ਨਿਊਜ਼ੀਲੈਂਡ ''ਚ ਕੋਵਿਡ-19 ਦੇ 13 ਨਵੇਂ ਮਾਮਲੇ ਦਰਜ, ਦੇਸ਼ ਭਰ ''ਚ ਤਾਲਾਬੰਦੀ
08/16/2020 6:27:39 PM
ਵੈਲਿੰਗਟਨ (ਭਾਸ਼ਾ): ਨਿਊਜ਼ੀਲੈਂਡ ਵਿਚ ਐਤਵਾਰ ਨੂੰ 13 ਨਵੇਂ ਕੋਰੋਨਾਵਾਇਰਸ ਮਾਮਲੇ ਸਾਹਮਣੇ ਆਏ, ਜਿਨ੍ਹਾਂ ਵਿਚ ਆਕਲੈਂਡ ਸਮੂਹ ਦੇ 12 ਲੋਕ ਸ਼ਾਮਲ ਹਨ। ਸਿਹਤ ਡਾਇਰੈਕਟਰ-ਜਨਰਲ ਐਸ਼ਲੇ ਬਲੂਮਫੀਲਡ ਨੇ ਇਹ ਜਾਣਕਾਰੀ ਦਿੱਤੀ। ਸਮਾਚਾਰ ਏਜੰਸੀ ਸ਼ਿਨਹੂਆ ਦੀ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ 13ਵਾਂ ਮਾਮਲਾ ਇਕ ਪ੍ਰਬੰਧਿਤ ਇਕਾਂਤਵਾਸ ਸੁਵਿਧਾ ਦਾ ਸੀ। 13 ਨਵੇਂ ਮਾਮਲਿਆਂ ਨੇ ਨਿਊਜ਼ੀਲੈਂਡ ਵਿਚ ਕੋਵਿਡ-19 ਮਾਮਲਿਆਂ ਦੀ ਕੁੱਲ ਗਿਣਤੀ 1,271 ਕਰ ਦਿੱਤੀ।
ਪ੍ਰਬੰਧਿਤ ਇਕਾਂਤਵਾਸ ਨਾਲ ਸਬੰਧਤ ਮਾਮਲੇ ਵਿਚ ਇਕ ਬੱਚਾ ਵੀ ਹੈ ਜੋ 3 ਅਗਸਤ ਨੂੰ ਦੁਬਈ ਦੇ ਰਸਤੇ ਅਫਗਾਨਿਸਤਾਨ ਤੋਂ ਨਿਊਜ਼ੀਲੈਂਡ ਪਰਤਿਆ ਹੈ। ਬਲੂਮਫੀਲਡ ਨੇ ਕਿਹਾ ਕਿ ਮੁੱਢਲੀ ਜਾਂਚ ਤੋਂ ਬਾਅਦ, ਕਮਿਊਨਿਟੀ ਦੇ 12 ਮਾਮਲਿਆਂ ਨੂੰ ਪਹਿਲਾਂ ਦੀ ਪੁਸ਼ਟੀ ਕੀਤੇ ਮਾਮਲਿਆਂ ਦੇ ਨਜ਼ਦੀਕੀ ਸੰਪਰਕ ਵਜੋਂ ਮੌਜੂਦਾ ਸ਼ਨਾਖਤ ਵਾਲੇ ਸਮੂਹ ਵਿਚ ਜੋੜਿਆ ਗਿਆ ਸੀ।ਸਿਹਤ ਮੰਤਰੀ ਕ੍ਰਿਸ ਹਿਪਕਿਨਸ ਦੁਆਰਾ ਲੋਕਾਂ ਨੂੰ ਅਪੀਲ ਕੀਤੀ ਗਈ ਕਿ ਉਹ ਉਦੋਂ ਹੀ ਟੈਸਟ ਲਈ ਜਾਣ ਜਦੋਂ ਉਹ ਲੰਬੇ ਸਮੇਂ ਤੋਂ ਬੀਮਾਰ ਹਨ। ਹਿਪਕਿਨਸ ਨੇ ਲੋਕਾਂ ਨੂੰ ਸੋਸ਼ਲ ਮੀਡੀਆ 'ਤੇ ਅਫਵਾਹਾਂ ਅਤੇ ਗਲਤ ਜਾਣਕਾਰੀ ਬਾਰੇ ਸੁਚੇਤ ਰਹਿਣ ਦੀ ਅਪੀਲ ਵੀ ਕੀਤੀ।
ਪੜ੍ਹੋ ਇਹ ਅਹਿਮ ਖਬਰ- ਡੋਨਾਲਡ ਟਰੰਪ ਦੇ ਛੋਟੇ ਭਰਾ ਰੌਬਰਟ ਦਾ ਦੇਹਾਂਤ
ਲੋਕਾਂ ਨੂੰ ਅਧਿਕਾਰਤ ਕੋਵਿਡ-19 ਸੰਪਰਕ ਟਰੇਸਿੰਗ ਐਪ ਨੂੰ ਡਾਊਨਲੋਡ ਕਰਨ ਲਈ ਵੀ ਉਤਸ਼ਾਹਤ ਕੀਤਾ ਗਿਆ।ਨਿਊਜ਼ੀਲੈਂਡ ਦੇ ਕਾਰੋਬਾਰਾਂ ਨੂੰ ਲੋਕਾਂ ਨੂੰ ਸਕੈਨ ਕਰਨ ਅਤੇ ਰਜਿਸਟਰ ਕਰਨ ਲਈ ਸੰਪਰਕ ਟਰੇਸਿੰਗ ਕਿ QR ਕੋਡ ਪ੍ਰਦਰਸ਼ਤ ਕਰਨ ਲਈ ਕਿਹਾ ਗਿਆ ਸੀ। ਸ਼ੁੱਕਰਵਾਰ ਨੂੰ, ਪ੍ਰਧਾਨ ਮੰਤਰੀ ਜੈਸਿੰਡਾ ਅਰਡਰਨ ਨੇ ਆਕਲੈਂਡ ਖੇਤਰ ਲਈ ਅਲਰਟ ਲੈਵਲ 3 ਦੀ ਤਾਲਾਬੰਦੀ ਕਰਨ ਅਤੇ ਅਲਰਟ ਪੱਧਰ ਦੇ 2 ਦੇ ਲਈ ਦੇਸ਼ ਦੇ ਬਾਕੀ ਹਿੱਸਿਆਂ ਲਈ 26 ਅਗਸਤ ਤੱਕ 12 ਦਿਨ ਜਾਰੀ ਰਹਿਣ ਦੀ ਪਾਬੰਦੀ ਘੋਸ਼ਿਤ ਕੀਤੀ।ਨਿਊਜ਼ੀਲੈਂਡ ਨੇ ਮਾਰਚ ਦੇ ਅਖੀਰ ਵਿਚ ਇੱਕ ਮਹੀਨਾ-ਲੰਬੀ ਰਾਸ਼ਟਰੀ ਚੇਤਾਵਨੀ ਪੱਧਰ 4 ਦੀ ਤਾਲਾਬੰਦੀ ਕੀਤੀ ਸੀ ਅਤੇ ਜੂਨ ਵਿਚ ਕੋਵਿਡ-19 ਲੜਾਈ ਦੀ ਸ਼ੁਰੂਆਤੀ ਸਫਲਤਾ ਦਾ ਐਲਾਨ ਕੀਤਾ।
