ਰਵੀ ਪਰਮਾਰ ਨੇ ਵਧਾਇਆ ਮਾਣ, ਬਿ੍ਟਿਸ਼ ਕੋਲੰਬੀਆ 'ਚ ਬਣਿਆ ਵਿਧਾਇਕ

ਐਬਟਸਫੋਰਡ- ਕੈਨੇਡਾ ਵਿਖੇ ਸੂਕੇ ਸਕੂਲ ਡਿਸਟ੍ਰਿਕਟ ਬੋਰਡ ਦੇ ਚੇਅਰ ਅਤੇ ਐਨਡੀਪੀ ਉਮੀਦਵਾਰ ਰਵੀ ਪਰਮਾਰ ਸ਼ਨੀਵਾਰ ਨੂੰ ਲੈਂਗਫੋਰਡ-ਜੁਆਨ ਡੀ ਫੁਕਾ ਲਈ ਵਿਧਾਇਕ ਚੁਣੇ ਗਏ। ਸੀਟ ਉਦੋਂ ਖਾਲੀ ਹੋਈ, ਜਦੋਂ ਸਾਬਕਾ ਪ੍ਰੀਮੀਅਰ ਜੌਨ ਹੌਰਗਨ ਮਾਰਚ ਦੇ ਅੰਤ ਵਿੱਚ ਸੇਵਾਮੁਕਤ ਹੋਏ। 28 ਸਾਲ ਦੀ ਉਮਰ ਵਿੱਚ ਪਰਮਾਰ ਸਹੁੰ ਚੁੱਕਣ ਵੇਲੇ ਮੌਜੂਦਾ ਬੀਸੀ ਵਿਧਾਨ ਸਭਾ ਵਿੱਚ ਸਭ ਤੋਂ ਘੱਟ ਉਮਰ ਦੇ ਵਿਧਾਇਕ ਹੋਣਗੇ। ਕੈਨੇਡਾ ਦੇ ਬਿ੍ਟਿਸ਼ ਕੋਲੰਬੀਆ ਸੂਬੇ ਦੇ ਵਿਧਾਨ ਸਭਾ ਹਲਕਾ ਲੈਂਗਫੋਰਡ-ਜੁਆਨ ਦੇ ਫੁਕਾ ਵਿਖੇ ਜ਼ਿਮਨੀ ਚੋਣ ਲਈ ਵੋਟਾਂ ਸਵੇਰੇ 8 ਵਜੇ ਤੋਂ ਰਾਤ 8 ਵਜੇ ਤੱਕ ਪਈਆਂ ਅਤੇ ਐਲਾਨੇ ਗਏ ਨਤੀਜੇ 'ਚ ਰਵੀ ਸਿੰਘ ਪਰਮਾਰ ਨੇ ਸ਼ਾਨਦਾਰ ਜਿੱਤ ਪ੍ਰਾਪਤ ਕੀਤੀ | ਜਿੱਤ ਮਗਰੋਂ ਰਵੀ ਨੇ ਦੋਸਤਾਂ ਅਤੇ ਭਾਈਚਾਰੇ ਦੇ ਲੋਕਾਂ ਦਾ ਧੰਨਵਾਦ ਕੀਤਾ। 

ਜ਼ਿਕਰਯੋਗ ਹੈ ਕਿ ਲੈਂਗਫੋਰਡ ਜੁਆਨ ਦੇ ਫੁਕਾ ਵਿਧਾਨ ਸਭਾ ਸੀਟ ਬਿ੍ਟਿਸ਼ ਕੋਲੰਬੀਆ ਦੇ 2 ਵਾਰ ਮੁੱਖ ਮੰਤਰੀ ਰਹੇ ਜੌਨ ਹੌਰਗਨ ਵਲੋਂ ਸਿਆਸਤ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਖਾਲੀ ਹੋਈ ਸੀ, ਜਿਸ ਲਈ ਜ਼ਿਮਨੀ ਚੋਣ ਹੋਈ | ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਮਾਹਿਲਪੁਰ ਨੇੜਲੇ ਪਿੰਡ ਜੰਗਲੀਆਣਾ ਨਾਲ ਸੰਬੰਧਿਤ ਰਵੀ ਪਰਮਾਰ 2014 'ਚ ਪਹਿਲੀ ਵਾਰ ਸੂਕ ਸ਼ਹਿਰ ਦੇ ਸਕੂਲ ਬੋਰਡ ਦਾ ਟਰੱਸਟੀ ਚੁਣਿਆ ਗਿਆ ਸੀ, ਉਦੋਂ ਉਹ 20 ਸਾਲਾਂ ਦਾ ਸੀ | ਉਹ ਸੂਕ ਸਕੂਲ ਸਿੱਖਿਆ ਬੋਰਡ ਦਾ 3 ਵਾਰ ਟਰੱਸਟੀ ਤੇ 2 ਵਾਰ ਚੇਅਰਮੈਨ ਰਹਿ ਚੁੱਕਾ ਹੈ ਤੇ ਵਿਧਾਇਕ ਲਈ ਪਹਿਲੀ ਵਾਰ ਚੋਣ ਮੈਦਾਨ 'ਚ ਨਿੱਤਰਿਆ ਸੀ | ਰਵੀ ਪਰਮਾਰ ਦੀ ਜਿੱਤ ਨਾਲ ਸੂਬੇ 'ਚ ਪੰਜਾਬੀ ਵਿਧਾਇਕਾਂ ਦੀ ਗਿਣਤੀ 10 ਹੋ ਗਈ ਹੈ |

ਪੜ੍ਹੋ ਇਹ ਅਹਿਮ ਖ਼ਬਰ-ਰੂਸ ਨੂੰ ਝਟਕਾ, ਆਸਟ੍ਰੇਲੀਆਈ ਅਦਾਲਤ ਨੇ ਦੂਤਘਰ ਸਬੰਧੀ ਪਟੀਸ਼ਨ ਕੀਤੀ ਖਾਰਿਜ

ਬਿ੍ਟਿਸ਼ ਕੋਲੰਬੀਆ ਦੇ ਇਤਿਹਾਸ 'ਚ ਇਹ ਪਹਿਲੀ ਵਾਰ ਹੈ ਕਿ ਸਾਰੇ 10 ਵਿਧਾਇਕ ਸੱਤਾਧਾਰੀ ਨਿਊ ਡੈਮੋਕ੍ਰੇਟਿਕ ਦੇ ਹਨ, ਜਿਨ੍ਹਾਂ ਵਿਚ ਇਕ ਸਪੀਕਰ, ਇਕ ਅਟਾਰਨੀ ਜਨਰਲ, 4 ਕੈਬਨਿਟ ਮੰਤਰੀ ਤੇ 2 ਸੰਸਦੀ ਸੱਕਤਰ ਹਨ | ਰਾਜ ਚੌਹਾਨ (ਬਰਨਬੀ-ਐਡਮੰਡਜ਼), ਰਵੀ ਕਾਹਲੋਂ (ਡੈਲਟਾ ਨਾਰਥ), ਜਗਰੂਪ ਬਰਾੜ (ਸਰੀ-ਫਲੀਟਵੁੱਡ), ਰਚਨਾ ਸਿੰਘ (ਸਰੀ-ਗ੍ਰੀਨ ਟਿੰਬਰਜ਼), ਹੈਰੀ ਬੈਂਸ (ਸਰੀ-ਨਿਊਟਨ), ਜਿੰਨੀ ਸਿਮਸ (ਸਰੀ-ਨਿਊਟਨ) ਨਾਲ ਸ਼ਾਮਲ ਹੋ ਕੇ ਪਰਮਾਰ ਬੀ.ਸੀ. ਵਿੱਚ 10ਵੇਂ ਦੱਖਣੀ ਏਸ਼ੀਆਈ ਵਿਧਾਇਕ ਬਣੇ। ਇਹ ਸਾਰੇ ਪਿਛਲੀਆਂ ਸੂਬਾਈ ਚੋਣਾਂ ਵਿੱਚ ਦੁਬਾਰਾ ਚੁਣੇ ਗਏ ਸਨ ਅਤੇ ਨਾਲ ਹੀ ਪਹਿਲੀ ਮਿਆਦ ਦੇ ਵਿਧਾਇਕ ਨਿੱਕੀ ਸ਼ਰਮਾ (ਵੈਨਕੂਵਰ-ਹੇਸਟਿੰਗਜ਼) ਅਤੇ ਅਮਨ ਸਿੰਘ (ਰਿਚਮੰਡ-ਕੁਈਨਜ਼ਬਰੋ) ਅਤੇ ਹਰਵਿੰਦਰ ਸੰਧੂ (ਵਰਨਨ-) ਮੋਨਾਸ਼ੀ) ਵੀ ਸ਼ਾਮਲ ਹਨ। ਨਵੰਬਰ 2020 ਵਿੱਚ ਦੱਖਣੀ ਏਸ਼ੀਆ ਵਿੱਚ ਰਿਕਾਰਡ ਨੌਂ ਵਿਧਾਇਕ ਸਨ। ਐਨਡੀਪੀ ਦੇ ਜੋਨ ਫਿਲਿਪ ਵੈਨਕੂਵਰ-ਮਾਉਂਟ ਪਲੀਜ਼ੈਂਟ ਲਈ ਵਿਧਾਇਕ ਚੁਣੇ ਗਏ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।