ਦੁਨੀਆ ਭਰ 'ਚ ਸ਼ੁਰੂ ਹੋਇਆ ਕ੍ਰਿਸਮਸ ਦਾ ਜਸ਼ਨ, ਤਸਵੀਰਾਂ
Wednesday, Dec 25, 2019 - 12:22 PM (IST)
ਯੇਰੂਸ਼ਲਮ (ਬਿਊਰੋ): ਦੁਨੀਆ ਭਰ ਵਿਚ ਈਸਾਈ ਭਾਈਚਾਰੇ ਦੇ ਲੋਕ ਅੱਜ ਕ੍ਰਿਸਮਸ ਦੇ ਜਸ਼ਨ ਵਿਚ ਡੁੱਬੇ ਹੋਏ ਹਨ। ਵਿਭਿੰਨ ਦੇਸ਼ਾਂ ਦੇ ਸ਼ਰਧਾਲੂ ਮੰਗਲਵਾਰ ਨੂੰ ਬਾਈਬਲ ਸ਼ਹਿਰ ਬੇਥਹੇਲਮ ਵਿਚ ਕ੍ਰਿਸਮਸ ਮਨਾਉਣ ਲਈ ਪਹੁੰਚ ਰਹੇ ਹਨ। ਮੰਨਿਆ ਜਾਂਦਾ ਹੈ ਕਿ ਪ੍ਰਭੂ ਈਸਾ ਮਸੀਹ ਦਾ ਜਨਮ ਇਸੇ ਪਵਿੱਤਰ ਧਰਤੀ 'ਤੇ ਹੋਇਆ ਸੀ। ਹਜ਼ਾਰਾਂ ਫਿਲਸਤੀਨ ਅਤੇ ਵਿਦੇਸ਼ੀ ਇਜ਼ਰਾਈਲ ਦੇ ਕਬਜ਼ੇ ਵਾਲੇ ਵੈਸਟ ਬੈਂਕ ਦੇ ਛੋਟੇ ਜਿਹੇ ਸ਼ਹਿਰ ਵਿਚ ਪਹੁੰਚ ਰਹੇ ਹਨ, ਜਿਸ ਕਾਰਨ ਚਰਚ ਆਫ ਦੀ ਨੈਟਵਿਟੀ ਦੇ ਆਲੇ-ਦੁਆਲੇ ਦੇ ਇਲਾਕਿਆਂ ਵਿਚ ਉਤਸਵ ਦਾ ਮਾਹੌਲ ਹੈ।
24 ਦਸੰਬਰ ਦੀ ਰਾਤ ਤੋਂ ਹੀ 'ਹੈਪੀ ਕ੍ਰਿਸਮਸ' ਅਤੇ 'ਮੈਰੀ ਕ੍ਰਿਸਮਸ' ਦੀਆਂ ਵਧਾਈਆਂ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਸੀ। ਲੋਕ ਇਕ-ਦੂਜੇ ਨੂੰ ਕੇਕ ਖਵਾ ਕੇ ਖੁਸ਼ੀਆਂ ਵੰਡ ਰਹੇ ਹਨ। ਜਗ੍ਹਾ-ਜਗ੍ਹਾ ਕ੍ਰਿਸਮਸ ਟ੍ਰੀ ਸਜਾਏ ਗਏ ਹਨ। ਦੁਨੀਆ ਭਰ ਵਿਚ ਮਨਾਏ ਜਾ ਰਹੇ ਕ੍ਰਿਸਮਸ ਦੇ ਤਿਉਹਾਰ ਦੀ ਸ਼ੁਰੂਆਤ ਅਸੀਂ ਬੱਚਿਆਂ ਦੀ ਤਸਵੀਰ ਨਾਲ ਕਰ ਰਹੇ ਹਾਂ।
ਬੈਂਕਾਕ ਦੇ ਇਕ ਹਸਪਤਾਲ ਵਿਚ ਨਵਜੰਮੇ ਬੱਚਿਆਂ ਨੂੰ ਸੈਂਟਾ ਕਲਾਜ਼ ਦੇ ਰੂਪ ਵਿਚ ਕੀਤਾ ਗਿਆ ਤਿਆਰ।
ਜਰਮਨੀ ਵਿਚ ਕ੍ਰਿਸਮਸ ਮੌਕੇ ਬਾਜ਼ਾਰ ਸਜਾਏ ਗਏ। ਲੋਕ ਕ੍ਰਿਸਮਸ ਦਾ ਜਸ਼ਨ ਮਨਾਉਣ ਲਈ ਸੜਕਾਂ 'ਤੇ ਉਤਰ ਆਏ ।
ਚਾਕਲੇਟਸ ਲਈ ਮਸ਼ਹੂਰ ਬੈਲਜੀਅਮ ਵਿਚ ਰੁੱਖਾਂ ਨੂੰ ਲਾਈਟਾਂ ਨਾਲ ਸਜਾਇਆ ਗਿਆ। ਜਗਮਗਾਉਂਦੀ ਰੋਸ਼ਨੀ ਵਿਚ ਤਿਉਹਾਰ ਦਾ ਉਤਸਾਹ ਕਾਫੀ ਜ਼ਿਆਦਾ ਹੈ।
ਲੰਬੇ ਸਮੇਂ ਤੋਂ ਵਿਰੋਧ ਅਤੇ ਪ੍ਰਦਰਸ਼ਨਾਂ ਦਾ ਗਵਾਹ ਰਿਹਾ ਹਾਂਗਕਾਂਗ ਹੁਣ ਕ੍ਰਿਸਮਸ ਦੇ ਤਿਉਹਾਰ ਲਈ ਸਜਾਇਆ ਗਿਆ ਹੈ। ਇੱਥੇ ਇਕ ਮਾਲ ਦੇ ਬਾਹਰ ਕ੍ਰਿਸਮਸ ਟ੍ਰੀ ਲਗਾਏ ਗਏ ਹਨ।
ਜਾਪਾਨ ਵਿਚ ਲੋਕਾਂ ਨੇ ਨੱਚਦੇ ਹੋਏ ਕ੍ਰਿਸਮਸ ਤੋਂ ਪਹਿਲਾਂ ਦੀ ਸ਼ਾਮ ਦੇ ਜਸ਼ਨ ਦੀ ਸ਼ੁਰੂਆਤ ਕੀਤੀ।
ਸਵੀਡਾਨ ਦੇ ਸਟਾਕਹੋਲਮ ਵਿਚ ਮੂਰਤੀਆਂ ਨੂੰ ਲਾਈਟਾਂ ਨਾਲ ਸਜਾਇਆ ਗਿਆ। ਰਾਤ ਦੀ ਰੋਸ਼ਨੀ ਵਿਚ ਇਹਨਾਂ ਦਾ ਨਜ਼ਾਰਾ ਕਾਫੀ ਦਿਲਚਸਪ ਅਤੇ ਦਿਲ ਨੂੰ ਛੂਹ ਲੈਣ ਵਾਲਾ ਲੱਗਦਾ ਹੈ। ਇਕ ਮਹਿਲਾ ਇਸ ਯਾਦਗਾਰ ਪਲ ਨੂੰ ਆਪਣੇ ਮੋਬਾਇਲ ਵਿਚ ਕੈਦ ਕਰਦੀ ਹੋਈ।
ਮੈਕਸੀਕੋ ਵਿਚ ਹਰ ਪਾਸੇ ਕ੍ਰਿਸਮਸ ਦੀ ਧੂਮ ਹੈ। ਸੜਕਾਂ 'ਤੇ ਹਰ ਕੋਈ ਸੈਂਟਾ ਕਲਾਜ਼ ਬਣ ਕੇ ਘੁੰਮ ਰਿਹਾ ਹੈ। ਇੱਥੋਂ ਤੱਕ ਕਿ ਟੈਕਸੀ ਵਾਲਿਆਂ ਨੇ ਆਪਣੀ ਟੈਕਸੀ ਨੂੰ ਵੀ ਕ੍ਰਿਸਮਸ ਦੀ ਥੀਮ 'ਤੇ ਸਜਾਇਆ ਹੈ।
ਪਾਕਿਸਤਾਨ ਦੇ ਪੇਸ਼ਾਵਰ ਵਿਚ ਵੀ ਈਸਾਈ ਭਾਈਚਾਰੇ ਦੇ ਲੋਕਾਂ ਨੇ ਚਰਚ ਸਜਾ ਕੇ ਕ੍ਰਿਸਮਸ ਦਾ ਜਸ਼ਨ ਮਨਾਉਣ ਦੀ ਤਿਆਰੀ ਕੀਤੀ।
ਅਮਰੀਕਾ ਦੇ ਵਾਸ਼ਿੰਗਟਨ ਵਿਚ ਵ੍ਹਾਈਟ ਹਾਊਸ ਦੇ ਸਾਹਮਣੇ ਕ੍ਰਿਸਮਸ ਟ੍ਰੀ ਨੂੰ ਸਜਾਇਆ ਗਿਆ। ਇਸ ਨਜ਼ਾਰੇ ਨੂੰ ਕਈ ਲੋਕਾਂ ਨੇ ਆਪਣੇ ਕੈਮਰੇ ਵਿਚ ਕੈਦ ਕੀਤਾ।
ਹੜ੍ਹ ਦੀ ਮਾਰ ਝੱਲ ਰਹੇ ਇਟਲੀ ਵਿਚ ਵੀ ਲੋਕ ਕ੍ਰਿਸਮਸ ਦਾ ਜਸ਼ਨ ਮਨਾ ਰਹੇ ਹਨ।
