ਨਿਊਜ਼ੀਲੈਂਡ ''ਚ ਨਵੇਂ ਸਾਲ ਦਾ ਸ਼ਾਨਦਾਰ ਆਗਾਜ਼, ਜ਼ਬਰਦਸਤ ਆਤੀਸ਼ਬਾਜ਼ੀ ਨਾਲ ਹੋਇਆ 2026 ਦਾ ਸਵਾਗਤ

ਇੰਟਰਨੈਸ਼ਨਲ ਡੈਸਕ- ਨਿਊਜ਼ੀਲੈਂਡ ਦੇ ਆਕਲੈਂਡ ਸ਼ਹਿਰ ਨੇ ਬੁੱਧਵਾਰ ਨੂੰ ਸ਼ਾਨਦਾਰ ਆਤਿਸ਼ਬਾਜ਼ੀ ਦੇ ਪ੍ਰਦਰਸ਼ਨ ਨਾਲ ਸਾਲ 2026 ਦਾ ਸਵਾਗਤ ਕੀਤਾ। ਆਕਲੈਂਡ ਦੁਨੀਆ ਦੇ ਪਹਿਲੇ ਪ੍ਰਮੁੱਖ ਸ਼ਹਿਰਾਂ ਵਿੱਚ ਸ਼ਾਮਲ ਰਿਹਾ, ਜਿੱਥੇ ਨਵੇਂ ਸਾਲ ਦੀ ਸ਼ੁਰੂਆਤ ਹੋ ਗਈ ਹੈ। ਸ਼ਹਿਰ ਦੇ ਪ੍ਰਤੀਕ ਸਕਾਈ ਟਾਵਰ 'ਤੇ ਸ਼ਾਨਦਾਰ ਆਤਿਸ਼ਬਾਜ਼ੀ ਦੇ ਪ੍ਰਦਰਸ਼ਨ ਨੇ ਰਾਤ ਦੇ ਅਸਮਾਨ ਨੂੰ ਰੰਗੀਨ ਰੌਸ਼ਨੀਆਂ ਨਾਲ ਭਰ ਦਿੱਤਾ। ਸੈਂਟਰਲ ਬਿਜ਼ਨਸ ਡਿਸਟ੍ਰਿਕਟ (ਸੀਬੀਡੀ) ਵਿੱਚ ਹਜ਼ਾਰਾਂ ਲੋਕ ਜਸ਼ਨ ਮਨਾਉਣ ਲਈ ਇਕੱਠੇ ਹੋਏ, ਨਵੇਂ ਸਾਲ ਦਾ ਸਵਾਗਤ ਬਹੁਤ ਉਤਸ਼ਾਹ ਅਤੇ ਖੁਸ਼ੀ ਨਾਲ ਕੀਤਾ। ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸਟੋਫਰ ਲਕਸਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਪੋਸਟ ਕਰਦੇ ਹੋਏ ਲਿਖਿਆ "ਨਵਾਂ ਸਾਲ ਮੁਬਾਰਕ, ਨਿਊਜ਼ੀਲੈਂਡ!"

PARTS OF NEW ZEALAND HAVE JUST WELCOMED THE NEW YEAR - 2026 pic.twitter.com/m6lTsW2gOA

— Inside Edge (@4Inside_Edge) December 31, 2025

ਆਕਲੈਂਡ ਤੋਂ ਬਾਅਦ ਹੁਣ ਆਸਟ੍ਰੇਲੀਆ ਵਿੱਚ ਜਸ਼ਨ ਸ਼ੁਰੂ ਹੋਵੇਗਾ, ਜਿੱਥੇ ਸਿਡਨੀ ਹਾਰਬਰ ਬ੍ਰਿਜ ਅਤੇ ਓਪੇਰਾ ਹਾਊਸ ਉੱਤੇ ਇਤਿਹਾਸਕ ਆਤਿਸ਼ਬਾਜ਼ੀ ਦਾ ਪ੍ਰਦਰਸ਼ਨ ਦੁਨੀਆ ਦਾ ਧਿਆਨ ਖਿੱਚੇਗੀ। ਇਸ ਤੋਂ ਬਾਅਦ ਇੰਡੋਨੇਸ਼ੀਆ ਦੇ ਬਾਲੀ, ਸਿੰਗਾਪੁਰ ਦੀ ਮਰੀਨਾ ਬੇ, ਨਵੀਂ ਦਿੱਲੀ, ਦੁਬਈ ਦੀ ਬੁਰਜ ਖਲੀਫਾ, ਲੰਡਨ ਦੀ ਥੇਮਸ ਨਦੀ ਅਤੇ ਨਿਊਯਾਰਕ ਦੇ ਟਾਈਮਜ਼ ਸਕੁਏਅਰ ਵਿੱਚ ਸ਼ਾਨਦਾਰ ਨਵੇਂ ਸਾਲ ਦੇ ਜਸ਼ਨ ਮਨਾਏ ਜਾਣਗੇ। ਹਾਲਾਂਕਿ, ਨਿਊਜ਼ੀਲੈਂਡ ਦੇ ਨੇੜੇ ਸਥਿਤ ਦੱਖਣੀ ਪ੍ਰਸ਼ਾਂਤ ਟਾਪੂ ਨਿਯੂ ਅਤੇ ਸਮੋਆ ਦੁਨੀਆ ਦੇ ਆਖਰੀ ਵਸੋਂ ਵਾਲੇ ਸਥਾਨਾਂ ਵਿੱਚੋਂ ਇੱਕ ਹਨ ਜਿੱਥੇ ਨਵਾਂ ਸਾਲ ਸਭ ਤੋਂ ਅਖੀਰ 'ਤੇ ਮਨਾਇਆ ਜਾਂਦਾ ਹੈ। ਉਥੇ ਹੀ ਜਾਪਾਨ ਵਿੱਚ ਲੋਕ ਰਵਾਇਤੀ ਤੌਰ 'ਤੇ ਸਾਲ ਦੇ ਪਹਿਲੇ ਸੂਰਜ ਚੜ੍ਹਨ ਨੂੰ ਦੇਖ ਕੇ ਨਵੇਂ ਸਾਲ ਦਾ ਸਵਾਗਤ ਕਰਦੇ ਹਨ।