ਨਿਕਾਰਾਗੁਆ ਦੀ ਵੱਡੀ ਕਾਰਵਾਈ, 94 ਸਿਆਸੀ ਵਿਰੋਧੀਆਂ ਤੋਂ ਖੋਹੀ ਨਾਗਰਿਕਤਾ

ਮੈਕਸੀਕੋ ਸਿਟੀ (ਏਜੰਸੀ): ਨਿਕਾਰਾਗੁਆ ਨੇ ਬੁੱਧਵਾਰ ਨੂੰ 94 ਸਿਆਸੀ ਵਿਰੋਧੀਆਂ ਦੀ ਨਾਗਰਿਕਤਾ ਰੱਦ ਕਰ ਦਿੱਤੀ, ਜਿਹਨਾਂ ਵਿਚ ਲੇਖਕ ਸਰਜੀਓ ਰਾਮੀਰੇਜ ਅਤੇ ਜਿਓਕੋਂਡਾ ਬੇਲੀ ਵੀ ਸ਼ਾਮਲ ਹੈ। ਅਪੀਲੀ ਅਦਾਲਤ ਦੇ ਜੱਜ ਅਰਨੇਸਟੋ ਰੌਡਰਿਗਜ਼ ਮੇਜ਼ਾ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਨ੍ਹਾਂ 94 ਲੋਕਾਂ ਨੂੰ "ਗੱਦਾਰ" ਘੋਸ਼ਿਤ ਕੀਤਾ ਜਾਂਦਾ ਹੈ ਅਤੇ ਹੁਣ ਉਹ ਨਿਕਾਰਾਗੁਆ ਦੀ ਆਪਣੀ ਨਾਗਰਿਕਤਾ ਗੁਆ ਚੁੱਕੇ ਹਨ। 

ਮੇਜ਼ਾ ਨੇ ਕਿਹਾ ਕਿ ਉਨ੍ਹਾਂ ਦੀਆਂ ਜਾਇਦਾਦਾਂ ਜ਼ਬਤ ਕਰ ਲਈਆਂ ਜਾਣਗੀਆਂ। ਉਸ ਨੇ ਕਿਹਾ ਕਿ ਸੂਚੀ ਵਿੱਚ ਸ਼ਾਮਲ ਲੋਕਾਂ ਵਿੱਚ ਸੱਜੇ-ਪੱਖੀ ਕਾਰਕੁਨ ਵਿਲਮਾ ਨੇਜ਼, ਸਾਬਕਾ ਸੈਨਡਿਨਿਸਟਾ ਬਾਗੀ ਕਮਾਂਡਰ ਲੁਈਸ ਕੈਰਿਅਨ ਅਤੇ ਪੱਤਰਕਾਰ ਕਾਰਲੋਸ ਫਰਨਾਂਡੋ ਚੈਮੋਰੋ "ਝੂਠੀਆਂ ਖ਼ਬਰਾਂ ਫੈਲਾਉਣ" ਅਤੇ "ਰਾਸ਼ਟਰੀ ਅਖੰਡਤਾ ਨੂੰ ਨੁਕਸਾਨ ਪਹੁੰਚਾਉਣ ਦੀ ਸਾਜ਼ਿਸ਼" ਦੇ ਦੋਸ਼ੀ ਹਨ। ਉਨ੍ਹਾਂ ਕਿਹਾ ਕਿ ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਇਹ ਐਲਾਨ ਕਿਸੇ ਕਾਨੂੰਨ ਦੇ ਆਧਾਰ 'ਤੇ ਕੀਤਾ ਗਿਆ ਹੈ ਜਾਂ ਨਹੀਂ। 

ਪੜ੍ਹੋ ਇਹ ਅਹਿਮ ਖ਼ਬਰ- ਬ੍ਰਾਜ਼ੀਲ ਜੇਲ੍ਹ 'ਚ ਲੱਗੀ ਅੱਗ, 3 ਕੈਦੀਆਂ ਦੀ ਮੌਤ ਅਤੇ 40 ਤੋਂ ਵਧੇਰੇ ਜ਼ਖਮੀ

ਨਿਕਾਰਾਗੁਆ ਦੀ ਕਾਂਗਰਸ ਨੇ ਅਜੇ ਤੱਕ ਇੱਕ ਬਿੱਲ ਨੂੰ ਪੂਰੀ ਤਰ੍ਹਾਂ ਨਾਲ ਮਨਜ਼ੂਰੀ ਨਹੀਂ ਦਿੱਤੀ ਹੈ ਜੋ ਸਰਕਾਰ ਨੂੰ ਲੋਕਾਂ ਦੀ ਨਾਗਰਿਕਤਾ ਰੱਦ ਕਰਨ ਦੀ ਇਜਾਜ਼ਤ ਦੇਵੇਗਾ। ਸੂਚੀ ਵਿੱਚ ਸ਼ਾਮਲ ਜ਼ਿਆਦਾਤਰ ਲੋਕਾਂ ਨੇ ਨਿਕਾਰਾਗੁਆ ਛੱਡ ਦਿੱਤਾ ਹੈ। ਦੋ ਸਾਲ ਪਹਿਲਾਂ ਰਾਸ਼ਟਰਪਤੀ ਡੈਨੀਅਲ ਓਰਟੇਗਾ ਨੇ ਆਪਣੇ ਵਿਰੋਧੀਆਂ 'ਤੇ ਕਾਰਵਾਈ ਸ਼ੁਰੂ ਕੀਤੀ ਸੀ ਅਤੇ ਮੇਜ਼ਾ ਦੇ ਅਨੁਸਾਰ ਦੇਸ਼ ਛੱਡ ਕੇ ਭੱਜਣ ਵਾਲਿਆਂ ਨੂੰ "ਭਗੌੜੇ" ਘੋਸ਼ਿਤ ਕੀਤਾ ਗਿਆ ਸੀ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।