ਆਸਟ੍ਰੇਲੀਆ : ਗੋਲੀਬਾਰੀ ''ਚ ਜ਼ਖਮੀ ਹੋਏ ਵਿਅਕਤੀ ਨੇ ਤੋੜਿਆ ਦਮ
Sunday, Apr 21, 2019 - 12:31 PM (IST)
ਮੈਲਬੌਰਨ, (ਭਾਸ਼ਾ)— ਮੈਲਬੌਰਨ 'ਚ ਮਸ਼ਹੂਰ ਨਾਈਟ ਕਲੱਬ ਦੇ ਬਾਹਰ ਹੋਈ ਗੋਲੀਬਾਰੀ 'ਚ ਜ਼ਖਮੀ ਹੋਏ ਇਕ ਹੋਰ ਵਿਅਕਤੀ ਨੇ ਦਮ ਤੋੜ ਦਿੱਤਾ ਹੈ। ਇਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਦੋ ਹੋ ਗਈ ਹੈ। ਪੁਲਸ ਨੇ ਦੱਸਿਆ ਕਿ ਨਾਈਟ ਕਲੱਬ 'ਚ ਜ਼ਖਮੀ ਹੋਏ ਵਿਅਕਤੀ ਦੀ ਮੌਤ ਹੋ ਗਈ। ਸਥਾਨਕ ਖਬਰਾਂ 'ਚ ਉਸ ਦਾ ਨਾਂ ਰਿਚਰਡ ਐਰੋ ਦੱਸਿਆ ਜਾ ਰਿਹਾ ਹੈ, ਜਿਸ ਦੀ ਉਮਰ 28 ਸਾਲ ਸੀ।
ਇੱਥੇ ਪਿਛਲੇ ਐਤਵਾਰ ਨੂੰ ਲਵ ਮਸ਼ੀਨ ਕਲੱਬ ਦੇ ਬਾਹਰ ਹੋਈ ਗੋਲੀਬਾਰੀ 'ਚ ਇਕ ਔਰਤ ਸਮੇਤ 6 ਲੋਕ ਜ਼ਖਮੀ ਹੋ ਗਏ ਸਨ। ਸੁਰੱਖਿਆ ਕਰਮਚਾਰੀ ਐਰੋਨ ਖਾਲਿਦ ਉਸਮਾਨੀ ਨੇ ਉਸੇ ਦਿਨ ਹਸਪਤਾਲ 'ਚ ਦਮ ਤੋੜ ਦਿੱਤਾ ਸੀ।
ਸੂਤਰਾਂ ਮੁਤਾਬਕ ਜਾਂਚ ਅਧਿਕਾਰੀ ਜਾਂਚ ਕਰ ਰਹੇ ਹਨ ਕਿ ਘਟਨਾ ਦਾ ਮੋਟਰਸਾਈਕਲ ਗਿਰੋਹ ਜਾਂ ਹੋਰ ਕਿਸੇ ਸਮੂਹ ਨਾਲ ਕੋਈ ਸਬੰਧ ਹੈ ਜਾਂ ਨਹੀਂ। ਫਿਲਹਾਲ ਬਾਕੀ ਜ਼ਖਮੀ ਮੈਡੀਕਲ ਸਹਾਇਤਾ ਲੈ ਰਹੇ ਹਨ।
