ਫਿਲੀਪੀਨਜ਼ ''ਚ ਕੂੜੇ ਦਾ ਪਹਾੜ ਡਿੱਗਣ ਕਾਰਨ ਮਚੀ ਭਾਜੜ! 1 ਮਹਿਲਾ ਦੀ ਮੌਤ, 38 ਲੋਕ ਲਾਪਤਾ

ਮਨੀਲਾ : ਫਿਲੀਪੀਨਜ਼ ਦੇ ਸੇਬੂ ਸ਼ਹਿਰ ਵਿੱਚ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ, ਜਿੱਥੇ ਕੂੜੇ ਦੇ ਇੱਕ ਵੱਡਾ ਢੇਰ (ਲੈਂਡਫਿਲ) ਦੇ ਡਿੱਗਣ ਕਾਰਨ ਕਈ ਮਜ਼ਦੂਰ ਮਲਬੇ ਹੇਠ ਦਬ ਗਏ। ਇਸ ਹਾਦਸੇ ਵਿੱਚ ਹੁਣ ਤੱਕ ਇੱਕ ਮਹਿਲਾ ਦੀ ਮੌਤ ਹੋ ਚੁੱਕੀ ਹੈ, ਜਦੋਂ ਕਿ 38 ਹੋਰ ਲੋਕ ਅਜੇ ਵੀ ਲਾਪਤਾ ਹਨ।

ਕਿਵੇਂ ਵਾਪਰਿਆ ਹਾਦਸਾ?
ਪੁਲਸ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਹ ਘਟਨਾ ਵੀਰਵਾਰ ਦੁਪਹਿਰ ਨੂੰ ਸੇਬੂ ਸ਼ਹਿਰ ਦੇ ਬਿਨਾਲਿਵ ਪਿੰਡ ਵਿੱਚ ਸਥਿਤ ਲੈਂਡਫਿਲ ਸਾਈਟ 'ਤੇ ਵਾਪਰੀ। ਕੂੜੇ ਅਤੇ ਮਲਬੇ ਦਾ ਇੱਕ ਬਹੁਤ ਵੱਡਾ ਹਿੱਸਾ ਅਚਾਨਕ ਹੇਠਾਂ ਡਿੱਗ ਗਿਆ, ਜਿਸ ਦੀ ਲਪੇਟ ਵਿੱਚ ਉੱਥੇ ਕੰਮ ਕਰ ਰਹੇ ਮਜ਼ਦੂਰ ਆ ਗਏ। ਖੇਤਰੀ ਪੁਲਸ ਨਿਰਦੇਸ਼ਕ ਬ੍ਰਿਗੇਡੀਅਰ ਜਨਰਲ ਰੋਡਰਿਕ ਮੈਰਾਨਨ ਅਨੁਸਾਰ, ਕੂੜੇ ਦੀ ਇਹ ਕੰਧ ਇੱਕ ਗੋਦਾਮ ਉੱਤੇ ਡਿੱਗੀ, ਜਿੱਥੇ ਕਰਮਚਾਰੀ ਕੂੜੇ ਨੂੰ ਵੱਖ-ਵੱਖ ਕਰਨ (Recycling) ਦਾ ਕੰਮ ਕਰ ਰਹੇ ਸਨ।

ਬਚਾਅ ਕਾਰਜ ਜਾਰੀ
ਰਾਹਤ ਅਤੇ ਬਚਾਅ ਟੀਮਾਂ ਨੇ ਹੁਣ ਤੱਕ 13 ਲੋਕਾਂ ਨੂੰ ਜ਼ਿੰਦਾ ਬਾਹਰ ਕੱਢਿਆ ਹੈ। ਜ਼ਖਮੀਆਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ। ਮਰਨ ਵਾਲੀ ਮਹਿਲਾ ਵੀ ਲੈਂਡਫਿਲ ਦੀ ਕਰਮਚਾਰੀ ਸੀ, ਜਿਸ ਨੇ ਹਸਪਤਾਲ ਲਿਜਾਂਦੇ ਸਮੇਂ ਰਸਤੇ ਵਿੱਚ ਦਮ ਤੋੜ ਦਿੱਤਾ।

ਪ੍ਰਸ਼ਾਸਨ ਦੀ ਕਾਰਵਾਈ
ਸੇਬੂ ਸਿਟੀ ਦੇ ਮੇਅਰ ਨੇਸਟਰ ਆਰਕਾਈਵਲ ਅਤੇ ਨਾਗਰਿਕ ਸੁਰੱਖਿਆ ਦਫਤਰ ਨੇ ਦੱਸਿਆ ਕਿ ਲਾਪਤਾ 38 ਲੋਕਾਂ ਦੀ ਭਾਲ ਲਈ ਸਰਚ ਆਪਰੇਸ਼ਨ ਤੇਜ਼ੀ ਨਾਲ ਚਲਾਇਆ ਜਾ ਰਿਹਾ ਹੈ। ਅਧਿਕਾਰੀਆਂ ਵੱਲੋਂ ਜਾਰੀ ਤਸਵੀਰਾਂ ਵਿੱਚ ਬਚਾਅ ਕਰਮਚਾਰੀ ਕੂੜੇ ਦੇ ਢੇਰ ਹੇਠ ਦਬੀ ਹੋਈ ਇਮਾਰਤ ਦੀ ਛਾਨਬੀਨ ਕਰਦੇ ਦਿਖਾਈ ਦੇ ਰਹੇ ਹਨ। ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਇਸ ਹਾਦਸੇ ਨਾਲ ਨੇੜਲੇ ਰਿਹਾਇਸ਼ੀ ਮਕਾਨ ਵੀ ਪ੍ਰਭਾਵਿਤ ਹੋਏ ਹਨ ਜਾਂ ਨਹੀਂ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e