ਨੇਪਾਲ: ਬਰਫ਼ ਦੇ ਤੋਦੇ ਡਿੱਗਣ ਕਾਰਨ ਭਾਰਤੀ ਪਰਬਤਾਰੋਹੀ ਸਮੇਤ 12 ਲੋਕ ਜ਼ਖ਼ਮੀ

ਕਾਠਮੰਡੂ (ਭਾਸ਼ਾ)- ਨੇਪਾਲ ਦੇ ਮਾਊਂਟ ਮਨਾਸਲੂ ਦੇ ਬੇਸ ਕੈਂਪ 'ਤੇ ਸੋਮਵਾਰ ਨੂੰ ਬਰਫ਼ ਦੇ ਤੋਦੇ ਡਿੱਗਣ ਕਾਰਨ ਭਾਰਤੀ ਪਰਬਤਾਰੋਹੀ ਬਲਜੀਤ ਕੌਰ ਸਮੇਤ 12 ਪਰਬਤਾਰੋਹੀ ਜ਼ਖ਼ਮੀ ਹੋ ਗਏ। ਮੀਡੀਆ ਦੀ ਖ਼ਬਰ 'ਚ ਇਹ ਜਾਣਕਾਰੀ ਦਿੱਤੀ ਗਈ। ‘ਹਿਮਾਲੀਅਨ ਟਾਈਮਜ਼’ ਅਖ਼ਬਾਰ ਨੇ ਦੱਸਿਆ ਕਿ 12 ਪਰਬਤਾਰੋਹੀਆਂ ਵਿੱਚੋਂ ਤਿੰਨ ਗੰਭੀਰ ਜ਼ਖ਼ਮੀ ਹੋ ਗਏ ਹਨ। ਸੈਰ-ਸਪਾਟਾ ਵਿਭਾਗ ਨੇ ਪੁਸ਼ਟੀ ਕੀਤੀ ਕਿ ਸੋਮਵਾਰ ਸਵੇਰੇ ਕਰੀਬ 11.30 ਵਜੇ ਬਰਫ ਖਿਸਕਣ ਦੀ ਘਟਨਾ ਵਾਪਰੀ।

ਸੂਤਰਾਂ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ 'ਸੈਵਨ ਸਮਿਟ ਟ੍ਰੇਕਸ', 'ਸਾਟੋਰੀ ਐਡਵੈਂਚਰ', 'ਇਮੇਜਿਨ ਨੇਪਾਲ ਟ੍ਰੈਕਸ', 'ਏਲੀਟ ਐਕਸਪੀਡੀਸ਼ਨ' ਅਤੇ '8 ਕੇ ਐਕਸਪੀਡੀਸ਼ਨ' ਦੇ ਸ਼ੇਰਪਾ ਪਰਬਤਾਰੋਹੀ ਅਤੇ ਹੋਰ ਬਰਫ਼ ਦੇ ਤੋਦੇ ਡਿੱਗਣ ਕਾਰਨ ਜ਼ਖ਼ਮੀ ਹੋ ਗਏ। ਖ਼ਬਰ 8K ਮੁਹਿੰਮ ਨਾਲ ਸਬੰਧਤ ਪੇਂਬਾ ਸ਼ੇਰਪਾ ਨੇ ਕਿਹਾ ਕਿ ਭਾਰਤੀ ਪਰਬਤਾਰੋਹੀ ਬਲਜੀਤ ਕੌਰ ਅਤੇ ਉਨ੍ਹਾਂ ਦੇ ਸ਼ੇਰਪਾ ਗਾਈਡ ਦੋਵਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ ਅਤੇ ਉਹ ਸੁਰੱਖਿਅਤ ਹਨ।

'ਕਾਠਮੰਡੂ ਪੋਸਟ' ਅਖ਼ਬਾਰ ਨੇ ਵਿਭਾਗ ਦੇ ਡਾਇਰੈਕਟਰ ਦੇ ਹਵਾਲੇ ਨਾਲ ਕਿਹਾ ਕਿ ਸੈਰ-ਸਪਾਟਾ ਵਿਭਾਗ ਦਾ ਘਟਨਾ ਵਾਲੀ ਥਾਂ 'ਤੇ ਅਧਿਕਾਰੀਆਂ ਨਾਲ ਅਜੇ ਸੰਪਰਕ ਨਹੀਂ ਹੋ ਸਕਿਆ ਹੈ। ਬਰਫ਼ ਦੇ ਤੋਦੇ ਮਾਊਂਟ ਮਨਾਸਲੂ ਦੇ ਚੌਥੇ ਕੈਂਪ ਦੇ ਬਿਲਕੁਲ ਹੇਠਾਂ ਰਸਤੇ 'ਤੇ ਉਸ ਸਮੇਂ ਡਿੱਗਾ, ਜਦੋਂ ਪਰਬਤਾਰੋਹੀ ਉੱਚ ਕੈਂਪਾਂ ਲਈ ਰਸਦ ਲਿਆ ਰਹੇ ਸਨ। ਮਾਊਂਟ ਮਨਾਸਲੂ 'ਤੇ ਮੁਹਿੰਮ ਲਈ ਸਰਕਾਰੀ ਅਧਿਕਾਰੀ ਯਸ਼ੋਦਾ ਆਚਾਰੀਆ ਨੇ ਕਿਹਾ ਕਿ ਬਚਾਅ ਕਾਰਜ ਜਾਰੀ ਹਨ ਅਤੇ ਵੱਖ-ਵੱਖ ਹੈਲੀਕਾਪਟਰ ਸੇਵਾਵਾਂ ਲੋਕਾਂ ਦੀ ਭਾਲ ਕਰ ਰਹੀਆਂ ਹਨ। ਮਾਊਂਟ ਮਨਾਸਲੂ ਬੇਸ ਕੈਂਪ 'ਤੇ ਖਰਾਬ ਮੌਸਮ ਨੇ ਬਚਾਅ ਕਾਰਜਾਂ 'ਚ ਰੁਕਾਵਟ ਆ ਰਹੀ ਹੈ।