ਮੈਲਬੌਰਨ : ਘਰ ''ਤੇ ਡਿੱਗੀ ਕ੍ਰੇਨ, ਕੋਈ ਜ਼ਖਮੀ ਨਹੀਂ

ਮੈਲਬੌਰਨ (ਬਿਊਰੋ)— ਮੈਲਬੌਰਨ ਦੇ ਦੱਖਣ-ਪੱਛਮ ਵਿਚ ਸੋਮਵਾਰ ਸਵੇਰੇ 16 ਟਨ ਵਜ਼ਨੀ ਕ੍ਰੇਨ ਸਪਾ ਦੇਣ ਦੌਰਾਨ ਇਕ ਘਰ 'ਤੇ ਡਿੱਗ ਪਈ। ਇਹ ਮੰਨਿਆ ਜਾਂਦਾ ਹੈ ਕਿ ਕ੍ਰੇਨ 11 ਵਜੇ ਦੇ ਕਰੀਬ ਗੈਰਾਜ ਅਤੇ ਫਿਨਲੇ ਰੋਡ, ਐਲਟੋਨਾ ਪ੍ਰਾਪਰਟੀ ਦੇ ਪਿਛਲੇ ਹਿੱਸੇ ਉੱਤੇ ਡਿੱਗੀ।

ਮੈਟਰੋਪਾਲੀਟਨ ਫਾਇਰ ਬ੍ਰਿਗੇਡ ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਕਿ ਹਾਦਸੇ ਸਮੇਂ ਕ੍ਰੇਨ ਦਾ 50 ਸਾਲਾ ਡਰਾਈਵਰ ਉਸ ਦੇ ਅੰਦਰ ਹੀ ਸੀ ਪਰ ਚੰਗੀ ਕਿਸਮਤ ਨਾਲ ਉਹ ਸਮਾਂ ਰਹਿੰਦੇ ਬਾਹਰ ਆ ਗਿਆ ਅਤੇ ਉਸ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ। ਇਸ ਹਾਦਸੇ ਵਿਚ ਕਿਸੇ ਹੋਰ ਦੇ ਵੀ ਜ਼ਖਮੀ ਹੋਣ ਦੀ ਜਾਣਕਾਰੀ ਨਹੀਂ ਹੈ। ਕ੍ਰੇਨ ਦੇ ਡਿੱਗਣ ਕਾਰਨ ਨੇੜਲੇ ਘਰ ਨੂੰ ਥੋੜ੍ਹਾ ਜਿਹਾ ਨੁਕਸਾਨ ਪਹੁੰਚਿਆ ਹੈ। ਫਿਲਹਾਲ ਮਾਮਲੇ ਦੀ ਜਾਂਚ ਜਾਰੀ ਹੈ।