਾ ਵਾਅਦਾ ਕੀਤਾ ਸੀ, ਉੱਥੇ ਅੱਜ-ਕਲ੍ਹ ਵਿਆਹ ਸਮਾਰੋਹਾਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਤਰ੍ਹਾਂ ਇਮਰਾਨ ਚੋਣਾਂ ਦੇ ਸਮੇਂ ਕੀਤਾ ਆਪਣਾ ਵਾਅਦਾ ਪੂਰਾ ਕਰਨ ਵਿਚ ਅਸਫਲ ਹੋਏ ਨਜ਼ਰ ਆ ਰਹੇ ਹਨ। 

PM house used as wedding avenue by Army Brigadier? pic.twitter.com/n6TxtfR7ns

— pkpolitics (@pkpolitics) August 3, 2019

ਅਸਲ ਵਿਚ ਸਥਾਨਕ ਮੀਡੀਆ ਰਿਪੋਰਟਾਂ ਮੁਤਾਬਕ ਹਾਲ ਹੀ ਵਿਚ ਪਾਕਿਸਤਾਨ ਦੇ ਇਕ ਬ੍ਰਿਗੇਡੀਅਰ ਨੇ ਆਪਣੀ ਧੀ ਦੇ ਵਿਆਹ ਦਾ ਆਯੋਜਨ ਪੀ.ਐੱਮ. ਰਿਹਾਇਸ਼ ਵਿਚ ਕੀਤਾ। ਇਸ ਵਿਆਹ ਦੇ ਆਯੋਜਨ ਦਾ ਕਾਰਡ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਉੱਥੇ ਇਕ ਹੋਰ ਤਸਵੀਰ ਵਿਚ ਮੁੰਡੇ ਅਤੇ ਕੁੜੀ ਦੇ ਪਰਿਵਾਰ ਵਾਲਿਆਂ ਦੇ ਇਲਾਵਾ ਪੀ.ਐੱਮ. ਇਮਰਾਨ ਖਾਨ ਵੀ ਨਜ਼ਰ ਆ ਰਹੇ ਹਨ।

Imran khan failed to make PM House into a library but now PM house is bring used as wedding avenue by Brigadier Cheema. IK and all other Madinah Ki Riyasat group attended wedding which has cost 9 million Rupees paid by the suffering public. Welcome to Naya Pakistan pic.twitter.com/7gfG7FtU7s

— Sidrah Memon (@SidrahMemon1) August 3, 2019

ਇਸ ਤਸਵੀਰ ਨੂੰ ਲੈ ਕੇ ਪਾਕਿਸਤਾਨ ਦੇ ਕਈ ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਮਰਾਨ ਖਾਨ ਨੇ ਚੋਣਾਂ ਜਿੱਤਣ ਦੇ ਬਾਅਦ ਕਿਹਾ ਸੀ ਕਿ ਉਹ ਪੀ.ਐੱਮ. ਰਿਹਾਇਸ਼ ਵਿਚ ਨਹੀਂ ਰਹਿਣਗੇ ਅਤੇ ਇਸ ਨੂੰ ਵਿੱਦਿਅਕ ਸੰਸਥਾ ਬਣਾਉਣਗੇ। ਉਨ੍ਹਾਂ ਨੇ ਵਿੱਦਿਅਕ ਸੰਸਥਾ ਬਣਾਉਣ ਦਾ ਵਾਅਦਾ ਕੀਤਾ ਸੀ ਨਾ ਕਿ ਵੈਡਿੰਗ ਹਾਲ ਬਣਾਉਣ ਦਾ।

Sociology lecture going on in Prime Minister House University. pic.twitter.com/W3o8RJnVcB

— Riasat Ki Maut⚰️ (@mahobili) August 3, 2019

ਇਕ ਹੋਰ ਯੂਜ਼ਰ ਨੇ ਇਮਰਾਨ ਖਾਨ ਦੀ ਤਾਰੀਫ ਕੀਤੀ ਹੈ। ਯੂਜ਼ਰ ਦਾ ਕਹਿਣਾ ਹੈ ਕਿ ਪੀ.ਐੱਮ. ਇਮਰਾਨ ਖਾਨ ਰਿਹਾਇਸ਼ ਨੂੰ ਵਿਆਹ ਲਈ ਕਿਰਾਏ 'ਤੇ ਦੇ ਕੇ ਪਾਕਿਸਤਾਨ ਨੂੰ ਆਰਥਿਕ ਸੰਕਟ ਤੋਂ ਕੱਢਣ ਦੀ ਹਰ ਸੰਭਵ ਮਦਦ ਕਰ ਰਹੇ ਹਨ। ਉਸ ਨੇ ਲਿਖਿਆ,''ਇਹ ਹੁੰਦਾ ਹੈ ਲੀਡਰ, ਇਹ ਹੁੰਦਾ ਹੈ ਵਿਜ਼ਨ।'' ਇਕ ਹੋਰ ਯੂਜ਼ਰ ਨੇ ਟਵੀਟ ਕਰਦਿਆਂ ਇਮਰਾਨ ਦੇ ਇਸ ਫੈਸਲੇ 'ਤੇ ਸਵਾਲ ਕੀਤਾ ਹੈ। ਯੂਜ਼ਰ ਨੇ ਲਿਖਿਆ ਹੈ ਕਿ ਇਹ ਕਿਹੋ ਜਿਹਾ ਨਵਾਂ ਪਾਕਿਸਤਾਨ ਹੈ, ਸ਼ਰਮਿੰਦਗੀ ਹੋਣ ਲੱਗੀ ਹੈ। ਜਿੱਥੇ ਪਾਕਿਸਤਾਨ ਪੀ.ਐੱਮ. ਰਿਹਾਇਸ਼ ਨੇ ਰਿਸਰਚ ਯੂਨੀਵਰਸਿਟੀ ਵਿਚ ਬਦਲਣਾ ਸੀ ਉੱਥੇ ਆਰਮੀ ਵਾਲਿਆਂ ਲਈ ਉਸ ਨੂੰ ਵੈਡਿੰਗ ਹਾਲ ਵਿਚ ਬਦਲਿਆ ਜਾ ਰਿਹਾ ਹੈ।