ਪੂਰਬੀ ਚੀਨ ਸਾਗਰ ''ਚ ਚੀਨੀ ਜਹਾਜ਼ਾਂ ਨੇ ਫਿਰ ਦੀ ਘੁਸਪੈਠ, ਜਾਪਾਨ ਨੇ ਜਤਾਇਆ ਇਤਰਾਜ਼

ਟੋਕਿਓ : ਜਾਪਾਨ ਨੇ ਪੂਰਬੀ ਚੀਨ ਸਾਗਰ ਦੇ ਵਿਵਾਦਿਤ ਟਾਪੂਆਂ 'ਤੇ ਉਸਦੀ ਅਤੇ ਵੱਧਦੀਆਂ ਗਤੀਵਿਧੀਆਂ ਨੂੰ ਲੈ ਕੇ ਫਿਰ ਵਿਰੋਧ ਦਰਜ ਕਰਾਇਆ। ਪੂਰਬੀ ਚੀਨ ਸਾਗਰ ਵਿੱਚ ਵਿਵਾਦਿਤ ਟਾਪੂਆਂ ਕੋਲ ਚੀਨੀ ਜਹਾਜ਼ਾਂ ਦੀ ਘੁਸਪੈਠ ਤੋਂ ਬਾਅਦ ਜਾਪਾਨ ਨੇ ਬੀਜ਼ਿੰਗ ਸਾਹਮਣੇ ਸਖਤ ਇਤਰਾਜ਼ ਜਤਾਇਆ ਹੈ। ਟੋਕਿਓ ਨੇ ਕਿਹਾ ਕਿ ਚੀਨ  ਦੇ ਕੋਸਟ ਗਾਰਡ ਜਹਾਜ਼ਾਂ ਨੂੰ ਪੂਰਬੀ ਚੀਨ ਸਾਗਰ ਵਿੱਚ ਨਿਰਜਨ ਆਇਲੇਟਸ ਸੇਨਕਾਕੂ ਟਾਪੂ ਦੇ ਕੋਲ ਵਾਰ-ਵਾਰ ਘੁਸਪੈਠ ਕਰਦੇ ਵੇਖਿਆ ਜਾ ਰਿਹਾ ਹੈ। ਜਾਪਾਨ ਸਰਕਾਰ ਦੇ ਬੁਲਾਰਾ ਕਾਤਸੁਨੋਬੁ ਕਾਤੋ ਨੇ ਦੱਸਿਆ ਕਿ ਇੱਕ ਚੀਨੀ ਕੋਸਟ ਗਾਰਡ ਜਹਾਜ਼ ਨੇ ਸ਼ੁੱਕਰਵਾਰ ਸਵੇਰੇ ਜਾਪਾਨ ਦੇ ਖੇਤਰੀ ਪਾਣੀ ਵਿੱਚ ਘੁਸਪੈਠ ਕੀਤੀ ਅਤੇ ਇੱਕ ਜਾਪਾਨੀ ਮੱਛੀ ਫੜਨ ਵਾਲੀ ਕਿਸ਼ਤੀ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ।

ਕਾਤੋ ਨੇ ਕਿਹਾ ਕਿ ਜਾਪਾਨ ਦੀ ਚਿਤਾਵਨੀ ਅਤੇ ਵਿਰੋਧ ਦੇ ਬਾਵਜੂਦ ਚੀਨੀ ਕੋਸਟ ਗਾਰਡ ਜਹਾਜ਼ਾਂ ਨੇ ਇਸ ਟਾਪੂ ਦੇ ਨੇੜੇ ਆਪਣੀਆਂ ਸਰਗਰਮੀਆਂ ਵਧਾ ਦਿੱਤੀਆਂ ਹਨ ਅਤੇ ਟੋਕਿਓ ਦੁਆਰਾ ਵਾਰ-ਵਾਰ ਇਸ ਸੰਬੰਧ ਵਿੱਚ ਵਿਰੋਧ ਜਤਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਜਾਪਾਨੀ ਕਿਸ਼ਤੀਆਂ ਦੇ ਝੁੰਡ ਇਸ ਖੇਤਰ ਵਿੱਚ ਮੱਛੀ ਫੜਨ ਲਈ ਜਾਂਦੇ ਹਨ। ਕਾਤੋ ਨੇ ਕਿਹਾ, ਜਾਪਾਨ ਕੋਸਟ ਗਾਰਡ ਨੇ ਜਹਾਜ਼ ਨੂੰ ਵਾਰ-ਵਾਰ ਖੇਤਰ ਛੱਡਣ ਦੀ ਅਪੀਲ ਕੀਤੀ ਅਤੇ ਹੁਣ ਕੂਟਨੀਤਕ ਚੈਨਲਾਂ ਦੇ ਜ਼ਰੀਏ ਉਹ ਚੀਨ ਨੂੰ ਇਸ ਸੰਬੰਧੀ ਚਿਤਾਵਨੀ ਦੇ ਰਹੇ ਹੈ  ਕਿ ਇਸ ਖੇਤਰ ਵਿੱਚ ਗ਼ੈਰਕਾਨੂੰਨੀ ਪਰਵੇਸ਼ ਨੂੰ ਬੰਦ ਕਰੇ  ।