ਵਿਰੋਧੀ ਧਿਰ ਦਾ ਦੋਸ਼- ਬਲੋਚਿਸਤਾਨ ''ਚ ਗੁੰਮਸ਼ੁਦਾ ਲੋਕਾਂ ਦਾ ਮੁੱਦਾ ਸੁਲਝਾਉਣ ''ਚ ਅਸਫ਼ਲ ਰਹੀ ਇਮਰਾਨ ਸਰਕਾਰ

ਪੇਸ਼ਾਵਰ- ਪਾਕਿਸਤਾਨ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ 'ਤੇ ਨਿਸ਼ਾਨਾ ਵਿੰਨ੍ਹੇਦੇ ਹੋਏ ਜਮਾਤ-ਏ-ਇਸਲਾਮੀ ਅਮੀਰ ਸੀਨੇਟਰ ਸਿਰਾਜੁਲ ਹਕ ਨੇ ਕਿਹਾ ਕਿ ਇਮਰਾਨ ਖ਼ਾਨ ਦੀ ਅਗਵਾਈ ਵਾਲੀ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ਼ ਪਾਰਟੀ ਦੀ ਸਰਕਾਰ ਤਿੰਨ ਸਾਲ ਦਾ ਸ਼ਾਸਨ ਪੂਰਾ ਕਰਨ ਦੇ ਬਾਵਜੂਦ ਗਰੀਬੀ ਖ਼ਤਮ ਕਰਨ, ਲਾਪਤਾ ਵਿਅਕਤੀਆਂ ਦੇ ਮੁੱਦੇ ਨੂੰ ਹੱਲ ਕਰਨ ਅਤੇ ਬਲੋਚਿਸਤਾਨ 'ਚ ਕਾਨੂੰਨ-ਵਿਵਸਥਾ ਬਹਾਲ ਕਰਨ 'ਚ ਅਸਫ਼ਲ ਰਹੀ ਹੈ। 
ਡਾਨ ਦੀ ਰਿਪੋਰਟ ਮੁਤਾਬਕ ਜਮਾਤ-ਏ-ਇਸਲਾਮੀ ਮੁਖੀ ਨੇ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਇਮਰਾਨ ਖ਼ਾਨ ਦੀ ਅਗਵਾਈ ਵਾਲੀ ਦੇਸ਼ ਦੀ ਸਰਕਾਰ ਅਤੇ ਪੀ.ਪੀ.ਪੀ. ਅਤੇ ਪੀ.ਐੱਮ.ਐੱਲ-ਐੱਨ ਦੀਆਂ ਪਿਛਲੀਆਂ ਸਰਕਾਰਾਂ ਦੇ ਵਿਚਕਾਰ ਵੱਡੇ ਪੈਮਾਨੇ 'ਤੇ ਵਿਦੇਸ਼ੀ ਅਤੇ ਅੰਦਰੂਨੀ ਕਰਜ਼ਾ ਲੈ ਕੇ ਅਰਥਵਿਵਸਥਾ ਨੂੰ ਨਸ਼ਟ ਕਰਨ 'ਚ ਕੋਈ ਕਸਰ ਨਹੀਂ ਛੱਡੀ। ਸਾਬਕਾ ਸੀਨੇਟਰ ਨੇ ਕਿਹਾ ਕਿ ਕਵੇਟਾ ਦੇ 70 ਫੀਸਦੀ ਨਿਵਾਸੀਆਂ ਅਜੇ ਵੀ ਪੀਣ ਲਈ ਸਾਫ਼ ਪਾਣੀ ਉਪਲੱਬਧ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ ਕਿ ਵੱਖ-ਵੱਖ ਸਰਕਾਰਾਂ ਨੇ ਬਲੋਚਿਸਤਾਨ ਦੇ ਵਿਕਾਸ ਲਈ ਵੱਖ-ਵੱਖ ਪੈਕੇਜਾਂ ਦੇ ਤਹਿਤ ਸੈਂਕੜਾਂ ਅਰਬਾਂ ਰੁਪਏ ਖਰਚ ਕਰਨ ਦੀ ਘੋਸ਼ਣਾ ਕੀਤੀ ਪਰ ਇਹ ਪੈਕੇਜ ਕਾਗਜ਼ਾਂ ਤੱਕ ਹੀ ਸੀਮਿਤ ਰਹੇ। 
ਹਕ ਨੇ ਕਿਹਾ ਕਿ ਬਲੋਚਿਸਤਾਨ 'ਚ 66 ਫੀਸਦੀ ਤੋਂ ਜ਼ਿਆਦਾ ਬੱਚੇ ਸਕੂਲਾਂ 'ਚ ਨਹੀਂ ਜਾਂਦੇ ਹਨ ਅਤੇ ਕੁਦਰਤੀ ਸਰੋਤਾਂ ਦੇ ਮਾਮਲੇ 'ਚ ਸਭ ਤੋਂ ਅਮੀਰ ਹੋਣ ਦੇ ਬਾਵਜੂਦ ਪ੍ਰਾਂਤ ਅਜੇ ਵੀ ਦੇਸ਼ 'ਚ ਸਭ ਤੋਂ ਗਰੀਬ ਹੈ। ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਲਾਪਤਾ ਵਿਅਕਤੀਆਂ ਦੇ ਮੁੱਦਿਆਂ ਨੂੰ ਸੁਲਝਾਉਣ ਲਈ ਵੱਡੇ-ਵੱਡੇ ਦਾਅਵੇ ਕੀਤੇ ਪਰ ਹਾਲੇ ਤੱਕ ਇਕ ਵੀ ਮਾਮਲਾ ਨਹੀਂ ਸੁਲਝਾਇਆ। ਪ੍ਰਾਂਤ 'ਚ ਕਾਨੂੰਨ ਵਿਵਸਥਾ ਦੀ ਸਥਿਤੀ 'ਚ ਕੋਈ ਸੁਧਾਰ ਨਹੀਂ ਹੋਇਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਕੌੜੀ ਸੱਚਾਈ ਇਹ ਹੈ ਕਿ ਦੋ ਫੀਸਦੀ ਸ਼ਾਸਕ ਵਰਗ ਦਾ ਦੇਸ਼ ਦੇ ਸਰੋਤਾਂ 'ਤੇ ਪੂਰਾ ਕੰਟਰੋਲ ਹੈ ਅਤੇ ਉਹ ਆਮ ਆਦਮੀ ਦੇ ਜੀਵਨ ਨੂੰ ਬਿਹਤਰ ਬਣਾਉਣ ਦੀ ਰੂਚੀ ਨਹੀਂ ਰੱਖਦੇ ਹਨ। ਨਿਰਾਸ਼ਾ ਦੀ ਇਸ ਸਥਿਤੀ ਨੂੰ ਖਤਮ ਕਰਨ ਲਈ ਜਮਾਤ ਨੇ ਨੇਤਾ ਨੇ ਕਿਹਾ ਕਿ ਦੇਸ਼ ਨੂੰ ਫਿਰ ਤੋਂ ਪਟਰੀ ਤੋਂ ਲਿਆਉਣ ਲਈ ਅਨੁਪਾਤੀ ਨੁਮਾਇੰਦਗੀ ਦੇ ਸਿਧਾਂਤ ਦੇ ਤਹਿਤ ਪਾਰਦਰਸ਼ੀ ਅਤੇ ਸੁਤੰਤਰ ਚੋਣ ਸਮੇਂ ਦੀ ਲੋੜ ਹੈ।